ଅଯୋଧ୍ୟା ରାମ ମନ୍ଦିର ପ୍ରତିଷ୍ଠା ପାଇଁ ନିମନ୍ତ୍ରଣ ଗ୍ରହଣ କଲେ ରାଷ୍ଟ୍ରପତି

President Draupadi Murmu: ଆଉ ଅଳ୍ପଦିନ ପରେ ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ହେବ । ଏଥି ନିମନ୍ତେ ଦେଶର ବିଷିଷ୍ଟ ବ୍ୟକ୍ତିମାନେ ଯୋଗଦେବେ । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ମଧ୍ୟ କାର୍ଯ୍ୟକ୍ରମରେ ଯୋଗଦେବା ପାଇଁ ନମନ୍ତ୍ରଣ ପତ୍ର ପ୍ରଦାନ କରାଯାଇଛି ।

Invitation to president draupadi murmu: ଚଳିତ ମାସ ତଥା ୨୨ ଜାନୁଆରୀରେ ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଛି । ଏହି ମହାନ କାର୍ଯ୍ୟକ୍ରମରେ ଯୋଗ ଦେବା ପାଇଁ ଦେଶର ବିଶିଷ୍ଟ ବ୍ୟକ୍ତିମାନଙ୍କୁ ନିମନ୍ତ୍ରଣ କରାଯାଇଛି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ମଧ୍ୟ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ସାମିଲ ହେବାପାଇଁ ନିମନ୍ତ୍ରଣ ପତ୍ର ଦିଆଯାଇଛି । ଶୁକ୍ରବାର ଦିନ ରାମ ମନ୍ଦିର ଟ୍ରଷ୍ଟର ଏକ ପ୍ରତିନିଧି ଦଳ ରାଷ୍ଟ୍ରପତିଙ୍କୁ ଭେଟି ନିମନ୍ତ୍ରଣ ପତ୍ର ପ୍ରଦାନ କରିଛନ୍ତି । 

ରାଷ୍ଟ୍ରପତିଙ୍କୁ ଭେଟିଥିବା ଟିମ୍ ମଧ୍ୟରେ ଥିଲେ ରାମ ମନ୍ଦିର ନିର୍ମାଣ କମିଟିର ଅଧ୍ୟକ୍ଷ ନ୍ରିପେନ୍ଦ୍ର ମିଶ୍ର, ବିଶ୍ୱ ହିନ୍ଦୁ ପରିଷଦର ଅନ୍ତର୍ଜାତୀୟ ସଭାପତି ଆଲୋକ କୁମାର । ଭିଏଚପି ଜାତୀୟ ମୁଖପାତ୍ର ବିନୋଦ ବନସାଲ ସୋସିଆଲ ମିଡିଆ X ମାଧ୍ୟମରେ ଏକ ପୋଷ୍ଟ ସେୟାର କରି କହିଛନ୍ତି ଯେ, ଆଜି ମହାମହିମ ରାଷ୍ଟ୍ରପତିରାମ ମନ୍ଦିର ପ୍ରାଣ ପ୍ରତିଷ୍ଠାରେ ଯୋଗଦେବା ପାଇଁ ନିମନ୍ତ୍ରଣ ପତ୍ର ଗ୍ରହଣ କରିଛନ୍ତି । ନିମନ୍ତ୍ରଣ ପତ୍ର ଗ୍ରହଣ କରିବା ପରେ ରାଷ୍ଟ୍ରପତି ଖୁବ ଖୁସି ବ୍ୟକ୍ତ କରିଛନ୍ତି ।

Post- 

President Droupadi Murmu was given an invitation to the Ram Temple 'Pran Pratishtha' ceremony by Ayodhya Ram Temple Construction Committee Chairman, Nripendra Mishra, International Working President of Vishwa Hindu Parishad, Alok Kumar and RSS leader Ram Lal, today. pic.twitter.com/cVjVUlvs6k

— ANI (@ANI) January 12, 2024

ଅନ୍ୟପଟେ ଜାନୁୟାରୀ ୧୧ ତାରିଖ ଦିନ ଉପରାଷ୍ଟ୍ରପତି ଜଗଦୀପ ଧନଖଡଙ୍କୁ ମଧ୍ୟ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ଯୋଗ ଦେବା ପାଇଁ ନିମନ୍ତ୍ରଣ କରାଯାଇଥିଲା । ଉପରାଷ୍ଟ୍ରପତିଙ୍କୁ ଆଲୋକ କୁମାର ଏବଂ ଶ୍ରୀପେନ୍ଦ୍ର ମିଶ୍ର ନିମନ୍ତ୍ରଣ ପତ୍ର ପ୍ରଦାନ କରିଥିଲେ । ନିମନ୍ତ୍ରଣ ପତ୍ର ପାଇବା ପରେ ଉପରାଷ୍ଟ୍ରପତି ଖୁବ ଖୁସି ବ୍ୟକ୍ତ କରିଥିଲେ । ସେ କହିଥିଲେ ଯେ, ଏହି ମହାନ କାର୍ଯ୍ୟକ୍ରମରେ ନିଜକୁ ସାମିଲ କରିବା ପରମ ସୌଭାଗ୍ୟର କଥା । ମୁଁ ପରିଦର୍ଶନ ସମୟ ବିଷୟରେ ଶୀଘ୍ର ସୂଚନା ଦେବି ବୋଲି ଉପରାଷ୍ଟ୍ରପତି କହିଥିଲେ । 

ଆପଣଙ୍କୁ କହିରଖିବାକୁ ଚାହୁଁ ଯେ, ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ୧୧ ଦିନିଆ ସ୍ୱତନ୍ତ୍ର ରୀତିନୀତି ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ନାଶିକର କାଲାରାମ ମନ୍ଦିରରେ ପୂଜା କରିବା ସ୍ୱତନ୍ତ୍ର ରୀତିନୀତି ଆରମ୍ଭ କରିଛନ୍ତି।