मुंबई : मेगास्टार मिस्टर परफेक्शनिस्ट आमिर खानने सोमवारी 2018 च्या पूर्वसंध्येला एक घोषणा केली आहे. नवीन प्रोडक्शन 'रूबरू रोशनी'ची घोषणा केली आहे. या सिनेमाचा प्रोजेक्ट छोट्या पडद्यावर दाखवण्यात येणार आहे. 


COMMERCIAL BREAK
SCROLL TO CONTINUE READING

आमिर खानने पत्नी किरण रावसोबत या फिचर सिनेमाची निर्मिती केली आहे. याचा प्रिमिअर 26 जानेवारी 2019 रोजी होणार आहे. 


या अगोदर आमिर खानने छोट्या पडद्यावर 'सत्यमेव जयते' या कार्यक्रम सुरू केला होता. आमिर खानने सांगितलं की, मित्रांनो, आमिर खान प्रोडक्शनमधील पुढील सिनेमा 26 जानेवारी सकाळी 11 वाजता स्टारप्लसला दाखवणार आहे. 



हा सिनेमा किरण आणि मी निर्मित केल्याचं आमिर खानने सांगितलं आहे. हा सिनेमा आमच्या खूप जवळचा आहे. 'रूबरू रोशनी' या सिनेमाला पाहायला विसरू नका. स्वाती चक्रवर्ती यांनी हा सिनेमा दिग्दर्शित केला आहे. 


'ठग्स ऑफ हिंदुस्तान'या सिनेमाला पाहिजे तसा प्रतिसाद मिळाला नाही. आमिर खानने आता एक व्हिडिओ जाहिर केला आहे. ज्यामध्ये त्यांनी सांगितलं की, 26 जानेवारी रोजी गणराज्य दिनी तुम्ही काय करत आहात? म्हणजे मला असं विचारायचं की, झेंडा फडकवल्यानंतर काय करणार आहात? कारण माझ्याकडे तुमच्यासाठी एक योजना आहे.