Odisha News: କୃଷକଙ୍କ ଆୟକୁ ବହୁଗୁଣିତ କରିଛି ଜୀବିକା ସମୃଦ୍ଧି ପ୍ରକଳ୍ପ

Odisha News: ଭୁବନେଶ୍ୱର: ବେଦାନ୍ତ ଆଲୁମିନିୟମର କୃଷି ଭିତ୍ତିକ ସ୍ଥାୟୀ ଜୀବିକା ଅଭିଯାନ ‘ଜୀବିକା ସମୃଦ୍ଧି ପ୍ରକଳ୍ପ' ଝାରସୁଗୁଡ଼ା ଜିଲ୍ଲାର କୃଷକମାନଙ୍କ ମଧ୍ୟରେ ଏକ ବଡ ପରିବର୍ତ୍ତନ ଆଣିଛି । ‘ଜଳବାୟୁ ଭିତ୍ତିକ ସ୍ମାର୍ଟ କୃଷି' ଏବଂ ଆନୁଷଙ୍ଗିକ କାର୍ଯ୍ୟ ହାତକୁ ନେଇ ବେଦାନ୍ତ ଆଲୁମିନିୟମର ଏହି ଫ୍ଲାଗସିପ୍ ପ୍ରକଳ୍ପ ଏହାର ପ୍ରାରମ୍ଭିକ ପର୍ଯ୍ୟାୟରେ ୪୦୦ରୁ ଅଧିକ କୃଷକ ପରିବାରର ଜୀବନରେ ଉନ୍ନତି ଆଣିପାରିଛି।

ଏବେ ପ୍ରକଳ୍ପର ତୃତୀୟ ପର୍ଯ୍ୟାୟ ଚାଲିଥିବା ବେଳେ ଝାରସୁଗୁଡ଼ା ଜିଲ୍ଲାର ପରମାଣପୁର, କୁମୁଡାପାଲି ଓ ଡାଲକି ଗ୍ରାମରେ ଆଉ ୫୦୦ କୃଷକ ପରିବାରକୁ ସଶକ୍ତ କରିବା ପାଇଁ ଏହାର ଲକ୍ଷ୍ୟ ରହିଛି । ଧାନ ଚାଷର ସିଷ୍ଟମ ଅଫ୍ ରାଇସ୍ ଇନଟେନସିଫିକେସନ (ଏସଆରଅ ।ଇ) ପଦ୍ଧତି କାର୍ଯ୍ୟକାରୀ କରିଥିବା ପରମାଣପୁର ଗ୍ରାମର ମନବୋଧ ପ୍ରଧାନ ନିଜର ପରିବର୍ତନଶୀଳ ଯାତ୍ରା ବିଷୟରେ ସୂଚନା ଦେଇ କହିଛନ୍ତି ଯେ ଏସଆରଆଇ ମୋର ଚାଷ ଖର୍ଚ୍ଚକୁ ହ୍ରାସ କରିଛି ଏବଂ ମୋର ଉତ୍ପାଦନ ବୃଦ୍ଧି କରିଛି, ବର୍ତ୍ତମାନ ମୁଁ ୨ ଏକର ଜମିରୁ ୫୧ କୁଇଣ୍ଟାଲ ଧାନ ଅମଳ କରିଛି ।

ଗୁଡିଗାଁ ଗ୍ରାମର ଆଉ ଏକ ସଫଳତାର କାହାଣୀ ସେୟାର କରି ଅତ୍ୟନ୍ତ ଖୁସି ଥିବା ଅନ୍ୟ ଜଣେ ଚାଷୀ ନରେଶ ପଟେଲ ସ୍ୱୀକାର କରିଛନ୍ତି ଯେ ପ୍ରାକୃତିକ କୀଟ ପରିଚାଳନା ଏବଂ ଜୈବିକ ଚାଷ ପଦ୍ଧତି ଉପରେ ପ୍ରଶିକ୍ଷଣ ଜରିଆରେ ଅଦା, ଲଙ୍କା, ଧନିଆ, ଲାଉ ଭଳି ଅନେକ ଅର୍ଥକାରୀ ଫସଲ ଚାଷ ସୁନିଶ୍ଚିତ ହୋଇଛି ଯାହା ବହୁତ ଭଲ ଲାଭ ଦେଉଛି ।

ଝାରସୁଗୁଡ଼ା ଜିଲ୍ଲା ଉଦ୍ୟାନ କୃଷି ସହକାରୀ ନିର୍ଦେଶକ ମନୋରଞ୍ଜନ ନନ୍ଦ କହିଛନ୍ତି ଯେ ଜୀବିକା ସମୃଦ୍ଧି ପ୍ରକଳ୍ପ ବହୁ ସଂଖ୍ୟକ କୃଷକ ପରିବାରଙ୍କୁ ଉନ୍ନତ କୃଷି ପଦ୍ଧତି ସହିତ ଜମି ଓ ଜଳ ପରିଚାଳନାରେ ସର୍ବୋତ୍ତମ ପଦ୍ଧତି ସହିତ ପରିଚିତ କରାଇ ସକାରାତ୍ମକ ଭାବେ ପ୍ରଭାବିତ କରୁଛି । ମୁଁ   ଆଶା କରୁଛି ଯେ ଝାରସୁଗୁଡାରେ ପ୍ରକଳ୍ପର ଏହି ତୃତୀୟ ପର୍ଯ୍ୟାୟ କୃଷି କ୍ଷେତ୍ରରେ ବିରାଟ ପରିବର୍ତ୍ତନ ଆଣିବ ।

ଉଲ୍ଲେଖଯୋଗ୍ୟ ଯେ ବେଦାନ୍ତ ଆଲୁମିନିୟମର ମହତ୍ୱାକାଂକ୍ଷୀ ଜୀବିକା ସମୃଦ୍ଧି ପ୍ରକଳ୍ପର ତୃତୀୟ ପର୍ଯ୍ୟାୟରେ ଗ୍ରାମୀଣ କୃଷି ଆହ୍ୱାନର ମୁକାବିଲା ପାଇଁ ଅଭିନବ ଏବଂ ସ୍ଥାୟୀ ସମାଧାନର ଶୁଭାରମ୍ଭ କରାଯାଇଛି । ପୋଖରୀ ପୁନରୁଦ୍ଧାର ଏବଂ ସୌର ପମ୍ପଠାରୁ ଆରମ୍ଭ କରି ଜଳ ବ୍ୟବହାରକୁ ସୁଦୃଢ଼ କରିବା ପାଇଁ ଆଧୁନିକ କ୍ଷୁଦ୍ର ଜଳସେଚନ ପଦ୍ଧତି ପର୍ଯ୍ୟନ୍ତ, ଏହି ପ୍ରକଳ୍ପରେ ଚାଷୀମାନଙ୍କୁ ଏସଆରଆଇ ଏବଂ ୱାଡି ମଡେଲ ଭଳି ଉନ୍ନତ କୌଶଳ ବ୍ୟବହାର କରି ଉର୍ବର ଜମିର ପୁନରୁଦ୍ଧାର କରିବା, ଫସଲ ଉତ୍ପାଦନକୁ ସ୍ଥାୟୀ ଭାବରେ ବୃଦ୍ଧି କରିବା ବିଷୟରେ ଅବଗତ କରାଯାଇଛି । ଆଜି ‘ଜୀବିକା ସମୃଦ୍ଧି ପ୍ରକଳ୍ପ'ରେ ସାମିଲ ହୋଇଥିବା ଚାଷୀମାନେ ଉନ୍ନତ ଜଳସେଚନ ସୁବିଧା ଯୋଗୁଁ ବର୍ଷତମାମ ଚାଷ କାର୍ଯ୍ୟରେ ନିୟୋଜିତ ରହୁଛନ୍ତି ବର୍ଷା ଉପରେ ର୍ନିଭରଶୀଳତା ହ୍ରାସ ପାଇଛି ।

ତୃତୀୟ ପର୍ଯ୍ୟାୟରେ ବର୍ତ୍ତମାନ ଥିବା ନଳକୂପଗୁଡ଼ିକରେ ସୌର ପମ୍ପ ସ୍ଥାପନ ଫଳରେ ଚାଷୀଙ୍କ ପାଇଁ ଜଳସେଚନ ଭିତ୍ତିଭୂମି ବୃଦ୍ଧି ପାଇଛି । ସୌର ଶକ୍ତି ଚାଳିତ ଜଳସେଚନ ସୁବିଧା କାର୍ଯ୍ୟକାରୀ ହେବା ଦ୍ୱାରା କୃଷକମାନେ ବିଭିନ୍ନ ପ୍ରକାରର ଅଧିକ ଅମଳକ୍ଷମ ପନିପରିବା ଚାଷ କରିବାରେ ସଫଳ ହେଉଛନ୍ତି । ଧାନ ଚାଷର ଏସଆରଆଇ ପଦ୍ଧତିର ବ୍ୟବହାର ଏବଂ ଅର୍ଥକାରୀ ଫସଲ ଚାଷକୁ ଆପଣେଇବା ଦ୍ୱାରା ହାରାହାରି ଫସଲ ଉତ୍ପାଦିକତା ବୃଦ୍ଧି ପାଇଛି ଏବଂ କୃଷକଙ୍କ ମାସିକ ଆୟ ବଢିଛି, ଯାହା ପ୍ରକଳ୍ପ ସହିତ ଜଡିତ ୭୭% କୃଷକଙ୍କ ମାସିକ ଆୟରେ ୫୦% ବୃଦ୍ଧି କରିଛି । ଜୈବିକ ଚାଷ ଉପରେ ଗୁରୁତ୍ୱ ଦେବା ସହ ପ୍ରାକୃତିକ ଭାବେ ମାଟିର ଉର୍ବରତା ବଢ଼ାଇବା ପାଇଁ ଜିଆଖତ ଟାଙ୍କି ଓ ଜୈବ ସାର ପ୍ରତିଷ୍ଠା ଭଳି ଅଭ୍ୟାସ ସମ୍ପର୍କରେ ଚାଷୀଙ୍କୁ ବିସ୍ତୃତ ଭାବେ ଅବଗତ କରାଯାଇଛି ।