Border 2 : 1997 मध्ये प्रदर्शित झालेला 'बॉर्डर' हा चित्रपट त्या काळातील सर्वात हिट चित्रपट होता. बॉक्स ऑफिसवर तो सर्वकालीन ब्लॉकबस्टर चित्रपट म्हणून घोषित झाला होता. या चित्रपटात सनी देओल, सुनील शेट्टी, जॅकी श्रॉफ, अक्षय खन्ना, पुनीत इस्सार, सुदेश बेरी, कुलभूषण खरबंदा आणि इतर अनेक कलाकार दिसले होते. 


COMMERCIAL BREAK
SCROLL TO CONTINUE READING

'बॉर्डर' चित्रपटाच्या यशानंतर जेपी दत्ता यांनी 'बॉर्डर 2' चित्रपटाची घोषणा केली होती. आता 27 वर्षांनंतर अनुराग सिंग दिग्दर्शित 'बॉर्डर 2' मोठ्या पडद्यावर परतत आहे. 


'बॉर्डर 2' मध्ये या कलाकारांचा समावेश


सनी देओल पुन्हा एकदा मुख्य भूमिकेत दिसणार आहे. या चित्रपटात आयुष्मान खुराना सैनिकाच्या भूमिकेत दिसणार असल्याची बातमी समोर येत होती. मात्र, या बातमीत तथ्य नव्हते. यानंतर सनी देओलने अधिकृतपणे घोषणा केली की वरुण धवन आणि दिलजीत दोसांझ या चित्रपटाचा भाग असतील. 


आता या चित्रपटात चौथा शिपाई दाखल झाला आहे. 'बॉर्डर' चित्रपटात सुनील शेट्टीने भैरव सिंहची भूमिका साकारली होती. आता 'बॉर्डर 2'मध्ये त्याच्या जागी अहान शेट्टी दिसणार आहे. सनी देओलने त्याच्या अधिकृत इन्स्टाग्राम हँडलवर चित्रपटाची अधिकृत माहिती शेअर केली आहे. 


या दिवशी होणार चित्रपट प्रदर्शित 


'बॉर्डर 2' हा चित्रपट 2026 मध्ये 23 जानेवारीला रिलीज होणार आहे. जेपी दत्ता या चित्रपटाचे दिग्दर्शन करत नाहीत तर त्यांची मुलगी निधी दत्ता या चित्रपटाची निर्माती आहे. यावेळी देखील चित्रपटाची कथा किंवा त्याचा काही भाग भारत आणि पाकिस्तानमधील परस्पर युद्धावर आधारित असू शकतो.


सध्या सोशल मीडियावर चाहत्यांना देखील या चित्रपटाची प्रचंड उत्सुकता लागली आहे. कारण 'बॉर्डर' हा चित्रपट प्रचंड हिट ठरला होता. या चित्रपटाची कथा प्रेक्षकांना प्रचंड आवडली होती.