ଅନୈତିକ ସଂପର୍କକୁ ବିରୋଧ; ମାଆ ଆଗରେ ପୁଅଝିଅଙ୍କୁ ଚେଙ୍କ ଦେଲା ପ୍ରେମିକ

Bhubaneswar crime: ଘଟଣା ସାମ୍ନାକୁ ଆସିବା ପରେ ପୁଲିସ ତୁରନ୍ତ ଦୁଇପିଲାଙ୍କୁ ଉଦ୍ଧାର କରି ସେମାନଙ୍କ ବୟାନ ରେକର୍ଡ କରିଛି। ଏହାସହ ମାଆକୁ ଅଟକ ରଖି ଜେରା କରୁଛି। ତେବେ ଫେରାର ହୋଇଯାଇଛି ପ୍ରେମିକ। ଏଣେ ପ୍ରେମିକକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ମୈତ୍ରୀ ବିହାର ଥାନା ପୁଲିସ।

ଭୁବନେଶ୍ଵର: ବାପା ଥାଉ ଥାଉ ଅନୈତିକ ସମ୍ପର୍କରେ ବୁଡ଼ି ରହିଥିଲା ମାଆ। ଏହାକୁ ବିରୋଧ କରିବା ପିଲାଙ୍କ ପାଇଁ କାଳ ହେଲା। ମାଆ ଆଗରେ ପିଲାଙ୍କୁ ଚେଙ୍କ ଦେଲା ପ୍ରେମିକ। ବନ୍ଦ ଘରେ ଦୁଇ ପିଲାଙ୍କୁ ତିନିଦିନ ଧରି ଗରମ ଚିମୁଟାରେ ଚେଙ୍କ ଦିଆଯାଉଥିଲା। ଏପରି ଏକ ଲଜ୍ଜାଜନକ ଘଟଣା ରାଜଧାନୀ ଭୁବନେଶ୍ୱରର ମୈତ୍ରୀବିହାର ଥାନା ମହାବୀର ବସ୍ତିରେ ଘଟିଛି। 

ସୂଚନାଯୋଗ୍ୟ ଯେ, ମୈତ୍ରୀବିହାର ସ୍ଥିତ ମହାବୀର ବସ୍ତିରେ ଉକ୍ତ ମହିଳାଙ୍କ ଘରକୁ ପ୍ରେମିକ ସବୁଦିନ ଆସୁଥିଲେ। ଆଉ ଅନୈତିକ ସମ୍ପର୍କ ରଖୁଥିଲେ। ଏଘଟଣାକୁ ବିରୋଧ କରିବାରୁ ଦୁଷ୍ଟ ହେଉଥିବା ଆଳ ଦେଖାଇ ପ୍ରେମିକ ଦୁଇ ଭାଇ ଭଉଣଙ୍କୁ ଚେଙ୍କ ଦେଇଥିଲା। ଏପରିକି ସେମାନଙ୍କୁ ଗୋଟିଏ ରୁମ୍‌ରେ ବନ୍ଦ କରି ୩ ଦିନ ହେଲାଣି ଗରମ ଚିମୁଟାରେ ଚେଙ୍କ ଦେଇଆସୁଥିଲା। ଫଳରେ ପିଲା ଦୁଇ ଜଣଙ୍କ ଶରୀରର ବିଭିନ୍ନ ସ୍ଥାନରେ ଫୋଟକା ହୋଇ ଯାଇଛି । ଘଟଣା ସାମ୍ନାକୁ ଆସିବା ପରେ ପୁଲିସ ତୁରନ୍ତ ଦୁଇପିଲାଙ୍କୁ ଉଦ୍ଧାର କରି ସେମାନଙ୍କ ବୟାନ ରେକର୍ଡ କରିଛି। ଏହାସହ ମାଆକୁ ଅଟକ ରଖି ଜେରା କରୁଛି। ତେବେ ଫେରାର ହୋଇଯାଇଛି ପ୍ରେମିକ। ଏଣେ ପ୍ରେମିକକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ମୈତ୍ରୀ ବିହାର ଥାନା ପୁଲିସ।