Naveen Patnaik On Delhi Ordinance Bill: ମଙ୍ଗଳବାର ଦିନ ବିଜୁ ଜନତା ଦଳ (BJD) ଦିଲ୍ଲୀର ଅଧିକାରୀଙ୍କ ସ୍ଥାନାନ୍ତର ତଥା ପୋଷ୍ଟିଂକୁ ନେଇ ଦିଲ୍ଲୀ ଅର୍ଡିନାନ୍ସ ବିଲ୍ (Delhi Ordinance Bill) ତଥା ବିରୋଧୀ ଦଳର ଅବିଶ୍ୱାସ ପ୍ରସ୍ତାବ (No Confidence Motion) ଉପରେ ନିଜର ଆଭିମୁଖ୍ୟ ସ୍ପଷ୍ଟ କରିଛି । ଲୋକସଭାରେ କେନ୍ଦ୍ର ସରକାରଙ୍କ ବିଲ୍ ଉପସ୍ଥାପନ କରିବାବେଳେ ବିଜେଡି କହିଛି ଯେ ଏହା ସମର୍ଥନ କରିବ । ଦଳ ଏହା ମଧ୍ୟ କହିଛି ଯେ ବିରୋଧୀ ଦଳ 'ଇଣ୍ଡିଆନ ନ୍ୟାସନାଲ ଡେଭଲପମେଣ୍ଟାଲ ଇନକ୍ଲୁସିଭ ଆଲାଇନ୍ସ' (I.N.D.I.A) ଆଣିଥିବା ଅବିଶ୍ୱାସ ପ୍ରସ୍ତାବକୁ ବିରୋଧ କରିବ । ଏହି ପରିପ୍ରେକ୍ଷୀରେ ବିଜେଡି ଲୋକସଭା ଓ ରାଜ୍ୟସଭା ସାଂସଦମାନଙ୍କୁ ହ୍ୱିପ୍ ଜାରି କରି ଗୃହରେ ଉପସ୍ଥିତ ରହିବାକୁ କହିଛି ।


COMMERCIAL BREAK
SCROLL TO CONTINUE READING

ନ୍ୟୁଜ୍ ଏଜେନ୍ସି ANI ସହିତ କଥାବାର୍ତ୍ତା କରି ବିଜେଡିର ରାଜ୍ୟସଭା ସାଂସଦ ସସ୍ମିତ ପାତ୍ର କହିଛନ୍ତି ଯେ ଦଳର ସାଂସଦମାନଙ୍କୁ ହ୍ୱିପ୍ ଜାରି କରାଯାଇ ସଂସଦରେ ଉପସ୍ଥିତ ରହିବାକୁ କୁହାଯାଇଛି । ରାଜ୍ୟସଭାରେ ବିଜେଡିର ୯ ଜଣ ସାଂସଦ ଅଛନ୍ତି । ଏଭଳି ପରିସ୍ଥିତିରେ ବିଜେପି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ଏଥିରୁ ଉପକୃତ ହେବ ।



ରାଜ୍ୟସଭାରେ କ’ଣ ରହିଛି ଗଣିତ?
ଲୋକସଭାରେ ବିଜେପି ନେତୃତ୍ୱାଧୀନ ଏନଡିଏ ସଂଖ୍ୟାଗରିଷ୍ଠତା ହାସଲ କରିଛି । ଯଦିଓ ରାଜ୍ୟସଭାରେ ଏନଡିଏ ଓ ବିରୋଧୀ I.N.D.I.A ସଂଖ୍ୟା ଦୃଷ୍ଟିରୁ ରାଜ୍ୟସଭାରେ ସମାନ ସ୍ଥିତିରେ ଅଛନ୍ତି । ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ, ରାଜ୍ୟସଭାରେ ଏନଡିଏର ୧୦୧ ସାଂସଦ ଥିବାବେଳେ ୨୬ ଦଳୀୟ ଭାରତୀୟ ଜାତୀୟ ବିକାଶ ଇନକ୍ଲୁସିଭ୍ ଆଲାଇନ୍ସ (I.N.D.I.A) ୧୦୦ ସାଂସଦଙ୍କ ସମର୍ଥନ ରହିଛି । ଏଭଳି ପରିସ୍ଥିତିରେ ନବୀନ ପଟ୍ଟନାୟକ ବିଜେଡିର ଷ୍ଟାଣ୍ଡ ସଫା କରିବା ପରେ ରାଜ୍ୟସଭାରେ INDIA ଅପେକ୍ଷା ଏନଡିଏ ଅଧିକ ସାଂସଦଙ୍କ ସମର୍ଥନ ପାଇବ ।


କିଏ ଏପର୍ଯ୍ୟନ୍ତ ନିଜ ଆଭିମୁଖ୍ୟ ସ୍ପଷ୍ଟ କରିନାହିଁ
ଉତ୍ତରପ୍ରଦେଶର ପୂର୍ବତନ ସିଏମ ମାୟାବତୀଙ୍କ ବିଏସପି, ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବ ଗୌଡାଙ୍କ ଜେଡିଏସ ଓ ପୂର୍ବତନ କେନ୍ଦ୍ର ମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଟିଡିପି ରାଜ୍ୟସଭାରେ ଜଣେ ସାଂସଦ ଅଛନ୍ତି । ସେମାନେ ଏପର୍ଯ୍ୟନ୍ତ ସେମାନଙ୍କର ଷ୍ଟାଣ୍ଡ ସ୍ପଷ୍ଟ କରିନାହାଁନ୍ତି ।


କୌଣସି ସହଯୋଗୀ ଦଳର ଅଂଶ ନଥିବା ଭାରତ ରାଷ୍ଟ୍ର ସମିତି (ବିଆରଏସ) ର ୭ଜଣ ସଦସ୍ୟ ବିରୋଧୀ ଶିବିରରେ ଭୋଟ୍ ଦେବେ ବୋଲି ଆଶା କରାଯାଉଛି, ଯେହେତୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଆରଏସ ମୁଖ୍ୟ ତଥା ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କୁ ଏହି ବିଲ ନ ପାସ କରବାକୁ ନେଇ ତାଙ୍କୁ ସାକ୍ଷାତ କରିଛନ୍ତି ।


ଏହା ବି ପଢ଼ନ୍ତୁ: Harassement Case: ଫେରାର କଣ୍ଠଶିଳ୍ପୀ ସୌରିନ ଭଟ୍ଟଙ୍କୁ ହାଇକୋର୍ଟ ଦେଲେ ବଡ଼ ଆଶ୍ବସ୍ତି


ଏହା ବି ପଢ଼ନ୍ତୁ: Love Marriage Law: ସରକାର କରୁଛନ୍ତି ବିଚାର! ଲଭ୍ ମ୍ୟାରେଜ୍ ପାଇଁ ପିତାମାତାଙ୍କ ଅନୁମତି ହେବ ବାଧ୍ୟତାମୂଳକ


ଏହା ବି ପଢ଼ନ୍ତୁ: EPF e-nomination: ମୃତ୍ୟୁ ପରେ PF ରେ ଜମା ହୋଇଥିବା ଟଙ୍କା ସହିତ କ’ଣ ହୁଏ; ଏହି ଲକ୍ଷ ଲକ୍ଷ ଟଙ୍କାର କିଏ ହୁଏ ମାଲିକ?