Aishwarya Rai च्या कानातून रक्त येत असतानाही दिग्दर्शकाने थांबवलं नाही शूट, कारण...

मुंबई : बॉलिवूड चित्रपट देवदासने सर्व रेकॉर्ड तोडले. या चित्रपटातील गाणी सर्वांच्याच जिभेवर होती आणि ऐश्वर्या रायचा अभिनय मनात घर करून होता. सरतचंद्र चट्टोपाध्याय यांच्या कादंबरीवर आधारित हा चित्रपट बनवण्यासाठी दिग्दर्शक संजय लीला भन्साळी यांनी आयुष्य वेचले. या चित्रपटात शाहरुख खान, माधुरी दीक्षित आणि ऐश्वर्या राय मुख्य भूमिकेत दिसले होते.

चित्रपटातील केवळ दृश्येच नाही तर त्यातील गाण्यांनीही सर्वांच्या हृदयात स्थान निर्माण केले होते. ऐश्वर्या राय आणि या चित्रपटाशी संबंधित एक प्रसिद्ध किस्सा आहे, जो ऐकून लोक थक्क झाले.

या चित्रपटातील एक गाणे होते 'डोला रे डोला' ज्यामध्ये माधुरी दीक्षित आणि ऐश्वर्या राय यांनी एकत्र डान्स केला होता. हे गाणे खूप महाग होते, ज्यामध्ये निर्मात्यांनी ते बनवण्यासाठी 2.5 कोटी खर्च केले होते. हे गाणे सरोज खान यांनी कोरिओग्राफ केले होते. बातम्यांनुसार, ऐश्वर्याचे कानातले इतके जड होते की तिच्या कानातून रक्त वाहू लागले होते. पण ती तिच्या डान्समध्ये इतकी मग्न झाली होती की तिला त्याचे भानही राहिले नाही आणि तिने काम सुरू ठेवले.

ऐश्वर्याच्या मेहनतीचेच फळ होते की, चित्रपटासाठी तिला फिल्मफेअर आणि सर्वोत्कृष्ट अभिनेत्रीचे आयफा पुरस्कार मिळाला. आजही ऐश्वर्याचे हे गाणे खूप लोकप्रिय आहे.