Salman meets Jain monk: बॉलिवूडचा (Bollywood) भाईजान अर्थात अभिनेता सलामान खानचे (Salman Khan) लाखो चाहते आहेत. देशातच नाही तर जगभरात त्याचे चाहते असून सलमान खानला प्रत्यक्ष भेटण्याचं प्रत्येकाचं स्वप्न असतं. त्याची एक झलक पाहण्यासाठी दररोज हजारो लोक त्याच्या घराबाहेर उभी असतात. पण ज्याला भेटण्यासाठी प्रतिक्षा करावी लागते त्या सलमानने नुकतीच एका व्यक्तीची भेट घेतली. या भेटीचा फोटो सोशल मीडियावर चांगलाच व्हायरल झाला आहे. सलमान खानने एका जैन मुनींची भेट घेतली. यामागचं कारणही समोर आलं आहे. 


COMMERCIAL BREAK
SCROLL TO CONTINUE READING

सलमान खानने घेतली जैन मुनींची भेट
सलमान खान याने नुकतीच जैन मुनी आचार्य विजय हंसरत्नसुर (Acharya Vijay Hansratnasur) यांची भेट घेतली. या भेटीचा फोटो व्हायरल होत असून या फोटोत सलमान काळ्या रंगाच्या टी-शर्टमध्ये दिसत आहे. 


भेटी मागचं कारण काय?
आचार्य विजय हंसरत्नसूर यांनी 180 दिवसांचा उपवास धरला होता. रविवारी हा उपवास संपला. आचार्य विजय हंसरत्नसूर यांनी याआधीही पाच वेळा 180 दिवसांचं व्रत केलं होतं. त्यामुळे प्रभावित होऊन सलमानने आचार्य विजय हंसरत्नासूर यांची भेट घेतली. या भेटीत सलमानने जैन धर्मियांची संस्कृती आणि त्यांच्या चालीरीतिंबद्दल माहिती घेतली. याआधीही अनेक मोठ्या व्यक्तींनी आशीर्वाद घेण्यासाठी भेटल्याचं आचार्य विजय हंसरत्नसूर यांनी सांगितलं.



लवकरच बिग बॉसचं सूत्रसंचालन
सलमान खान लवकरच बिग बॉसच्या (Bigg Boss 16) 16व्या सीझनचं सूत्रसंचालन करताना दिसणार आहे. तसंच, सलमानने टायगर 3 चित्रपटाचं शूटिंग पूर्ण केलं आहे. सध्या त्याच्या 'किसी का भाई किसी की जान' या चित्रपटात चित्रीकरण सुरु आहे. ज्यामध्ये त्याच्यासोबत पूजा हेगडे (Pooja Hegade) आणि शहनाज गिल (Shehnaaz Gill) देखील दिसणार आहेत.