Jio Plan: ମାତ୍ର ଏତିକି ଟଙ୍କା ରିଚାର୍ଜରେ ମାଗଣା କଲ୍ ସହ ଇଣ୍ଟରନେଟ୍

Jio Latest affordable plan: ରିଲାଏନ୍ସ ଜିଓର ୩୧୯ ଟଙ୍କା ପ୍ରିପେଡ୍ ପ୍ଲାନରେ ଏକ ବିଶେଷ ଜିନିଷ ରହିଛି ଯାହାକୁ "କ୍ୟାଲେଣ୍ଡର ମାସ ବୈଧତା" କୁହାଯାଏ । ଅନ୍ୟାନ୍ୟ ପ୍ଲାନ ପରି, ଏହି ପ୍ଲାନ ଏକ ନିର୍ଦ୍ଦିଷ୍ଟ ଦିନ ପର୍ଯ୍ୟନ୍ତ ଚାଲିବ ନାହିଁ, ବରଂ ଏହା ଆପଣ ରିଚାର୍ଜ କରୁଥିବା ଦିନଠାରୁ ପରବର୍ତ୍ତୀ ମାସର ସମାନ ତାରିଖର ପୂର୍ବ ଦିନ ପର୍ଯ୍ୟନ୍ତ ଚାଲିବ । ଅର୍ଥାତ ଯଦି ଆପଣ ୫ ଅଗଷ୍ଟରେ ରିଚାର୍ଜ କରନ୍ତି, ତେବେ ଏହି ପ୍ଲାନ ୪ ସେପ୍ଟେମ୍ୱର ପର୍ଯ୍ୟନ୍ତ ଚାଲିବ ଏବଂ ତାପରେ ଆପଣଙ୍କୁ ୫ ସେପ୍ଟେମ୍ୱରରେ ପୁନର୍ବାର ରିଚାର୍ଜ କରିବାକୁ ପଡିବ । ଆପଣ ନିଜ ନମ୍ୱରରେ କେବେ ରିଚାର୍ଜ କରିବା ତାହା ମନେ ରଖିବା ଅତ୍ୟନ୍ତ ସହଜ ହେବ । ଯେପରି ପୋଷ୍ଟପେଡ୍ ପ୍ଲାନରେ ଗ୍ରାହକଙ୍କୁ ମିଳିଥାଏ ।

Jio 319 ଟଙ୍କା ପ୍ଲାନ

ଏହି ପ୍ଲାନରେ ଆପଣଙ୍କୁ ପ୍ରତ୍ୟକଦିନ 1.5 ଜିବି ହାଇ ସ୍ପିଡ୍ ଇଣ୍ଟରନେଟର ସୁବିଧା ମିଳିବ । ଗୋଟିଏ ଦିନରେ 1.5 ଜିବି ଶେଷ ହେବା ପରେ ଆପଣଙ୍କର ଇଣ୍ଟରନେଟ୍ ଗତି ହ୍ରାସ ପାଇବ କିନ୍ତୁ ଆପଣଙ୍କର ସଂଯୋଗ କଟିବ ନାହିଁ । ଆପଣ କୌଣସି ଅତିରିକ୍ତ ଦେୟ ବିନା ଦେଶର ଯେକୌଣସି ନେଟୱାର୍କକୁ ଅସୀମିତ କଲ କରିପାରିବେ । ଏଥିସହ ଆପଣଙ୍କୁ ପ୍ରତିଦିନ ୧୦୦ ଟି SMS ସୁବିଧା ମିଳିବ । ଏହି ପ୍ଲାନର ବୈଧତା କ୍ୟାଲେଣ୍ଡର ମାସ ଅନୁଯାୟୀ ରହିଛି । ଅର୍ଥାତ୍ ଏହି ଯୋଜନା ରିଚାର୍ଜ ତାରିଖ ଠାରୁ ପରବର୍ତ୍ତୀ ମାସର ସମାନ ତାରିଖର ପୂର୍ବଦିନ ପର୍ଯ୍ୟନ୍ତ ଚାଲିବ ।

TRAI ନିୟମ ଅନୁସରଣ
ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (TRAI) ଟେଲିକମ୍ କମ୍ପାନୀଗୁଡ଼ିକୁ ୩୦ ଦିନର ବୈଧତା ସହିତ ପ୍ଲାନ ପ୍ରଦାନ କରିବାକୁ କହିଛି। ଏହାର ଜବାବରେ ଜିଓ ପକ୍ଷରୁ 296 ଏବଂ 259 ଟଙ୍କା ପ୍ଲାନ ଆରମ୍ଭ କରାଯାଇଥିଲା । 296 ଟଙ୍କା ପ୍ଲାନରେ ଅସୀମିତ କଲିଂ, ପ୍ରତିଦିନ 100 SMS ଏବଂ ୩୦ ଦିନ ପାଇଁ 25 GB ଡାଟା ଉପଲବ୍ଧ ଥିଲା । 259 ଟଙ୍କା ରିଚାର୍ଜ ପ୍ଲାନରେ 319 ଟଙ୍କା ପ୍ଲାନ ସହିତ ସମାନ କ୍ୟାଲେଣ୍ଡର ମାସର ବୈଧତା ଥିଲା କିନ୍ତୁ କମ୍ ମୂଲ୍ୟରେ । ଏହି ଉଭୟ ପ୍ଲାନ ବର୍ତ୍ତମାନ କମ୍ପାନୀ ବନ୍ଦ କରିଦେଇଛି ।