IMD Heatwave Alert: ୨ ଦିନ ନିଆଁ ବର୍ଷା କରିବେ ସୂର୍ଯ୍ୟ! ଜାରି ହେଲା ହିଟ୍ ୱେବ୍ ଆଲର୍ଟ, ଏହି ୧୦ ରାଜ୍ୟ ଭିତରେ ଅଛି କି ଆପଣଙ୍କ ସହର?

IMD Heatwave Alert: ଭାରତ ପାଣିପାଗ ବିଭାଗ ଶନିବାର ଦିନ ହିଟ୍ ୱେବକୁ ନେଇ ସତର୍କ ସୂଚନା ଜାରି କରିଛି। ଆଗାମୀ ଦୁଇ ଦିନ ପାଇଁ ଉପଦ୍ୱୀପ ଓ ପୂର୍ବ ଭାରତର କିଛି ଅଂଶରେ ହିଟ୍ ୱେବ ସ୍ଥିତି ଜାରି ରହିବ ବୋଲି ଆଶା କରାଯାଉଛି।

IMD Heatwave Alert: ଏପ୍ରିଲ ମାସର ଆରମ୍ଭ ସହିତ ଗ୍ରୀଷ ଲହରୀ ବୃଦ୍ଧି ପାଇଛି ଓ ଆଗାମୀ ଦୁଇ ଦିନ ମଧ୍ୟ ପ୍ରବଳ ଗରମ ହେବାକୁ ଯାଉଛି। ଭାରତ ପାଣିପାଗ ବିଭାଗ (ଆଇଏମଡି) ଶନିବାର ଦିନ ହିଟ୍ ୱେବକୁ ନେଇ ସତର୍କ ସୂଚନା ଜାରି କରିଛି। ଆଗାମୀ ଦୁଇ ଦିନ ପାଇଁ ଉପଦ୍ୱୀପ ଓ ପୂର୍ବ ଭାରତର କିଛି ଅଂଶରେ ହିଟ୍ ୱେବ ସ୍ଥିତି ଜାରି ରହିବ ବୋଲି ଆଶା କରାଯାଉଛି। ହିଟ୍ ୱେବ ଦ୍ୱାରା ପ୍ରଭାବିତ ସହରଗୁଡ଼ିକରେ ଓଡି଼ଶା, ପଶ୍ଚିମବଙ୍ଗ, ଝାଡ଼ଖଣ୍ଡ, ବିଦର୍ଭ, ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକ, ଉପକୂଳ ଆନ୍ଧ୍ରପ୍ରଦେଶ ଓ ୟନମ, ରାୟଲିସିମା ଓ ତେଲେଙ୍ଗାନା ଅନ୍ତର୍ଭୁକ୍ତ।

ଆସନ୍ତା ୨ ଦିନ ମଧ୍ୟରେ ନିଆଁ ବର୍ଷା ପରି ହେବ ଗରମ
ଶନିବାର ଦିନ ପାଣିପାଗ ବିଭାଗ X (ପୂର୍ବ ଟ୍ୱିଟର) ରେ ଲେଖିଛି, "ଆଜି ପୂର୍ବ ଭାରତର କିଛି ଅଂଶ ଓ ଆସନ୍ତା ୨ ଦିନ ମଧ୍ୟରେ ପୂର୍ବ ଭାରତ ଓ ପେନ୍‌ସୁଲାର୍ ଇଣ୍ଡିଆରେ ହିଟ୍ ୱେବ ସ୍ଥିତି ଜାରି ରହିବ ବୋଲି ଆଶା କରାଯାଉଛି। ତେବେ ଏହା ପରେ ଏହା ହ୍ରାସ ହେବାର ସମ୍ଭାବନା ଅଛି।"

Heat Wave conditions very likely in isolated pockets of Gangetic #WestBengal, #Jharkhand, #Odisha, Coastal #AndhraPradesh & Yanam and #Rayalaseema on 06th April, 2024.#WeatherUpdate #HeatWaveAlert #Heatwave@moesgoi @ndmaindia @airnewsalerts @DDNewslive pic.twitter.com/GlNMpx1Aib

— India Meteorological Department (@Indiametdept) April 6, 2024

ହିଟ୍ ୱେଭ୍ କ’ଣ?
ଆଇଏମଡି ଅନୁଯାୟୀ, ବାୟୁର ତାପମାତ୍ରା ଏକ ସ୍ତରରେ ପହଞ୍ଚିବା ପରେ ଏକ ହିଟ୍ ୱେବ ହୁଏ ଯାହା ଏକ୍ସପୋଜର ପରେ ମାନବ ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି କରିପାରେ। ଯେତେବେଳେ ଏକ ସ୍ଥାନରେ ସର୍ବାଧିକ ତାପମାତ୍ରା ୪୦° C କିମ୍ବା ସମତଳ ଭୂମିରେ ଓ ପାହାଡିଆ ଅଞ୍ଚଳ ପାଇଁ ୩୦° C କିମ୍ବା ଅଧିକରେ ପହଞ୍ଚେ, ସେତେବେଳେ ଏକ 'ହିଟ୍ ୱେଭ୍' ଚିହ୍ନଟ ହୁଏ।

ନିଜକୁ କିପରି ରକ୍ଷା କରିବେ?
ଜରୁରୀ କାମ ନଥିଲେ ଘରୁ ବାହାରକୁ ଯାଆନ୍ତୁ ନାହିଁ।
ଅଧିକ ପାଣି ପିଅନ୍ତୁ।
ଘରେ ଏକ ଏମରଜେନ୍ସି କିଟ୍ ରଖନ୍ତୁ।