Delhi IGI Airport: ଖଲିସ୍ତାନ ଆତଙ୍କବାଦୀ ପନ୍ନୁର ଧମକ ପରେ ହାଇଆଲର୍ଟ; ବଢିଲା ଚେକିଂ ବ୍ୟବସ୍ଥା

Khalistani Terrorist Gurupatwant Singh Pannun: ଖଲିସ୍ତାନ ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁର ଧମକ ପରେ ବିମାନ ବନ୍ଦରରେ ଜାରି ହୋଇଛି  ହାଇଆଲର୍ଟ। ଏପରିକି ବିମାନ ବନ୍ଦର ପରିସରରେ କରାଯାଉଥିବା ଯାଞ୍ଚକୁ ମଧ୍ୟ ବଢାଯାଇଛି। ନିକଟରେ ଖଲିସ୍ତାନ ଆତଙ୍କୀ ପନ୍ନୁ ଏକ ଭିଡିଓ ବାର୍ତ୍ତା ମାଧ୍ୟମରେ ନଭେମ୍ବର ୧୯ ତାରିଖରେ ଏୟାର ଇଣ୍ଡିଆ ବିମାନ ଉଡ଼ାଇଦେବାକୁ ଧମକ ଦେଇଥିଲା। ଏହି ଧମକ ଆସିବା ପରେ ଦିଲ୍ଲୀ-ପଞ୍ଜାବ ବିମାନବନ୍ଦରରୁ ଏୟାର ଇଣ୍ଡିଆ ବିମାନ ଯୋଗେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଅତିରିକ୍ତ ସୁରକ୍ଷା ଯାଞ୍ଚ କରାଯାଉଛି। କାନାଡାରେ ରହୁଥିବା ଖଲିସ୍ତାନ ଆତଙ୍କବାଦୀର ଧମକ ପରେ ଭାରତୀୟ ସୁରକ୍ଷା ଏଜେନ୍ସି ସତର୍କ ହୋଇଉଠିଛନ୍ତି। ବର୍ତ୍ତମାନ ବିମାନ ଯାତ୍ରୀଙ୍କ ସୁରକ୍ଷା ପାଇଁ ଏପରି ଆବଶ୍ୟକୀୟ ପଦକ୍ଷେପ ନିଆଯାଉଛି।

ଗଣମାଧ୍ୟମ ରିପୋର୍ଟ ଅନୁଯାୟୀ ଏୟାର ଇଣ୍ଡିଆ ବିମାନ (Air India Flight) ଯୋଗେ ଯାତ୍ରା କରୁଥିବା ଯାତ୍ରୀଙ୍କୁ ଦିଲ୍ଲୀ (Delhi Airport) ଏବଂ ପଞ୍ଜାବର ବିମାନ ବନ୍ଦରରେ (Punjab Airport) ୨ ଥର ସୁରକ୍ଷା ଯାଞ୍ଚ (Security Checking at Airport) କରାଯିବ। ଏହି ସମୟ ମଧ୍ୟରେ ବିମାନ କର୍ମଚାରୀ ଯାତ୍ରୀ ଏବଂ ସେମାନଙ୍କ ଲଗେଜ୍ କିମ୍ବା ବ୍ୟାଗ୍ ପୁନର୍ବାର ଯାଞ୍ଚ କରିବେ। ବିମାନ କର୍ମଚାରୀ ବିମାନ ଯାତ୍ରା କରିବା ପୂର୍ବରୁ ଯାଞ୍ଚ କରିବେ। ବେସାମରିକ ବିମାନ ଚଳାଚଳ ସୁରକ୍ଷା ବ୍ୟୁରୋ (Civil Aviation Safety Bureau) ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ, ବିମାନ ବନ୍ଦର ସୁରକ୍ଷା ଦାୟିତ୍ୱରେ ରହୁଥିବା କେନ୍ଦ୍ର ଶିଳ୍ପ ସୁରକ୍ଷା ବାହିନୀ (Central Industrial Security Force) ପକ୍ଷରୁ ସୁରକ୍ଷା ମଞ୍ଜୁରୀ ମିଳିବା ପରେ ଏପରି ପଦକ୍ଷେପ ନିଆଯିବ।

ନଭେମ୍ବର ୩୦ ପର୍ଯ୍ୟନ୍ତ ବିମାନ ସ୍ଥାପନ ଉପରେ ଜାରି ହେଲା ସତର୍କତା 
ଏହି ନିର୍ଦ୍ଦେଶ ଅନୁଯାୟୀ ଦିଲ୍ଲୀ ସ୍ଥିତ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର (Indira Gandhi International Airport Delhi) ଟର୍ମିନାଲ ବିଲ୍ଡିଂ ଠାରେ (Delhi IGI Airport Terminal Building) ପରିଦର୍ଶକଙ୍କ ପ୍ରବେଶ ଏବଂ ସେମାନଙ୍କ ପ୍ରବେଶ ଟିକେଟ୍ ବିକ୍ରି ଉପରେ ପ୍ରତିବନ୍ଧକ ଲଗାଯିବ। ଏହା ବ୍ୟତୀତ ଉତ୍ସବ ଋତୁକୁ ଧ୍ୟାନରେ ରଖି ସମସ୍ତ ବେସାମରିକ ବିମାନ ଚଳାଚଳ ସଂସ୍ଥା (Civil Aviation Installations in India) ଉପରେ ଅକ୍ଟୋବର ୧୩ ତାରିଖରୁ ସୁରକ୍ଷା ଜନିତ ସତର୍କତା (Security Alert at Airport) ଜାରି କରାଯାଇଥିଲା। ଯାହାକୁ ୩୦ ନଭେମ୍ବର ପର୍ଯ୍ୟନ୍ତ ବୃଦ୍ଧି କରାଯାଇଛି। ଯାହା ମଧ୍ୟରେ ବିମାନ ବନ୍ଦର, ଏୟାର ଷ୍ଟ୍ରିପ୍, ଏୟାର ଫିଲ୍ଡ, ଏୟାର ଫୋର୍ସ ଷ୍ଟେସନ, ହେଲିପ୍ୟାଡ, ଫ୍ଲାଇଙ୍ଗ ସ୍କୁଲ ଏବଂ ବିମାନ ପ୍ରଶିକ୍ଷଣ ପ୍ରତିଷ୍ଠାନ ଅନ୍ତର୍ଭୂକ୍ତ ରହିଛି।

ନିକଟରେ ବିମାନ ଉଡ଼ାଇ ଦେବାକୁ ଧମକ ଦେଇଥିଲା ଖଲିସ୍ତାନ ଆତଙ୍କୀ ପନ୍ନୁ 
କାନାଡାଠାରେ ଲୁଚି ରହିଥିବା  ଖଲିସ୍ତାନ ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁ (Khalistani Terrorist Gurupatwant Singh Pannun) ହେଉଛି ଶିଖ୍ ଫର ଜଷ୍ଟିସ୍ ସଙ୍ଗଠନର ପ୍ରତିଷ୍ଠାତା (Sikh for Justice Founder)। ଯିଏ ଗତ ରବିବାର (ନଭେମ୍ବର ୨) ତାରିଖରେ ଏକ ଭିଡିଓ ଜାରି କରି ଶିଖଙ୍କୁ ଏୟାର ଇଣ୍ଡିଆ ବିମାନରେ ଯାତ୍ରା ନକରିବାକୁ ଚେତାବନୀ ଦେଇଛନ୍ତି। ଯାହା ଦ୍ୱାରା ସେମାନଙ୍କ ଜୀବନ ବିପଦରେ ପଡ଼ିପାରେ।  ଖଲିସ୍ତାନ ଆତଙ୍କୀ ପନ୍ନୁ କହିଛି ଯେ ନଭେମ୍ବର ୧୯ ତାରିଖରେ ଦିଲ୍ଲୀ ସ୍ଥିତ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ ବିମାନ ଉଡ଼ାଣ କାର୍ଯ୍ୟ ପ୍ରଭାବିତ ହୋଇପାରେ।