Cyclone Biporjoy: ମାଡିଆସୁଛି ବାତ୍ୟା 'ବିପର୍ଯ୍ୟୟ'? ଜାଣନ୍ତୁ କେଉଁ କେଉଁ ସ୍ଥାନଗୁଡିକ ହେବ ପ୍ରଭାବିତ

Cyclone Biporjoy: ଗୁଜୁରାଟର ପୋରବନ୍ଦରର ଦକ୍ଷିଣରେ ଏକ ବାତ୍ୟା ହେବାର ସମ୍ଭାବନା ଅଛି । ଜାଣନ୍ତୁ ଏହା କେଉଁ କେଉଁ ସ୍ଥାନଗୁଡିକୁ ପ୍ରଭାବିତ କରିବ । ଏହାର ପ୍ରଭାବ ମୌସୁମୀ ଉପରେ ମଧ୍ୟ ଦେଖିବାକୁ ମିଳିବ ।

Cyclone Biporjoy Update: ଦେଶର ଉପକୂଳବର୍ତ୍ତୀ ଅଞ୍ଚଳକୁ ଆଉ ଏକ ବାତ୍ୟା ବିପଦ ରହିଛି । ଭାରତୀୟ ପାଣିପାଗ ବିଭାଗ (IMD) ମଙ୍ଗଳବାର ଦିନ (୬ ଜୁନ୍) କହିଛି ଯେ ଗୁଜୁରାଟର ଦକ୍ଷିଣ ପୋରବନ୍ଦରରେ ଦକ୍ଷିଣ ପୂର୍ବ ଆରବ ସାଗର ଉପରେ ନିମ୍ନ ଚାପ ଅଞ୍ଚଳ ଉତ୍ତର-ପଶ୍ଚିମ ଦିଗକୁ ଏହା ଗତି କରିବାର ସମ୍ଭାବନା ରହିଛି । ଏହା ଏକ ବାତ୍ୟାରେ ପରିଣତ ହେବାର ସମ୍ଭାବନା ଅଛି । ଏହି ବାତ୍ୟାକୁ 'ବିପର୍ଯ୍ୟୟ' (Cyclone Biporjoy) କୁହାଯିବ । ଏହି ନାମ ବାଂଲାଦେଶ ତରଫରୁ ଦିଆଯାଇଛି ।

ପାଣିପାଗ ବିଭାଗ ଏକ ବୁଲେଟିନରେ କହିଛି ଯେ ସକାଳ ୮.୩୦ ସମୟରେ ନିମ୍ନ ଚାପ ଅଞ୍ଚଳ ଦକ୍ଷିଣ-ପଶ୍ଚିମ ଗୋଆ ଠାରୁ ୯୫୦ କିଲୋମିଟର, ଦକ୍ଷିଣ-ଦକ୍ଷିଣ ପଶ୍ଚିମ ମୁମ୍ବାଇ ଠାରୁ ୧୧୦୦ କିଲୋମିଟର, ଦକ୍ଷିଣ ପୋରବନ୍ଦର ଠାରୁ ୧,୧୯୦ କିଲୋମିଟର ଓ ପାକିସ୍ଥାନର ଦକ୍ଷିଣ କରାଚି ଠାରୁ ୧୪୯୦ କିଲୋମିଟର ଦୂରରେ ରହିଛି । ଆଗାମୀ ୨୪ ଘଣ୍ଟା ମଧ୍ୟରେ ସାମୁଦ୍ରିକ ବାତ୍ୟା ଉତ୍ତର ଦିଗକୁ ଯିବାର ସମ୍ଭାବନା ଅଧିକ । ପୂର୍ବ-କେନ୍ଦ୍ରୀୟ ଆରବ ସାଗର ଓ ଦକ୍ଷିଣ-ପୂର୍ବ ଆରବ ସାଗର ଉପରେ ଏହା ଏକ ସାମୁଦ୍ରିକ ବାତ୍ୟାରେ ତୀବ୍ର ହେବାର ସମ୍ଭାବନା ଅଛି ।

ବିପଜ୍ଜନକ ରୂପ ନେଇପାରେ ଏହି ଘୂର୍ଣ୍ଣିଝଡ 
ପାଣିପାଗ ବିଭାଗ କହିଛି ଯେ ଗୁରୁବାର (୮ ଜୁନ୍) ସକାଳ ସୁଦ୍ଧା ସାମୁଦ୍ରିକ ବାତ୍ୟାରେ ପରିଣତ ହୋଇ ଶୁକ୍ରବାର (୯ ଜୁନ୍) ସନ୍ଧ୍ୟା ସୁଦ୍ଧା ଏକ ଭୟଙ୍କର ରୂପ ନେଇପାରେ । ଏହାର ସିଧାସଳଖ ପ୍ରଭାବ କେରଳ-କର୍ଣ୍ଣାଟକ ଓ ଲକ୍ଷ୍ମଦ୍ୱୀପ-ମାଲଦ୍ୱୀପ ଉପକୂଳରେ ଦେଖାଯିବ । ଏହା ସହିତ ୮ ଜୁନରୁ ୧୦ଜୁନ୍ ପର୍ଯ୍ୟନ୍ତ କୋଙ୍କଣ-ଗୋଆ-ମହାରାଷ୍ଟ୍ର ଉପକୂଳରେ ସମୁଦ୍ରରେ ବଡ଼ ବଡ଼ ଲହଡି ଆସିବାରେ ସମ୍ଭାବନା ଅଛି । ବିପଦକୁ ଦୃଷ୍ଟିରେ ରଖି ସମୁଦ୍ରକୁ ଯାଇଥିବା ମତ୍ସ୍ୟଜୀବୀମାନଙ୍କୁ ଉପକୂଳକୁ ଫେରି ଆସିବାକୁ ପରାମର୍ଶ ଦିଆଯାଇଛି ।

କେବେ କେରଳ ଛୁଇଁବ ମୌସୁମୀ?
ସୋମବାର ଦିନ (୫ ଜୁନ୍) ଆଇଏମଡି କହିଛି ଯେ ଦକ୍ଷିଣ ପୂର୍ବ ଆରବ ସାଗରରେ ଏକ ନିମ୍ନ ଚାପ ସୃଷ୍ଟି ହୋଇ ଆସନ୍ତା ଦୁଇ ଦିନ ମଧ୍ୟରେ ତୀବ୍ର ହେବା କାରଣରୁ ସାଇକ୍ଲୋନିକ୍ ପବନ କେରଳ ଉପକୂଳ ଆଡକୁ ମୌସୁମୀର ଆଗମନକୁ ଗୁରୁତର ଭାବରେ ପ୍ରଭାବିତ କରିପାରେ । ତେବେ କେରଳରେ ମୌସୁମୀ ଆରମ୍ଭ ହେବାର ତାରିଖ ନିର୍ଦ୍ଦିଷ୍ଟ କରାଯାଇ ନାହିଁ । ଏଥି ସହିତ, 'ସ୍କାଏମେଟ ପାଣିପାଗ' କହିଛି ଯେ ମୌସୁମୀ କେରଳରେ ୮ କିମ୍ବା ୯ ତାରିଖରେ ଛୁଇଁପାରେ କିନ୍ତୁ କେବଳ ହାଲୁକା ବର୍ଷା ହେବାର ସମ୍ଭାବନା ରହିଛି ।

ମୌସୁମୀକୁ ନେଇ କ’ଣ କହିଛି IMD?
IMD ର ବରିଷ୍ଠ ବୌଜ୍ଞାନିକ ଡିଏସ୍ ପାଏ କହିଛନ୍ତି ଯେ ସୋମବାର ଦିନ (୫ ଜୁନ୍) ରେ ମଧ୍ୟ କେରଳରେ ଭଲ ବର୍ଷା ହୋଇଛି ଓ ଆସନ୍ତା ଦୁଇ ତିନି ଦିନ ମଧ୍ୟରେ ମୌସୁମୀ ଆସିବା ପାଇଁ ପାଗ ଅନୁକୂଳ ଅଟେ । ପାଏ କହିଛନ୍ତି ଯେ ଘୂର୍ଣ୍ଣିଝଡ଼ ଓ ବଙ୍ଗୋପସାଗରରେ କମ୍ ଚାପ ଯୋଗୁଁ ଦକ୍ଷିଣ ଉପଦ୍ୱୀପରେ ବର୍ଷା ହେବ । ଘୂର୍ଣ୍ଣିବଳୟ ଦୁର୍ବଳ ହେବା ପରେ ଦକ୍ଷିଣ ଉପଦ୍ୱୀପରୁ ମୌସୁମୀ ଆଗକୁ ବଢିବ ।