PAN Card: ଦେଶରେ ଜଣେ ବ୍ୟକ୍ତି ତିଆରି କରିପାରିବେ କେତୋଟି ପ୍ୟାନ୍ କାର୍ଡ? ଜାଣନ୍ତୁ ନିୟମ

PAN Card India: କ'ଣ ଆପଣ ଜାଣିଛନ୍ତି ଦେଶରେ ଜଣେ ବ୍ୟକ୍ତି କେତୋଟି ପ୍ୟାନ୍ କାର୍ଡ ରଖିପାରିବେ?

Permanent Account Number: ଦେଶରେ ପ୍ୟାନ୍ କାର୍ଡ ଲୋକଙ୍କ ପାଇଁ ଏକ ଅତ୍ୟନ୍ତ ଉପଯୋଗୀ ଦସ୍ତାବିଜ ହୋଇଯାଇଛି। ଆର୍ଥିକ କାରବାର ପାଇଁ ଦେଶରେ ପ୍ୟାନ୍ କାର୍ଡ ବ୍ୟବହୃତ ହୋଇଥାଏ। ବଡ଼ କାରବାର ପାଇଁ ଲୋକେ ପ୍ୟାନ୍ କାର୍ଡ ବ୍ୟବହାର କରିଥାନ୍ତି। ପ୍ୟାନ୍ କ୍ୟାର୍ଡ ହେଉଛି ଏକ ୧୦ ଅଙ୍କ ବିଶିଷ୍ଟ ଅନନ୍ୟ ଆଲଫାନୁମେରିକ୍ ନମ୍ବର। ଯାହା ଭାରତୀୟ ଆୟକର ବିଭାଗ ମାଧ୍ୟମରେ ପ୍ରଦାନ କରାଯାଇଥାଏ। ଏହା ସହିତ ଲୋକେ ପ୍ୟାନ୍ କାର୍ଡ ସମ୍ବନ୍ଧୀୟ କିଛି ବିଶେଷ ଜିନିଷ ବିଷୟରେ ମଧ୍ୟ ସଚେତନ ରହିବା ଆବଶ୍ୟକ। ଜାଣନ୍ତୁ ପ୍ୟାନ କାର୍ଡ଼ ସହ କିଛି ଗୁରୁତ୍ୱପୂର୍ଣ୍ଣ ତଥ୍ୟ ବିଷୟରେ...

ଆୟକର ଭରିବା ବେଳେ ଆବଶ୍ୟକ ହୋଇଥାଏ ପ୍ୟାନକାର୍ଡ଼
ଯେଉଁମାନଙ୍କର ଅଧିକ ଆୟ ରହିଛି ସେମାନଙ୍କୁ ମଧ୍ୟ ପ୍ରତିବର୍ଷ ଆୟକର ଭରିବାକୁ ହୋଇଥାଏ। ଦେଶରେ ଯେଉଁ ବ୍ୟକ୍ତିଙ୍କ ବାର୍ଷିକ ଆୟ ୨.୫ ଲକ୍ଷ ଟଙ୍କାରୁ ଅଧିକ ହୋଇଥାଏ ସେମାନେ ଆୟକର ଭରିଥାନ୍ତି। ଆୟକର ଦାଖଲ କରିବା ପାଇଁ ପ୍ୟାନ୍ କାର୍ଡ ଆବଶ୍ୟକ ହୋଇଥାଏ। ପ୍ୟାନ କାର୍ଡ ବିନା ଆୟକର ଦାଖଲ କରାଯାଇ ପାରିବ ନାହିଁ।

ଅନ୍ୟାନ୍ୟ କାମ ପାଇଁ ବ୍ୟବହୃତ ହୋଇଥାଏ ପ୍ୟାନ କାର୍ଡ
ଆୟକର ପ୍ରଦାନ କରିବା ବ୍ୟତୀତ ଅନ୍ୟାନ୍ୟ କାମ ପାଇଁ ବ୍ୟବହୃତ ହୋଇଥାଏ ପ୍ୟାନ କାର୍ଡ। ଏହା ବ୍ୟତୀତ, ଅନେକ ସ୍ଥାନରେ ପାନ୍ କାର୍ଡ ରହିବା ମଧ୍ୟ ଗୁରୁତ୍ୱପୂର୍ଣ୍ଣ। ଯଦି ଜଣେ ବ୍ୟକ୍ତି ବ୍ୟାଙ୍କ ଆକାଉଣ୍ଟ ଖୋଲିବାକୁ ଚାହାଁନ୍ତି ତାହେଲେ ପ୍ୟାନ କାର୍ଡ ଆବଶ୍ୟକ ହୋଇଥାଏ। ସେୟାର ବଜାରରେ ବିନିଯୋଗ କରିବା ପାଇଁ ଡିମାଟ୍ ଆକାଉଣ୍ଟ୍ ଖୋଲିବାକୁ ହୋଇଥାଏ। ଡିମାଟ୍ ଆକାଉଣ୍ଟ ଖୋଲିବା ପାଇଁ ପାନ୍ କାର୍ଡ ମଧ୍ୟ ଆବଶ୍ୟକ। ଏପରିକି ୫୦ ହଜାରରୁ ଅଧିକ କାରବାର ପାଇଁ ପ୍ୟାନ୍ କାର୍ଡ ମଧ୍ୟ ଆବଶ୍ୟକ ହୋଇଥାଏ। ଏହା ବ୍ୟତୀତ କ୍ରେଡିଟ୍ କାର୍ଡ ଏବଂ ଡେବିଟ୍ କାର୍ଡ ତିଆରି ପାଇଁ ପାନ୍ କାର୍ଡ ମଧ୍ୟ ଆବଶ୍ୟକ ହୋଇଥାଏ।

ଜଣେ ବ୍ୟକ୍ତି ରଖିବା କେବଳ ଗୋଟିଏ ପ୍ୟାନ କାର୍ଡ
ଏହା ମଧ୍ୟ ମନେ ରଖିବା ଆବଶ୍ୟକ ଯେ ଦେଶରେ କୌଣସି ବ୍ୟକ୍ତି ଗୋଟିଏରୁ ଅଧିକ ପ୍ୟାନ କାର୍ଡ ତିଆରି କରିପାରିବେ ନାହିଁ। ଜଣେ ବ୍ୟକ୍ତିଙ୍କୁ ତାଙ୍କ ସମଗ୍ର ଜୀବନରେ କେବଳ ଗୋଟିଏ ପ୍ୟାନ୍ ନମ୍ବର ଦିଆଯାଇଥାଏ। ଯାହାକୁ  ସେ ସାରା ଜୀବନ ବ୍ୟବହାର କରିଥାନ୍ତି। ଏଭଳି ପରିସ୍ଥିତିରେ ଲୋକେ କେବଳ ଗୋଟିଏ ପାନ୍ କାର୍ଡ ତିଆରି କରିପାରିବେ। ଯାହାକୁ କେବଳ ଆର୍ଥିକ କାରବାର ପାଇଁ ବ୍ୟବହାର କରିପାରିବେ।