मुंबईः बॉलिवूड अभिनेत्री शिल्पा शेट्टी (Shilpa Shetty) यांचे पती आणि उद्योगपती राज कुंद्रा (Raj Kundra) याना सॉफ्ट अश्लील फिल्म (soft pornography film) बनवण्यासाठी मुंबई पोलिसांनी अटक केली आहे. सॉफ्ट पॉर्न फिल्म बनवण्याशिवाय राज कुंद्रा हा हे सगळे अ‍ॅपवर  अपलोड करायचा, असाही आरोप आहे. आज मुंबई पोलीस (Mumbai Police) आज राज कुंद्रा याला न्यायालयात हजर करतील. राज कुंद्रा याच्याविरूद्ध त्यांच्याकडे पुरेसे पुरावे असल्याचा पोलिसांचा दावा आहे. व्हिडिओ अपलोड करणाऱ्या उमेश कामथ (Umesh Kamath) यालाही पोलिसांनी अटक केली आहे. (Bollywood actress Shilpa Shetty's husband and businessman Raj Kundra has been arrested by the Mumbai Police for making a soft pornography film)


राज कुंद्रा हा या प्रकरणातील मुख्य सूत्रधार आहे


COMMERCIAL BREAK
SCROLL TO CONTINUE READING

फेब्रुवारी 2021 मध्ये मुंबईत गुन्हे शाखेने सॉफ्ट अश्लील चित्रपट (soft pornography film) बनविण्याबद्दल आणि काही अ‍ॅप्सच्या माध्यमातून प्रकाशित केल्याबद्दल गुन्हा दाखल केला होता. याच्या चौकशीत राज कुंद्रा यांचे नाव समोर आले. अश्लील चित्रपट बनवून काही अॅप्सवर दाखविल्याचा आरोप कुंद्रावर आहे. गुन्हे शाखेच्या एफआयआरनुसार राज कुंद्रा हा या प्रकरणातील मुख्य सूत्रधार आहे. याप्रकरणी पोलिसांनी फेब्रुवारी महिन्यातच गुन्हा दाखल केला होता आणि आता राज कुंद्राला अटक करण्यात आली आहे. रात्री उशिरा पोलिसांनी त्याचे मेडिकल केले आणि त्याला आज कोर्टात हजर केले जाऊ शकते.


शर्लिन चोप्रा हिने राज कुंद्राचे नाव घेतले


सॉफ्ट पोर्नोग्राफीसंबंधी चित्रपट बनविणे आणि अपलोड करण्यासाठी मुंबई पोलिसांनी यावर्षी फेब्रुवारी महिन्यात गुन्हा दाखल केला होता. 26 मार्च रोजी मुंबई पोलिसांनीही याच प्रकरणात एकता कपूर यांचे निवेदन घेतले होते. महाराष्ट्र सायबर सेलने यापूर्वी शर्लिन चोप्रा (Sherlyn Chopra) आणि पूनम पांडे (Poonam Pandey) यांचा जबाब नोंदविला गेला. राज कुंद्रा (Raj Kundra) याच्या विरोधात यावर्षी फेब्रुवारी महिन्यात गुन्हा दाखल करण्यात आला होता आणि आता गुन्हे शाखेच्या पथकाने त्याला अटक केली आहे. राज कुंद्रा याच्याविरोधात आयटी कायदा आणि आयपीसीच्या कलमांखाली गुन्हा दाखल करण्यात आला आहे. पोलिसांनी दिलेल्या माहितीनुसार राज कुंद्राविरोधात ठोस पुरावे आहेत. एफआयआरनुसार राज कुंद्रा याचे नाव शर्लिन चोप्रा  (Sherlyn Chopra) हीने या प्रकरणात पोलिसांसमोर घेतले होते.


एका प्रकल्पासाठी 30 लाख रुपये  


पोलिसांनी दिलेल्या माहितीनुसार शर्लिन चोप्रा  (Sherlyn Chopra) सांगते  की राज कुंदारानेच तिला प्रौढ व्यवसायात (सॉफ्ट अश्लील फिल्म) आणले. शर्लिन चोप्रा   (Sherlyn Chopra) हिला प्रत्येक प्रकल्पासाठी 30 लाख रुपयांचे पैसे दिले जायचे. शर्लिनच्या म्हणण्यानुसार तिने असे 15 ते 20 प्रकल्प केले आहेत.


लंडनमधून अपलोड केले चित्रपट


हे चित्रपट कोठे आणि कोण अपलोड करायचे याविषयी आता पोलिसांना नवीन माहिती मिळाली आहे. पोलिसांनी दिलेल्या माहितीनुसार, चित्रपट देशातून नव्हे तर परदेशातून अपलोड केले गेले होते आणि राज कुंद्र याच्या जवळच्या मित्राने अपलोड केले होते. पोलिसांच्या आतापर्यंतच्या तपासणीनुसार लंडनमधून सॉफ्ट अश्लीलतेशी संबंधित चित्रपट अपलोड करण्यात आले होते आणि हे काम उमेश कामथ नावाच्या व्यक्तीने केले होते.


सॉफ्ट अश्लीलता उघड कशी झाली?


पोलिसांनी दिलेल्या माहितीनुसार, उमेश कामथ यांने अॅप अॅप्लिकेशन बेस वेबसाइटवर नवीन अभिनेते आणि अभिनेत्रींवर चित्रित केलेले व्हिडिओ देखील अपलोड केले होते. पोलिसांनी असेही म्हटले आहे की, आतापर्यंत 90 पेक्षा जास्त अश्लील व्हिडिओ शूट केले गेले आहेत आणि ते अपलोड केले गेले आहेत. सॉफ्ट पोर्नोग्राफीचा हा संपूर्ण खेळ सर्वप्रथम चर्चेत आला जेव्हा मुंबई पोलिसांच्या गुन्हे शाखेने अभिनेत्री गेहाना वसिष्ठ  (Gehana Vasisth) हिला अटक केली. गेहना वशिष्ठ हिच्या अटकेनंतर या प्रकरणातील थर हळूहळू उलगडण्यास सुरुवात झाली होती.


राज कुंद्रा याचा ताबा घेण्याची मागणी गुन्हे शाखेकडे करु शकते.या प्रकरणात मुंबई गुन्हे शाखा (Mumbai Crime Branch) राज कुंद्रा याला न्यायालयात हजर करू शकते आणि कोठडीत घेण्याची मागणी केली जाऊ शकते. जेणेकरून या प्रकरणात अधिक माहिती मिळू शकेल. या मुख्य प्रकरणातील मुख्य षड्यंत्रकर्ता म्हणून राज कुंद्र याला अटक करणे ही या संपूर्ण प्रकरणातील शेवटची लिंक आहे की आणखी यात कोण आहे, याची माहिती उघड होण्याची शक्यता आहे.


पोर्न फिल्मचे शूटिंग मालाड वेस्टमध्ये व्हायचे


पोर्नोग्राफिक चित्रांचे शूटिंग सुरू असलेल्या या अश्लील चित्रपटाचे रॅकेट चालविण्यासाठी मुंबईतील मालाड पश्चिम येथे मढगांव येथे एक बंगला  भाड्याने घेण्यात आल्याचेही पोलीस तपासात समोर आले आहे. पोलिसांनी येथे छापा टाकला त्यावेळीही अश्लील चित्रपटांचे शूटिंग सुरू होते. हे अश्लील चित्रपट आणि व्हिडिओ एका नव्हे तर बर्‍याच साइटवर अपलोड केले गेले आणि पैसे कमावले.