Money Saving Tips: କମ ଦରମାରେ କେମିତି କରିବେ ସଞ୍ଚୟ? ଜାଣନ୍ତୁ ଏହି ଖାସ୍ ଟିପ୍ସ

Money Saving Tips: ଆପଣଙ୍କ ରୋଜଗାର ଯଦି କମ ତେବେ ସଞ୍ଚୟ କରିବା ପାଇଁ ଆପଣାନ୍ତୁ ଏହି ସହଜ ଟିପ୍ସ

Money Saving Tips: ଆଜିର ମହଙ୍ଗା ଯୁଗରେ ମୁଦ୍ରାସ୍ଫୀତି ବୃଦ୍ଧି ସହିତ ଲୋକଙ୍କ ଖର୍ଚ୍ଚ ମଧ୍ୟ ବଢିବାରେ ଲାଗିଛି । ନିଜର ଦୈନନ୍ଦିନର ଆବଶ୍ୟକତାକୁ ପୂରଣ କରିବା ପାଇଁ ଅଧିକ ଟଙ୍କା ଆବଶ୍ୟକତା ପଡୁଥିବାରୁ ଅନେକ ଲୋକ ସଂଘର୍ଷ କରୁଥିବା ମଧ୍ୟ ଦେଖିବାକୁ ମିଳୁଛି । ବର୍ତ୍ତମାନ ଅନେକ ଲୋକଙ୍କ କ୍ଷେତ୍ରରେ ପରିସ୍ଥିତି ଏପରି ହୋଇଛି ଯେ, ଅନେକ ଲୋକ ନିଜ ବେତନ (Salary)ରୁ ଘରର ଆବଶ୍ୟକତା ଅନୁସାରେ ଖର୍ଚ୍ଚ କରିବା ପରେ ସଞ୍ଚୟ କରିବାକୁ ଆଦୌ ସକ୍ଷମ ନୁହଁନ୍ତି । ଯଦି ଏହି ମହଙ୍ଗା ଯୁଗରେ ଆପଣ ନିଜ ବେତନରୁ କିଛି ଟଙ୍କା ନିଜ ଭବିଷ୍ୟତ ପାଇଁ ସଞ୍ଚୟ କରିବାକୁ ଚାହୁଁଛନ୍ତି ତେବେ ଆପଣଙ୍କୁ କିଛି ଉପାୟ ଗ୍ରହଣ କରିବାକୁ ପଡିବ । ଯେଉଁ ଉପାୟ ମାଧ୍ୟମରେ ଆପଣ ନିଜର ଖର୍ଚ୍ଚ କରିବା ସହିତ ଭବିଷ୍ୟତ (future) ପାଇଁ ମଧ୍ୟ ଅର୍ଥ ସଞ୍ଚୟ କରିପାରିବେ । ବ୍ୟକ୍ତିଗତ ଓ ପାରିବାରିକ ଖର୍ଚ୍ଚ (Personal and family expenses) ଅଧିକ ଏବଂ ଆପଣଙ୍କ ଦରମା କମ୍ ହୋଇଥିଲେ କିପରି ସଞ୍ଚୟ କରିବେ ସେ ବିଷୟରେ ଆଜି ଆପଣଙ୍କୁ କହିବାକୁ ଯାଉଛୁ । ହେଲେ କିପରି ସଞ୍ଚୟ କରାଯିବ ସେ ବିଷୟରେ ଆସନ୍ତୁ ଜାଣିବା |

ଆପଣ ଦରମା ବାବଦକୁ ମାସକୁ ୧୦ ହଜାର ଟଙ୍କା ରୋଜଗାର କରନ୍ତୁ କିମ୍ୱା ଲକ୍ଷେ ଟଙ୍କା ରୋଜଗାର କରନ୍ତୁ ଆପଣଙ୍କୁ ନିଶ୍ଚିତ ଭାବରେ ଭବିଷ୍ୟତ ପାଇଁ କିଛି ଟଙ୍କା ସଞ୍ଚୟ କରିବା ନିହାତି ଆବଶ୍ୟକ । ଆପଣଙ୍କ ସଞ୍ଚୟ ଟଙ୍କା ଅଭାବ ସମୟରେ ବହୁତ ଉପଯୋଗୀ ହୋଇପାରେ । ଏପରି ପରିସ୍ଥିତିରେ, ଯଦି ଆପଣ ଆପଣଙ୍କ ବେତନରୁ ସଞ୍ଚୟ କରିବାକୁ ଚାହୁଁଛନ୍ତି ତେବେ ତିନୋଟି ଗୁରୁତ୍ୱପୂର୍ଣ୍ଣ ଟିପ୍ସ ଗ୍ରହଣ କରି ଭବିଷ୍ୟତ ପାଇଁ ଅର୍ଥ ସଞ୍ଚୟ କରିପାରିବେ ।

କଥାରେ ଅଛି ଯେତିକି ଓଜନ ସେତିକି ଭୋଜନ । ତେଣୁ ଜରୁରୀ ପରିସ୍ଥିତି ନପଡିଲେ ଆବଶ୍ୟକତା ପୂରଣ କରିବା ପାଇଁ ଲୋନ୍ କରିବା ଉଚିତ୍ ନୁହେଁ । ଆପଣ କେବଳ ଆପଣଙ୍କ ବେତନରେ ସମସ୍ତ ଖର୍ଚ୍ଚ ପୂରଣ କରିବା ଉଚିତ୍ । ଯଦି କୌଣସି ଅସୁବିଧା ନଥାଇ ଆପଣ ବଡ଼ ଆକାରର ଟଙ୍କା ଲୋନ କରନ୍ତି ତେବେ ଆପଣଙ୍କୁ ଏହା ଉପରେ ସୁଧ ଦେବାକୁ ପଡିବ । ଏପରି ପରିସ୍ଥିତିରେ ଲୋକଙ୍କ ଉପରେ ଅଧିକ ବୋଝ ଆସିଥାଏ । ଏପରି ବୋଝକୁ ଏଡାଇବା ପାଇଁ ଋଣ କରନ୍ତୁ ନାହିଁ ।

ଦରମା ଅନୁଯାୟୀ ବଜେଟ୍ ପ୍ରସ୍ତୁତ କରନ୍ତୁ ।
ଆପଣଙ୍କର ଦରମା ଅନୁଯାୟୀ ଆପଣ ବଜେଟ୍ ପ୍ରସ୍ତୁତ କରିବା ଆବଶ୍ୟକ । ଏହା ମଧ୍ୟ ମନେରଖନ୍ତୁ ଯେ, ଯଦି ଆପଣଙ୍କର ଖର୍ଚ୍ଚ ଆପଣଙ୍କ ବେତନଠାରୁ ଅଧିକ ଯାଉଛି, ତେବେ ଆପଣ ଆପଣଙ୍କର ଅପଚୟ ଖର୍ଚ୍ଚ ହ୍ରାସ କରିବା ଉଚିତ୍ । ଆପଣ ଏକ ସଠିକ୍ ବଜେଟ୍ ପ୍ରସ୍ତୁତ କରିବା ପରେ ଦରମା ମଧ୍ୟରେ ସେଗୁଡିକର ଖର୍ଚ୍ଚ ପୂରଣ କରିବାକୁ ସକ୍ଷମ ହେବେ ।

RD ଆକାଉଣ୍ଟ ଖୋଲନ୍ତୁ ।
ଆପଣ ପାଉଥିବା ଦରମାରୁ ଆବଶ୍ୟକିୟ ଖର୍ଚ୍ଚ ପରେ ଯେତିକି ସକ୍ଷମ ହେଉଛି ସେହି ହିସାବରେ ଏକ ଆରଡି ଆକାଉଣ୍ଟ (RD Account) ଖୋଲି ସଞ୍ଚୟ କରିପାରିବେ । ଯାହା ଫଳରେ ପ୍ରତି ମାସରେ ଏକ ନିର୍ଦ୍ଦିଷ୍ଟ ପରିମାଣର ଟଙ୍କା ଆପଣଙ୍କ ଆରଡି ଆକାଉଣ୍ଟରେ ଜମା ହୋଇ ରହିବ । ଯେଉଁଥିରୁ ଆପଣ ସୁଧ ମଧ୍ୟ ପାଇବେ । ଆପଣ ନିଜ ଇଚ୍ଛା ଅନୁସାରେ ପ୍ରତି ମାସରେ ସଞ୍ଚୟ ଟଙ୍କା ସ୍ଥିର କରି ଆରଡିରେ ଡିପୋଜିଟ୍ (Deposit) କରିପାରିବେ । ଏପରି ସଞ୍ଚୟ କରିବା ଅଭ୍ୟାସ ଆପଣଙ୍କୁ ଭବିଷ୍ୟତରେ ଏକ ବଡ଼ ଲାଭ (Great benefit) ଦେବା ସହିତ ଭବିଷ୍ୟତକୁ ସୁରକ୍ଷିତ କରିପାରିବ ।