Allu Arjun First Blockbuster Movie: साउथ अभिनेता अल्लू अर्जुनचा 'पुष्पा 2' चित्रपट 5 डिसेंबर रोजी प्रदर्शित होणार आहे. नुकताच या चित्रपटाचा ट्रेलर रिलीज झालाय. या चित्रपटाचा ट्रेलर लॉन्च सोहळा पाटणा येथे पार पडला. सध्या सोशल मीडियावर 'पुष्पा 2' चित्रपटाची प्रचंड चर्चा आहे. अशातच अल्लू अर्जुन हा इंडस्ट्रीमधील सर्वात जास्त मानधन घेणारा अभिनेता ठरला आहे. अल्लू अर्जुनचा सोशल मीडियावर मोठा चाहता वर्ग आहे. 


COMMERCIAL BREAK
SCROLL TO CONTINUE READING

अल्लू अर्जुनने फक्त 'पुष्पा' चित्रपटातच काम नाही केलं. त्याने अनेक चित्रपट केले आहेत. वयाच्या 21 व्या वर्षी त्याने साउथ इंडस्ट्रीमधून करिअरला सुरुवात केली. ज्यामध्ये त्याने एकापेक्षा एक ब्लॉकबस्टर चित्रपट दिले आणि प्रेक्षकांचं मनोरंजन केलं. 


'आर्या' चित्रपटाने 'पुष्पा'पेक्षा जास्त कमाई केली? 


अल्लू अर्जुनने 2003 मध्ये 'गंगोत्री' चित्रपटातून डेब्यू केलं होतं. हा चित्रपट देखील सुपरहिट ठरला होता. अल्लू अर्जुनचा दुसरा चित्रपट देखील बॉक्स ऑफिसवर ब्लॉकबस्टर ठरला होता. या चित्रपटाचे नाव 'आर्या' आहे. या चित्रपटात अल्लू अर्जुनने 'आर्या'ची भूमिका साकारली होती. खास गोष्ट म्हणजे या चित्रपटाचे दिग्दर्शित केला होता ज्याने 'पुष्पा' आणि 'पुष्पा 2' दिग्दर्शित केला होता. त्याचं नाव सुकुमार आहे. 


अल्लू अर्जुन आणि सुकुमार यांच्या जोडीने 2004 मध्ये 'आर्या' चित्रपटात उत्तम कामगिरी केली होती. IMDbच्या रिपोर्टनुसार, या चित्रपटाचे बजेट फक्त 4 कोटी रुपये होते. परंतु प्रेक्षकांना हा चित्रपट इतका आवडला की तो ब्लॉकबस्टर ठरला. या चित्रपटाने बॉक्स ऑफिसवर 30 कोटींची कमाई केली होती. म्हणजेच चित्रपटाच्या बजेटपेक्षा साडे सात पट अधिक कमाई या चित्रपटाने केली होती. 


'पुष्पा' चित्रपटाची कमाई


अल्लू अर्जुनच्या 'पुष्पा' चित्रपटाने देखील बॉक्स ऑफिसवर प्रचंड कमाई केली होती. हा चित्रपट 2021 मध्ये प्रदर्शित झाला होता. या चित्रपटाचे बजेट 150 कोटी रुपये होते. या चित्रपटाने बॉक्स ऑफिसवर 350 कोटींची कमाई केली होती. जर विचार केला तर या चित्रपटाने बजेटच्या अडीचपट कमाई केली होती. जरी 'पुष्पा' चित्रपटाने प्रचंड कमाई केली असली तर बजेटच्या तुलनेत 'आर्या' चित्रपटाने 'पुष्पा' चित्रपटाला कमाईमध्ये मागे टाकले आहे.