EPF e-nomination: ମୃତ୍ୟୁ ପରେ PF ରେ ଜମା ହୋଇଥିବା ଟଙ୍କା ସହିତ କ’ଣ ହୁଏ; ଏହି ଲକ୍ଷ ଲକ୍ଷ ଟଙ୍କାର କିଏ ହୁଏ ମାଲିକ?

EPFO Rules: ଯଦି ଆପଣଙ୍କ ବେତନରୁ ମଧ୍ୟ ପ୍ରୋଭିଡେଣ୍ଟ ଫଣ୍ଡ ପାଇଁ ଟଙ୍କା ମଧ୍ୟ କଟୁଥାଏ, ତେବେ ଆପଣ ଜାଣନ୍ତି କି ମୃତ୍ୟୁ ପରେ ଆପଣଙ୍କ PF ରେ ଜମା ହୋଇଥିବା ଲକ୍ଷ ଲକ୍ଷ ଟଙ୍କା ସହିତ କ’ଣ ହୁଏ? କିଏ ଏହାର ମାଲିକ ହେବ ଓ ଆପଣଙ୍କ ନମିନି ଏହାକୁ କିପରି ପାଇବ? ଏଠାରେ ଜାଣନ୍ତୁ ଏହି ସମସ୍ତ ପ୍ରଶ୍ନର ଉତ୍ତର ।

EPF Nomination: ଚାକିରି କରୁଥିବା ପ୍ରାୟ ପ୍ରତ୍ୟେକ ବ୍ୟକ୍ତିଙ୍କ ଦରମାରୁ ପ୍ରୋଭିଡେଣ୍ଟ ଫଣ୍ଡ (Provident fund) ପାଇଁ ଟଙ୍କା କଟିଥାଏ । ଆପଣଙ୍କ ରିଟାୟରମେଣ୍ଟ ପର୍ଯ୍ୟନ୍ତ ପ୍ରତି ମାସରେ ଅଳ୍ପ ଅଳ୍ପ ଜମା ​​ହୋଇଥିବା ପରିମାଣ ବହୁତ ବଡ ହୋଇଯାଏ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ମୃତ୍ୟୁ ପରେ ଆପଣଙ୍କ PF ରେ ଜମା ହୋଇଥିବା ଟଙ୍କା ସହିତ କ’ଣ ହୁଏ? ଯଦି ଆପଣ ଜଣଙ୍କୁ ମମିନି କରିଛନ୍ତି, ତେବେ ସେ କିପରି ଟଙ୍କା ପାଇବେ? ଆଜ୍ଞା ହଁ, ଟଙ୍କା ନିବେଶ କରିବା ସମୟରେ ନମିନି ରଖିବାର ନିୟମକୁ ସର୍ବଦା ମାନିବା ଉଚିତ୍, ଯାହାଦ୍ୱାରା ଆପଣଙ୍କ ମୃତ୍ୟୁ ପରେ ଆପଣଙ୍କ ଟଙ୍କା ସୁରକ୍ଷିତ ଓ ଆପଣଙ୍କ ନିକଟ ଏବଂ ପ୍ରିୟଜନଙ୍କ ହାତରେ ପହଞ୍ଚିପାରିବ । ଏମ୍ପ୍ଲୋୟି ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ୍ (EPFO) ମଧ୍ୟ ଆପଣଙ୍କୁ ପ୍ରୋଭିଡେଣ୍ଟ୍ ଫଣ୍ଡ ପାଇଁ ଏକ ନମିନି ରଖିବାକୁ ଅନୁମତି ଦିଏ । ବରଂ, ଏଥିରେ ଭିନ୍ନ ଭିନ୍ନ ନମିନିଙ୍କ ମଧ୍ୟରେ ପ୍ରୋଭିଡେଣ୍ଟ ପାଣ୍ଠି ବଣ୍ଟନ ଏ ପେନସନ୍ ପରି ଘରକୁ ପହଞ୍ଚାଇବା ସୁବିଧା ମଧ୍ୟ ଉପଲବ୍ଧ ।

କିଏ ଯୋଗ କରିପାରିବ PF ଆକାଉଣ୍ଟରେ ନମିନି?
ଏମ୍ପ୍ଲୋୟି ପ୍ରୋଭିଡେଣ୍ଟ ଫଣ୍ଡ (ଇପିଏଫ) ର ନିର୍ଦ୍ଦେଶାବଳୀ ଅନୁଯାୟୀ, ଯେକୌଣସି ବ୍ୟକ୍ତି ନିଜ ପରିବାର ଓ ପରିବାର ସଦସ୍ୟଙ୍କୁ EPF ଆକାଉଣ୍ଟରେ ନମିନି କରିପାରିବେ । ଅନ୍ୟପକ୍ଷରେ, ଯେଉଁ ବ୍ୟକ୍ତିଙ୍କର ପରିବାର ନାହିଁ, ସେ ଅନ୍ୟ କୌଣସି ବ୍ୟକ୍ତିଙ୍କୁ ନମିନି କରିପାରିବେ । ଯଦିଓ, ତାଙ୍କ ପରିବାର ଭବିଷ୍ୟତରେ ଆଗକୁ ଆସନ୍ତି, ତେବେ ପରିବାରର ନମିନୀ ବୌଧ ହେବ ।

ନମିନୀ ଟଙ୍କା ପାଆନ୍ତି କି?
ଯଦି ଆପଣଙ୍କ ଆକାଉଣ୍ଟରେ ନମିନୀର ନାମ ପଞ୍ଜିକୃତ ହୋଇଛି, ତେବେ ବିଭାଗ ଆପଣଙ୍କ ଟଙ୍କା ନମନୀକୁ ଦେଇଥାଏ । ଶତକଡ଼ା ଅନୁଯାୟୀ ବିଭିନ୍ନ ନମନୀଙ୍କ ମଧ୍ୟରେ ଆପଣ EPF ରେ ଜମା ହୋଇଥିବା ଟଙ୍କା ମଧ୍ୟ ସେୟାପ କରିପାରିବେ ।

ଅନଲାଇନରେ ରଖିପାରିବେ କି ନମିନୀ ନାମ?
ଇପିଏଫ୍ ଆକାଉଣ୍ଟରେ ନମିନୀ ରଖିବା ପ୍ରକ୍ରିୟା ବର୍ତ୍ତମାନ ଅନଲାଇନ୍ ହୋଇଯାଇଛି । ଇ-ନମିନୀ ଇପିଏଫ୍ ଆକାଉଣ୍ଟଧାରୀଙ୍କ ହଠାତ୍ ମୃତ୍ୟୁ ହେଲେ ସୁବିଧା ଯୋଗାଇଥାଏ । ଏହା ଇପିଏଫଓ ବିଭାଗକୁ ଆକାଉଣ୍ଟଧାରୀଙ୍କ ଟଙ୍କା ଯଥାଶୀଘ୍ର ନମିନୀ ଆକାଉଣ୍ଟକୁ ଟ୍ରାନ୍ସଫର କରିବାରେ ସାହାଯ୍ୟ କରେ । ଏଥି ସହିତ, ନମିନୀ ଆକାଉଣ୍ଟଧାରୀଙ୍କ ଇପିଏଫ୍, ପେନସନ୍ ସ୍କିମ୍ ଓ କର୍ମଚାରୀଙ୍କ ଜମା ଲିଙ୍କ୍ ବୀମା ଯୋଜନାର ପାଣ୍ଠିରେ ଅନଲାଇନ୍ ପ୍ରବେଶର ସୁବିଧା ପାଆନ୍ତି ।

ନମିନୀ ନଥିବା ଯଦି କାହାର ମୃତ୍ୟୁ ହୁଏ ତେବେ ତାଙ୍କ PF ଟଙ୍କା କ’ଣ ହୁଏ?
EPFO ନିୟମ ଅନୁଯାୟୀ, ଯଦି ଆପଣଙ୍କର EPF ଆକାଉଣ୍ଟ କୌଣସି ନମିନୀ ନାହାଁନ୍ତି, ତେବେ ଆପଣଙ୍କର PF ଜମା ପରିବାର ସଦସ୍ୟଙ୍କ ମଧ୍ୟରେ ସମାନ ଭାବରେ ବିଭକ୍ତ ହେବ । ଯଦି କୌଣସି ଯୋଗ୍ୟ ପରିବାର ସଦସ୍ୟ ଉପସ୍ଥିତ ନାହାଁନ୍ତି, ତେବେ ଆପଣଙ୍କ ଟଙ୍କା ଆପଣଙ୍କ ଆଇନଗତ ଉତ୍ତରାଧିକାରୀଙ୍କ ଆକାଉଣ୍ଟକୁ ପଠାଯିବ ।

EPF ଆକାଉଣ୍ଟରେ ନମିନୀ କିପରି ରଖିବେ?

• ଯଦି ଆପଣ EPF ଆକାଉଣ୍ଟରେ ନମିନୀ ରଖିବାକୁ ଚାହୁଁଛନ୍ତି, ତେବେ ସର୍ବପ୍ରଥମେ EPFO ​​ୱେବସାଇଟକୁ ଯାଆନ୍ତୁ ।
• ଏହା ପରେ, ସର୍ଭିସ ସେଗମେଣ୍ଟ ଅଧୀନରେ, ଏମ୍ପ୍ଲୋୟି ଓ ଏ ପରେ ‘Member UAN/Online Service’ ଉପରେ କ୍ଲିକ୍ କରନ୍ତୁ ।
• ଏହି ଲଗଇନ୍ ପରେ UAN ନମ୍ବର ଓ ପାସୱାର୍ଡ ଏଣ୍ଚ୍ରି କରନ୍ତୁ ।
• ବର୍ତ୍ତମାନ 'ମେନେଜ' ଟ୍ୟାବ୍ ଅନ୍ତର୍ଗତ 'ଇ-ନମିନେସନ' ଉପରେ କ୍ଲିକ୍ କରନ୍ତୁ ।
• ଏଠାରେ ଦିଆଯାଇଥିବା ଆବଶ୍ୟକୀୟ ସୂଚନାକୁ ଅପଡେଟ କରନ୍ତୁ ଓ ଏହାକୁ ସେଭ୍ କରନ୍ତୁ ।
• ପରିବାର ଡିକ୍ଲାରେସନ ଦିଅନ୍ତୁ, ଓ ଅନ୍ୟ ପରିବାର ସଦସ୍ୟଙ୍କ ଡିଟଲ ଦିଅନ୍ତୁ । ଆପଣ ଏକରୁ ଅଧିକ ନମିନୀ ଯୋଗ କରିପାରିବେ । ଡିଟେଲ୍ ସେଭ କରନ୍ତୁ ।
• ଏହା ପରେ ଇ-ସାଇନ୍ ଉପରେ କ୍ଲିକ୍ କରନ୍ତୁ ଓ OTP ଏଣ୍ଟ୍ରି କରି ସେଭ୍ କରନ୍ତୁ ।