Covid-19: ନୂଆ ଭେରିଆଣ୍ଟ ସହ ପୁଣି ଫେରିଲା କରୋନା, ଜାଣନ୍ତୁ ଏହା କେତେ ବିପଜ୍ଜନକ

Covid-19: ବର୍ତ୍ତମାନ ଦେଶରେ ମଙ୍କିପକ୍ସକୁ ନେଇ ଭୟ ରହିଥିବା ସମୟରେ କୋଭିଡ୍ 19ର ନୂଆ ଭାରିଆଣ୍ଟକୁ ନେଇ ଚର୍ଚ୍ଚା ଆରମ୍ଭ ହୋଇଛି ।

Covid-19: ମିଡିଆ ରିପୋର୍ଟ ଅନୁଯାୟୀ, କରୋନା ଭାଇରସର ଏକ ନୂଆ ଭାରିଆଣ୍ଟ  XEC ବର୍ତ୍ତମାନ ଦ୍ରୁତ ଗତିରେ ବ୍ୟାପିବାରେ ଲାଗିଛି । ରିପୋର୍ଟ ଅନୁଯାୟୀ, ପ୍ରାୟ ୨୭ ଟି ଦେଶରେ ସଂକ୍ରମଣ ମାମଲା ସାମ୍ନାକୁ ଆସିଛି । ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଶେଷଜ୍ଞମାନେ ସମସ୍ତ ଲୋକଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି।

ବୈଜ୍ଞାନିକଙ୍କ ଅନୁଯାୟୀ, କୋଭିଡର ଏହି ନୂଆ ଭାରିଆଣ୍ଟ କିଛି ଦେଶରେ ଦ୍ରୁତ ଗତିରେ ବ୍ୟାପିବାରେ ଲାଗିଛି। ଜୁନ୍ ମାସରେ ଜର୍ମାନୀରେ XEC ଭାରିଆଣ୍ଟକୁ ପ୍ରଥମେ ଚିହ୍ନଟ କରାଯାଇଥିଲା । ବର୍ତ୍ତମାନ ଏହାର ମାମଲା ବ୍ରିଟେନ, ଆମେରିକା, ଡେନମାର୍କ ଏବଂ ଅନ୍ୟାନ୍ୟ ଦେଶରେ ମଧ୍ୟ ରିପୋର୍ଟ କରାଯାଉଛି। ବୈଜ୍ଞାନିକମାନେ ଚେତାବନୀ ଦେଇଛନ୍ତି ଯେ, କୋଭିଡର ଏହି ଭାରିଆଣ୍ଟ ଅଧିକ ସଂକ୍ରାମକ ହୋଇପାରେ। ୟୁରୋପରେ ଏହା ଦ୍ରୁତ ଗତିରେ ବୃଦ୍ଧି ପାଉଛି, ତେଣୁ ଅନ୍ୟ ଦେଶ ମଧ୍ୟ ଏନେଇ ସତର୍କ ହେବାର ଆବଶ୍ୟକତା ରହିଛି ।

ବୈଜ୍ଞାନିକଙ୍କ କହିବାନୁଯାୟୀ, ସମସ୍ତ ଜୀବାଣୁଙ୍କର ପ୍ରକୃତି ହେଉଛି ଯେ, ସେମାନଙ୍କ ସ୍ପାଇକ୍ ପ୍ରୋଟିନ୍ ଜୀବନ୍ତ ରହିବାକୁ ପରିବର୍ତ୍ତନ କରେ । କରୋନା ସହିତ ମଧ୍ୟ ସମାନ ହେଉଛି । କିଛି ନୂଆ ପରିବର୍ତ୍ତନ ମଧ୍ୟ EXE ଭାରିଆଣ୍ଟରେ ଦେଖିବାକୁ ମିଳୁଛି । ଏହା ଶୀଘ୍ର ବ୍ୟାପିବାରେ ସାହାଯ୍ୟ କରୁଛି ।

କାଲିଫର୍ନିଆ ସ୍ଥିତ ସ୍କ୍ରିପ୍ସ ରିସର୍ଚ୍ଚ ଟ୍ରାନ୍ସଲେସନାଲ ଇନଷ୍ଟିଚ୍ୟୁଟର ନିର୍ଦ୍ଦେଶକ ତଥା ବୈଜ୍ଞାନିକ ଡକ୍ଟର ଏରିକ ଟପୋଲଙ୍କ କହିବା ଅନୁଯାୟୀ, EXE ଭାରିଆଣ୍ଟ ନିଶ୍ଚିତ ଭାବରେ ଏକ ଚିନ୍ତାର କାରଣ । ଅଗଷ୍ଟ ମାସରେ, ଅନେକ ୟୁରୋପୀୟ ଦେଶରେ ଏହି ଭାରିଆଣ୍ଟରେ ସଂକ୍ରମଣର ହାର ବହୁତ ଅଧିକ ରହିଥିଲା । ଯେଉଁ ବେଗରେ ଏହା ବଢୁଛି ତାହା ପ୍ରକୃତରେ ଚିନ୍ତାଜନକ ।

EXE ଭାରିଆଣ୍ଟ ବର୍ତ୍ତମାନ ନୂଆ ଭାରିଆଣ୍ଟ ହୋଇଥିବାରୁ ଏହାର ଲକ୍ଷଣ ହଠାତ୍ ଜଣାପଡୁନାହିଁ । ପ୍ରାଥମିକ ଅଧ୍ୟୟନରୁ ଜଣାପଡିଛି ଯେ, ଏହା ଓମିକ୍ରନ୍ ସବ୍-ଭାରିଆଣ୍ଟସ୍ KS.1.1 ଏବଂ KP.3.3 ର ଏକ ହାଇବ୍ରିଡ୍ ଫର୍ମ । KS.1.1 କୁ FLiRT ପ୍ରକାର ମଧ୍ୟ କୁହାଯାଏ, ଯାହାର ମାମଲା ଭାରତରେ ମଧ୍ୟ ଦେଖାଯାଇଥିଲା ।

ପୋଲାଣ୍ଡ, ନରୱେ, ଲକ୍ସେମବର୍ଗ, ୟୁକ୍ରେନ, ପର୍ତ୍ତୁଗାଲ ଏବଂ ଚୀନ୍ ସମେତ ୨୭ ଟି ଦେଶର ୫୦୦ ରୁ ଅଧିକ ନମୁନାରେ ନୂଆ ପ୍ରକାର EXE ଭରିଆଣ୍ଟ ମିଳିଛି । ଏହାର ଲକ୍ଷଣଗୁଡ଼ିକ ପୂର୍ବ କୋଭିଡ୍ ଭାରିଆଣ୍ଟ ଗୁଡ଼ିକ ସହିତ ସମାନ । ଅଧିକାଂଶ ସଂକ୍ରମିତ ଲୋକ ଜ୍ୱର, ଗଳା ଯନ୍ତ୍ରଣା, କାଶ, ଗନ୍ଧ ହ୍ରାସ, ଭୋକ କମିବା ଏବଂ ଶରୀରରେ ଯନ୍ତ୍ରଣା ଭଳି ସମସ୍ୟାର ସମ୍ମୁଖୀନ ହେଉଛନ୍ତି।

ୟୁନିଭରସିଟି କଲେଜ ଲଣ୍ଡନର ଜେନେଟିକ୍ସ ଇନଷ୍ଟିଚ୍ୟୁଟର ନିର୍ଦ୍ଦେଶକ ପ୍ରଫେସର ଫ୍ରାଙ୍କୋଇସ୍ ବଲୁକ୍ସ ବିସିସିଆଇକୁ କହିଛନ୍ତି ଯେ, ଅନ୍ୟ କୋଭିଡ ପ୍ରକାର ଅପେକ୍ଷା EXE ସାମାନ୍ୟ ଅଧିକ ସଂକ୍ରମିତ ହୋଇପାରେ, ତେଣୁ ଟୀକାକରଣ ବଢିବା ସହିତ ଲୋକମାନେ ପୁଣି ଥରେ କୋଭିଡ ଉପଯୁକ୍ତ ଆଚରଣ ଅନୁସରଣ କରିବା ଉଚିତ୍। ସାମାଜିକ ଦୂରତା, ମାସ୍କ ଏବଂ ହାତର ସ୍ୱଚ୍ଛତା ଭଳି ପଦକ୍ଷେପ ପ୍ରତି ଧ୍ୟାନ ଦେଇ ଆପଣ ନିରାପଦରେ ରହିପାରିବେ ।