ରାସ୍ତାରେ ଓଲଟିଲା LPG ଗ୍ୟାସ ଟ୍ୟାଙ୍କର, ଡ୍ରାଇଭର ଗୁରୁତର

Accident News: ବିଶାଖାପାଟଣାରୁ ଖୋର୍ଦ୍ଧା ଅଭିମୁଖେ ଆସୁଥିବା ସମୟରେ ଭାରସ୍ୟାମ ହରାଇବା କାରଣରୁ ହରିଡ଼ା ମୂଳ ନିକଟରେ ଟ୍ୟାଙ୍କରଟି ରାସ୍ତାରେ ଓଲଟି ପଡିଥିଲା । ଘଟଣା ପ୍ରଚାରିତ ହେବା ପରେ ରାସ୍ତାକୁ ସିଲ୍ କରାଯାଇଥିଲା ।

ଗଞ୍ଜାମ: ଗ୍ୟାସ ଟ୍ୟାଙ୍କର ଓଲଟି ପଡିବାରୁ ଜଣେ ଡ୍ରାଇଭର ଗୁରୁତର ଆହତ ହୋଇଛନ୍ତି । ଖଲ୍ଲିକୋଟ ଥାନା ବଡ଼ଘାଟି ହରିଡ଼ା ମୂଳ ନିକଟରେ ଏପରି ଏକ ଦୁର୍ଘଟଣା ସାମ୍ନାକୁ ଆସିଛି । ମନୋଜ କୁମାର ଯାଦବ ନାମକ ଡ୍ରାଇଭରଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରିବା ପରେ ତାଙ୍କୁ ତୁରନ୍ତ ଖଲ୍ଲିକୋଟ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।

ସୂଚନା ମୁତାବକ, ବିଶାଖାପାଟଣାରୁ ଖୋର୍ଦ୍ଧା ଅଭିମୁଖେ ଆସୁଥିବା ସମୟରେ ଭାରସ୍ୟାମ ହରାଇବା କାରଣରୁ ହରିଡ଼ା ମୂଳ ନିକଟରେ ଟ୍ୟାଙ୍କରଟି ରାସ୍ତାରେ ଓଲଟି ପଡିଥିଲା । ଘଟଣା ପ୍ରଚାରିତ ହେବା ପରେ ରାସ୍ତାକୁ ସିଲ୍ କରାଯାଇଥିଲା । ଫଳରେ ଯାନବାହାନ ଚଳାଚଳରେ ବାଧା ଉପୁଜିଥିଲା । ଘଟଣାସ୍ଥଳରେ ପୋଲିସ ସମେତ ଦମକଳ ଗାଡି ପହଞ୍ଚିଥିଲା । ଦୁର୍ଘଟଣା ଆଶଙ୍କା ଥିବାରୁ ଅଞ୍ଚଳବାସୀଙ୍କ ମନରେ ଭୟ ସୃଷ୍ଟି ହୋଇଥିଲା ।