अभिनेता होणार आठव्या मुलाचा बाप, नसबंदीच्या निर्णयानंतर म्हणतो मला आता लोकसंख्या वाढवायची नाही
अभिनेत्याने आता नसबंदीचा निर्णय घेतला आहे. कोण आहे तो अभिनेता.
मुंबई : अमेरिकन टेलिव्हिजन होस्ट निकोलस स्कॉट कॅनन याने नसबंदी करण्याचा निर्णय घेतला आहे. निकोलस आधीच 7 मुलांचा पिता आहे आणि लवकरच त्याचे आठवे अपत्य जन्माला येणार आहे. निकोलस हा केवळ टीव्ही होस्टच नाही तर रॅपर, अभिनेता आणि कॉमेडियन देखील आहे.
41 वर्षीय निकोलसने सांगितले की, तो नसबंदीसाठी डॉक्टरांचा सल्ला घेण्यासाठी गेला होता. या पृथ्वीची लोकसंख्या यापुढे वाढवायची नाही.
निकोलस पुढे म्हणाला की, मी आणखी मुले जन्माला घालण्याचा विचार करत नाही. मला फक्त माझ्या 8 मुलांची काळजी घ्यायची आहे.
डिसेंबर २०२१ मध्ये, त्यांच्या ५ महिन्यांच्या मुलाचा मेंदूच्या कर्करोगाने मृत्यू झाला, एक महिना आधी निकोलस आणि त्याची मैत्रीण ब्रे टायसी यांनी उघड केले की ते लवकरच दुसऱ्या मुलाला जन्म देणार आहेत.
नेटवर्क डेली पॉप शोचे होस्ट जस्टिन सिल्वेस्टर आणि लोनी लव्ह यांच्याशी बोलताना, निकोल्स म्हणाला की, मी या सर्व गोष्टींचा विचार केला नव्हता. परंतु मुले ही भेटवस्तू आहेत आणि आपल्या सर्वांना माहित आहे की मी माझ्या आयुष्यात खूप काही केले आहे. अशा परिस्थितीत मला माझ्या मुलांकडून शांती मिळते आणि जगण्याचा एक उद्देशही मिळतो.
निकोलसने सांगितले की, तो आपल्या कुटुंबाला वेळ देऊ शकत नाही किंवा त्यांच्यासोबत जास्त वेळ घालवू शकत नाही याचे त्याला वाईट वाटते. निकोल्सने सांगितले की तो दररोज आपल्या मुलांना शाळेत सोडण्यासाठी जातो आणि कधीकधी व्हिडिओ कॉलवर बोलतो.
काही काळापूर्वी निकोलसने आपल्या मुलांचा एक व्हिडिओ सोशल मीडियावर शेअर केला होता.