बिग बींचा मोठा निर्णय; चाहत्यांनी केलं कौतुक

मुंबई : बॉलिवूडचे महानायक अमिताभ बच्चन कायम त्यांच्या चाहत्यांमध्ये चर्चेचा विषय असतात. मात्र आता बिग बींनी ट्विटरवर अशी काही पोस्ट शेअर केली आहे, की ज्यामुळे त्यांच्यावर कौतुकांचा वर्षव होत आहे. सांगायच झालं तर देशावर आलेलं केणतेही संकट असो बिग बी कायम सर्वांच्या मदतीला धावून येतात. देशावर आलेली नैसर्गिक आपत्ती किंवा कोणत्याही अडचणी बिग बी पुढे येऊन योगदान देतात. परंतु आता बिग बींनी एक मोठा निर्णय घेतला आहे. 

बिग बींनी अवयव दान करण्याचा निर्णय घेतला आहे. सोशल मीडियाच्या माध्यमातून त्यांनी चाहत्यांना ही माहिती दिली आहे.  ‘मी अवयदान करण्याचा निर्णय घेतला आहे’, असं ट्विट बिग बींनी केलं आहे.  त्यामुळे चाहत्यांनी त्यांच्यावर कौतुकांचा वर्षाव केला आहे. 

दरम्यान बिग बींची ही पोस्ट व्हायरल होताच अनेकांनी सोशल मीडियावर वैद्यकीय प्रमाणपत्र शेअर करत त्यांच्याकडे मदत मागितली आहे. बिग बी सोशल मीडियावर कायम सक्रिय असतात. आता छोट्या पडद्याच्या माध्यमातून ते चाहत्यांच्या भेटीस येणार आहेत. 'कोन बनेगा करोडपती १२' मध्ये ते होस्टची भूमिका पार पाडणार आहेत.