Bade Miyan Chhote Miyan:ବଡ଼େ ମିଆଁ ଛୋଟେ ମିଆଁରେ ବଚ୍ଚନଙ୍କ ଉପରେ ଭାରି ପଡିଥିଲେ ଗୋବିନ୍ଦା,ନିର୍ଦ୍ଦେଶକଙ୍କୁ ଏହି ଅନୁରୋଧ କରିଥିଲେ ବିଗ୍ ବି

Bade Miyan Chhote Miyan: ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ଫିଲ୍ମ 'ବଡେ ମିୟାଁ ଛୋଟେ ମିୟାଁ' ଏବେ ଚର୍ଚ୍ଚାର ଅଛି । ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ବେସ ଉତ୍କଣ୍ଠା ରହିଛି । ଏହାର ଟ୍ରେଲର ନିକଟରେ ରିଲିଜ ହୋଇଛି। ଏହାକୁ ବାସୁ ଭାଗ୍ନାନୀ ପ୍ରସ୍ତୁତ କରିଛନ୍ତି। ଏହାପୂର୍ବରୁ, ବାଶୁ ଭାଗନାନୀ 1998 ରେ ମୁକ୍ତିଲାଭ କରିଥିବା ସମାନ ନାମର ଫିଲ୍ମ ମଧ୍ୟ ନିର୍ମାଣ କରିଥିଲେ ଯେଉଁଥିରେ ଗୋବିନ୍ଦା ଏବଂ ଅମିତାଭ ବଚ୍ଚନ ମୁଖ୍ୟ ଭୂମିକାରେ ଥିଲେ। କେତେକ ରିପୋର୍ଟରେ ନୂଆ ବଡେମିଆଁ.. ପୁରୁଣା ବଡେମିଆଁର  ରିମେକ୍ ଅଟେ ବୋଲି ଦାବି କରାଯାଇଥିଲା। କିନ୍ତୁ ବାଶୁ ଭାଗନାନୀ ଏହାକୁ ଅସ୍ୱୀକାର କରି କହିଛନ୍ତି ଯେ ଉଭୟ ଫିଲ୍ମର ପରସ୍ପର ସହିତ କୌଣସି ସମ୍ପର୍କ ନାହିଁ । ଏହା ସହିତ ସେ ଗୋବିନ୍ଦା ଏବଂ ଅମିତାଭ ବଚ୍ଚନଙ୍କ ବିଷୟରେ ପୁରୁଣା ବଡେମିଆଁ ଛୋଟେ ମିଆଁ ସୁଟିଂ କାଳର କିଛି ଖବର ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି।

26 ବର୍ଷ ପୂର୍ବେ ମୁକ୍ତିଲାଭ କରିଥିବା 'ବଡେ ମିୟାଁ ଛୋଟେ ମିୟାଁ, ଡେଭିଡ୍ ଧାୱନଙ୍କ ନିର୍ଦ୍ଦେଶିତ  ସୁପରହିଟ୍ ଫିଲ୍ମ ଥିଲା ।  ସେଥିରେ ଗୋବିନ୍ଦା-ଅମିତାଭ ବଚ୍ଚନଙ୍କ ଜୁଗଲବନ୍ଦିକୁ ବହୁତ ପସନ୍ଦ କରାଯାଇଥିଲା । କିନ୍ତୁ ସେତେବେଳେ ଏପରି ଖବର ଆସିବାକୁ ଲାଗିଥିଲା ଯେ ଗୋବିନ୍ଦା ଏହି ଚଳଚ୍ଚିତ୍ରରେ ଅମିତାଭ ବଚ୍ଚନଙ୍କୁ ପଛରେ ପକାଇ ଦେଇଛନ୍ତି।  ସବୁଆଡେ ଆଲୋଚନା ହେଉଥିବା ଏହି ଖବର  ପ୍ରକୃତରେ ସତ ଥିଲା କି? ବାଶୁ ଭାଗନାନୀ ଏହି ବିଷୟରେ 'କନେକ୍ଟ ଏଫଏମ କାନାଡା' ସହିତ କଥା ହୋଇଥିଲେ।

'ବିନା ଅମିତାଭଙ୍କ ଉପସ୍ଥିତିରେ ଗୋବିନ୍ଦା ଫୁଟିକି ବାହାରି ନଥାନ୍ତେ '

ଭାଶୁ ଭାଗନାନି ସ୍ୱୀକାର କରିଛନ୍ତି ଯେ ଗୋବିନ୍ଦା ଅମିତାଭ ବଚ୍ଚନଙ୍କୁ 'ବାଡେ ମିୟାନ ଛୋଟେ ମିୟାନ'ରେ ପଛରେ ପକାଇ ଦେଇଥିଲେ । ସାକ୍ଷାତକାରରେ ଭାଗନାନୀଙ୍କୁ ପଚରାଯାଇଥିଲା ଯେ କିଛି ଲୋକ ବିଶ୍ୱାସ କରନ୍ତି ଯେ ଗୋବିନ୍ଦା 'ବଡେ ମିୟାଁ ଛୋଟେ ମିୟାଁ 'ର ଶୋ’ରନର୍ ଥିଲେ। ଏହାର ଉତ୍ତରରେ  ଭାଗନାନୀ କହିଥିଲେ ଯେ,ହଁ , ଏହା ଠିକ୍ ଅଟେ। ସମଗ୍ର ଦୁନିଆ ଯେତେବେଳେ ଏହା କହୁଛି ସେତେବେଳେ ମୁଁ ମନା କରିବାକୁ କିଏ ? କିନ୍ତୁ ପ୍ରକୃତ କଥା ହେଉଛି ଯଦି ଅମିତ ଜୀ ଫିଲ୍ମରେ ନଥାନ୍ତେ, ତେବେ ଗୋବିନ୍ଦା ଫୁଟିକି ବାହାରିବାର ସୁଯୋଗ ପାଇ ନଥାନ୍ତେ। ଅମିତାଭଭ୍ର ପାଇଁ ଗୋବିନ୍ଦା ଅଧିକ ପ୍ରଶଂସା ପାଇଥିଲେ।

ଭଶୁ ଭାଗନାନୀ ଆହୁରି ମଧ୍ୟ କହିଛନ୍ତି ଯେ, 'ମୁଁ ଏହାକୁ ଖୋଲାଖୋଲି ଭାବେ କହିବା ଉଚିତ୍ ନୁହେଁ, କିନ୍ତୁ ଦିନେ ଅମିତାଭ ମୋତେ ଏକାକୀ କହିଥିଲେ ଯେ, ଭାଇ ତୁମେ ମୈଦାନ ଖୋଲା ଛାଡିଦିଅ । ଆମେ ଦୁହେଁ କ’ଣ କରୁଛୁ ଦେଖ । ଅମିତାଭଙ୍କର ଏକ ଭିନ୍ନ ଷ୍ଟାଇଲ ଥିଲା । ଗୋବିନ୍ଦାଙ୍କର ମଧ୍ୟ ଅଲଗା ଷ୍ଟାଇଲ ଥିଲା । ଏହି ଦୁଇଜଣ ଏକାଠି କେବଳ ଛିଡ଼ା ହେଉଥିଲେ ଓ ବାକି କାମ ଆପେ ଆପେ ହୋଇଯାଉଥିଲା ।

''ବଡେ ମିୟାଁ ଛୋଟେ ମିୟାଁ  କରିଥିଲା ଏତିକି  କୋଟି ଟଙ୍କା ରୋଜଗାର

ଅମିତାଭ ଏବଂ ଗୋବିନ୍ଦାଙ୍କ ଅଭିନୀତ 'ବଡେ ମିୟାଁ ଛୋଟେ ମିୟାଁ 1998 ରେ ରିଲିଜ୍ ହେବାବେଳେ ସାରା ବିଶ୍ୱରେ 35 କୋଟି ଟଙ୍କା ରୋଜଗାର କରିଥିଲା ଏବଂ ଏକ ସୁପରହିଟ୍ ଥିଲା। ଏହି ଚଳଚ୍ଚିତ୍ର ପରେ ଅମିତାଭଙ୍କ  ତଳକୁ ଖସୁଥିବା କ୍ୟାରିୟର ପୁଣିଥରେ  ଟ୍ରାକକୁ ଫେରିଥିଲା ।