मुंबई : वादाची किनार असणाऱ्या ‘Bigg Boss’ बिग बॉस या कार्यक्रमाच्या चाहत्या वर्गामध्ये दिवसागणिक वाढ होते आहे. वादग्रस्त धाटणीसाठी हा शो जितका चर्चेत असतो, तितकाच यामध्ये येणाऱ्या काही स्पर्धकांच्या नात्यांमधील जवळीक आणि त्यानंतर खुलणारं त्यांचं नातं, या साऱ्य़ांमुळंही प्रेक्षकांची या कार्यक्रमाला पसंती मिळते. 


COMMERCIAL BREAK
SCROLL TO CONTINUE READING

बिग बॉसच्या 14 व्या पर्वात शहनाज गिल आणि सिद्धार्थ शुक्ला, बिग बॉस 15 मध्ये एजाज खान आणि पवित्रा पुनिया या जोड्यांनी बिग बॉससह प्रेक्षकांच्याही नजरा वळवल्या होत्या. ज्यानंतर आता  ‘Bigg Boss OTT’ मध्ये राकेश बापट (Raqesh Bapat) आणि शमिता शेट्टी (Shamita Shetty) यांच्या केमिस्ट्रीनं बऱ्याच चर्चांना वाव दिला आहे. 


शमिता आणि राकेश या घरामध्ये एकमेकांचे कनेक्शन असून, त्यांचं नातंही एका सुरेख वळणावर आलं आहे. त्यांच्या काही खास क्षणांचे व्हिडीओही सोशल मीडियावर भलतेच व्हायरल होत असल्यामुळं या दोघांच्याही नात्याला चाहत्यांची पसंती मिळू लागली आहे. या जोडीचं वेड इतकं वाढलं आहे की इन्स्टाग्रामवर फॉलोअर्सकडून त्यांच्यासाठी काही पेजेसही सुरु करण्यात आली आहेत. #Raqsha अशा हॅशटॅगसह या जोडीला चाहत्यांचं अमाप प्रेम मिळू लागलं आहे. 


नुकत्याच सोशल मीडियावर पोस्ट करण्यात आलेल्या एका व्हिडीओमध्ये राकेश आणि शमिता सोबत नेहा भसिन लिप बामच्या मुद्द्यावरुन काहीतरी बोलताना दिसत आहेत. राकेशच्या खिशातून लिप बाम पडला आणि तो लिप बाम शमिताचाच आहे असं बोलत घरातील मंडळी राकेशची थट्टा करु लागले. त्यावेळी हा लिप बाम दिव्या अग्रवालचा आहे, शमिताचा नाही असं त्यानं सांगितलं. 


झालं, मग काय... शमिताची चिडचीड झाली, या जोडीमध्ये प्रेमळ खटका उडाला आणि मग राकेशनं तिची माफी मागण्यासाठी तिच्यावर किसची बसरातच केली. राकेशचा हा अंदाज पाहून अगदी अनपेक्षितपणे मिळालेल्या सरप्राईजमुळं शमिताचा चेहरा खुलला. राकेश आणि शमिताची ही केमिस्ट्री पाहून अरे तुम्ही रुम घ्या... असा सल्ला विनोदी अंदाजात नेहा भसिन देताना दिसते. 




सोशल मीडियावर हा व्हिडीओ शेअर करताच अनेकांनीच या जोडीच्या केमिस्ट्रीवर प्रतिक्रिया दिल्या आहेत. शिवाय येत्या काळात शो संपल्यानंतर या नात्याचं भविष्य काय असेल याबाबतही कुतूहल व्यक्त केलं आहे.