ऐश्वर्या नाही तर `या` अभिनेत्रींसोबत ट्रेंडिंग गाण्यावर धरला अविनाश नारकर यांनी ठेका
मराठी पोरं हे गाणं ट्रेंडिग असताना अविनाश नारकर कसे मागे राहतील नुकताच त्यांनी `झिम्मा २`च्या ट्रेंडिंग गाण्यावर ठेका धरला आहे. सध्या त्यांचा हा व्हिडीओ सोशल मीडियावर चांगलाच व्हायरल होत आहे. दरवेळी अविनाश त्यांची पत्नी ऐश्वर्यासोबत थिरकताना दिसतात.
मुंबई : सध्या सगळीकडे चर्चा आहे ती झिम्मा २ या सिनेमाची. या सिनेमाचा ट्रोलरने प्रेक्षकांची उत्सुकता वाढवलीच आहे. पण त्याचबरोबर या सिनेमातील गाणं मराठी पोरं हे गाणं सध्या ट्रेंडिंग आहे. या गाण्यावर सध्या अनेकजण रिल्स बनवत आहेत. मग यामध्ये अनेक मराठी सेलिब्रिटींनीही या गाण्यावर ठेका धरला आहे. हुक्स स्टेप सध्या चाहत्यांचं लक्ष वेधून घेत आहे. यातचं अविनाश नारकर हे सध्या सोशल मीडियावर कायमच चर्चेत असतात. याआधी आपण अविनाश नारकर आणि ऐश्वर्या नारकर यांना सोशल मीडियावर रिल्स बनवून प्रेक्षकांचं मनोरंजन करताना पाहिलं होतं.
मराठी पोरं हे गाणं ट्रेंडिग असताना अविनाश नारकर कसे मागे राहतील नुकताच त्यांनी 'झिम्मा २'च्या ट्रेंडिंग गाण्यावर ठेका धरला आहे. सध्या त्यांचा हा व्हिडीओ सोशल मीडियावर चांगलाच व्हायरल होत आहे. दरवेळी अविनाश त्यांची पत्नी ऐश्वर्यासोबत थिरकताना दिसतात मात्र यावेळी समोर आलेल्या या व्हिडीओमध्ये अविनाश नारकर अभिनेत्री स्मिता हळदणकर आणि अभिनेत्री अनिशा सबनिस यांच्यासोबत थिरकताना दिसले. खरंतर हा व्हिडीओ त्यांच्या मालिकेच्या सेटवरील आहे. सन टिव्हीवरील मालिका कन्यादान या मालिकेत सध्या दिसत आहेत. अविनाश नारकर यांनी इन्स्टाग्रावर हा व्हिडीओ शेअर करत झिम्मा सिनेमाच्या टीमला शुभेच्छा दिल्या आहेत.
अविनाश नारकर यांनी हा व्हिडीओ शेअर करत कॅप्शनमध्ये 'झिम्मा 2'च्या मराठी बाण्याला मराठी बाबाच्या मराठी मुलींकडून मानाचा मजरा... झिम्मा २ च्या संपूर्ण टीमला खूप खूप शुभेच्छा.'' असं लिहीलं आहे. अनेकांनी त्यांच्या या व्हिडीओवर कमेंट्सचा वर्षाव केला आहे. हेमंत ढोमेने कमेंट करत लिहीलं आहे की, Super duper sweet अविदादा and his angels तर पत्नी ऐश्वर्या नारकर यांनी सुपर स्विट अशी कमेंट केली आहे. तर अजून एका चाहत्याने म्हटलंय, सर तुमची अभिनय आणि नृत्याची अनोखी आणि दमदार शैली आहे... तुम्ही खरे सुपरस्टार आहात. अशा अनेक प्रकारच्या कमेंट चाहते या व्हिडीओवर करत आहेत. सध्या हा व्हिडीओ सोशल मीडियावर चांगलाच धुमाकूळ घालत आहे.
सोशल मीडियावर ऐश्वर्या आणि त्यांचे पती अभिनेता अविनाश नारकर यांचे रिल्स व्हिडीओची सध्या सोशल मीडियावर जोरदार चर्चा सुरुये. मात्र यामुळेच या दोघांना अनेकदा ट्रोलिंगचा सामनाही करावा लागला आहे. बहुतेकवेळा हे कपल सोशल मीडियावर त्यांच्या डान्सचे व्हिडीओ पोस्ट करतात. जे सोशल मीडियावर काहीचवेळात व्हायरल होतात. आता पुन्हा एकदा या व्हिडीओ चाहत्यांचं लक्ष वेधून घेतलं आहे.