Gold and Silver Price Today: ସୁନା-ରୂପା ମୂଲ୍ୟରେ ବଡ଼ ପରିବର୍ତ୍ତନ, ଜାଣନ୍ତୁ ଆଜିର ନୂଆ ଦର

Gold and Silver Price Today: ଆପଣ ଯଦି ସୁନା କିମ୍ବା ରୂପା ଅଳଙ୍କାର ତିଆରି କରିବାକୁ ବା କିଣିବାକୁ ଚାହୁଁଛନ୍ତି, ତେବେ ଯଥାଶୀଘ୍ର ଏହି କାର୍ଯ୍ୟ ସମ୍ପନ୍ନ କରନ୍ତୁ କାରଣ ଦେଶରେ ଉଭୟ ଧାତୁର ମୂଲ୍ୟ କ୍ରମାଗତ ଭାବରେ ବୃଦ୍ଧି ପାଉଛି । ଆଗାମୀ ଦିନରେ, ଫେଷ୍ଟିଭାଲ ସିଜିନ ଆରମ୍ଭ ହେବା ମାତ୍ରେ ସୁନା ଓ ରୂପା ଅଧିକ ମହଙ୍ଗା ହେବ ।

Gold and Silver Price Today: ଭାରତୀୟ ସରଫା ବଜାରରେ (Indian bullion market) ଚାହିଦା ବୃଦ୍ଧି ସହିତ ସୁନା ଓ ରୂପା ମୂଲ୍ୟ (Gold and Silver Price) ମଧ୍ୟ ଧୀରେ ଧୀରେ ବୃଦ୍ଧି ପାଉଛି । ମଙ୍ଗଳବାର ଦିନ, ସରଫା ବଜାରରେ ସୁନା ମୂଲ୍ୟରେ ୧୦ ଗ୍ରାମ ପିଛା ୧୦ ଟଙ୍କା ବୃଦ୍ଧି ଘଟିଛି । ରୂପା ମୂଲ୍ୟ ମଧ୍ୟ କିଲୋଗ୍ରାମ ପିଛା ୨୦୦ ଟଙ୍କା ବୃଦ୍ଧି ପାଇଛି । ଏହା ସହିତ ଭାରତୀୟ ସରଫା ବଜାରରେ ସୁନା (୨୨ କ୍ୟାରେଟ୍) ଦଶ ଗ୍ରାମ ପିଛା ୫୪,୪୨୩ ଟଙ୍କାକୁ ବୃଦ୍ଧି ପାଇଛି । ୨୪ କ୍ୟାରେଟ୍ ସୁନା ମୂଲ୍ୟ ଦଶ ଗ୍ରାମ ପିଛା ୫୯,୩୭୦ ଟଙ୍କା ହୋଇଯାଇଛି । ଏଥି ସହିତ ରୂପା ମୂଲ୍ୟ କିଲୋଗ୍ରାମରେ ୭୪,୪୮୦ ଟଙ୍କା ହୋଇଯାଇଛି । ମଲ୍ଟି କମୋଡିଟି ଏକ୍ସଚେଞ୍ଜରେ (Multi Commodity Exchange) ୦.୦୨% (୧୦ ଟଙ୍କା) ଲାଭ ସହିତ ଦଶ ଗ୍ରାମ ପ୍ରତି ସୁନା ୫୯,୦୮୬ ଟଙ୍କା ରହିଛି ।

MCX ରେ ସୁନା ୫୯,୧୨୦ ଉଚ୍ଚ ଓ ୫୯,୦୪୧ ପର୍ଯ୍ୟନ୍ତ ନିମ୍ନରେ କାରବାର କରିଛି । ରୂପା ମୂଲ୍ୟ କିଲୋଗ୍ରାମରେ ୦.୨୯% (୨୧୫ ଟଙ୍କା) ବୃଦ୍ଧି ପାଇ ଏଠାରେ କିଲୋଗ୍ରାମରେ ୭୪,୩୧୧ ଟଙ୍କାରେ ପହଞ୍ଚିଛି । ଏହାପୂର୍ବରୁ, ରୂପା ଏକ ଉଚ୍ଚ ସ୍ତରରେ ୭୪,୩୭୯ ଏ ନିମ୍ନ ସ୍ତରରେ ୭୪,୨୪୧ ଟଙ୍କାରେ କାରବାର କରିଥିଲା ​​।

ଭୁବନେଶ୍ୱର-ଦିଲ୍ଲୀ ସମେତ ଦେଶର ପ୍ରମୁଖ ସହରଗୁଡ଼ିକରେ ଏହା ହେଉଛି ସୁନା ଓ ରୂପା ଦର
ଜାତୀୟ ରାଜଧାନୀ ଦିଲ୍ଲୀରେ ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୫୪,୨୪୮ ଟଙ୍କାରେ କାରବାର କରୁଛି । ୨୪ କ୍ୟାରେଟ୍ ସୁନା ଦଶ ଗ୍ରାମ ପିଛା ଏଠାରେ ୫୯,୧୮୦ ଟଙ୍କାରେ ଏଠାରେ ଉପଲବ୍ଧ । ରୂପା ମୂଲ୍ୟ ଏଠାରେ କିଲୋଗ୍ରାମ ପିଛା ୭୪,୧୮୦ ଟଙ୍କାରେ କାରବାର ହେଉଛି । ଅନ୍ୟପକ୍ଷରେ ଭୁବନେଶ୍ୱର ସୁନା (୨୨ କ୍ୟାରେଟ୍) ଦଶ ଗ୍ରାମ ପିଛା ୫୫,୦୦୦ ଟଙ୍କାରେ ବିକ୍ରି ହେଉଛି । ୨୪ କ୍ୟାରେଟ୍ ଶୁଦ୍ଧତାର ସୁନା ଏଠାରେ ଦଶ ଗ୍ରାମ ପିଛା ୬୦,୦୦୦ ଟଙ୍କା ଉପଲବ୍ଧ । ଯେଉଁଠାରେ ରୂପା ହାର ଏଠାରେ କିଲୋଗ୍ରାମ ପିଛା ୮୦,୦୦୦ ଟଙ୍କାରେ କାରାବାର ହେଉଛି । କୋଲକାତାରେ ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୫୪,୨୬୭ ଟଙ୍କା ଓ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୫୯,୨୦୦ ଟଙ୍କା କାରବାର କରୁଛି । 

କିପରି ଜାଣିବେ ସୁନାର ନୂଆ ଦାମ୍?
କହି ରଖୁଛୁ ଯେ ଆପଣ ଘରେ ବସି ଏହି ଦରଗୁଡ଼ିକୁ ସହଜରେ ଜାଣିପାରିବେ । ଏଥିପାଇଁ ଆପଣଙ୍କୁ ଏହି ୮୯୫୫୬୬୪୪୩୩ ନମ୍ବରରେ ଏକ ମିସ୍ କଲ୍ ଦେବାକୁ ପଡିବ ଏବଂ ଆପଣଙ୍କ ଫୋନରେ ଏକ ମେସେଜ୍ ଆସିବ, ଯେଉଁଥିରେ ଆପଣ ସର୍ବଶେଷ ଦର ଚେକ୍ କରିପାରିବେ ।