मुंबई : सध्या बॉक्स ऑफिसवर दोन मोठ्या चित्रपटांनी धुमाकूळ घातला आहे. विवेक अग्निहोत्री यांचा 'द काश्मीर फाइल्स' (The Kashmir Files)  आणि एसएस राजामौली यांचा आरआरआर (RRR) या चित्रपटांनी मोठी कमाई केली आहे. हे चित्रपट Box Office वर तुफान चालले आहेत. हे दोन्ही चित्रपट या वर्षातील सर्वात मोठे चित्रपट ठरले आहेत. 


COMMERCIAL BREAK
SCROLL TO CONTINUE READING

TKF आणि RRR बद्दल सोशल मीडियावर जोरदार चर्चा आहे, त्यासोबतच असे मानले जाते की या दोन चित्रपटांनी कोरोना काळात प्रेक्षकांना थिएटरमध्ये खेचले आहे. त्यामुळेच या चित्रपटांची बॉक्स ऑफिसवरची टक्कर खूपच रंजक आहे. तिकीट खिडकीवर TKF आणि RRR ने आतापर्यंत किती कमाई केली आहे ते जाणून घ्या.


RRR नी केली कमाल


RRR हा साऊथच्या टॉलिवूडमधील सिनेमा आहे पण तो हिंदी प्रेक्षकांनाही चांगलाच भावला आहे. RRR ने जगभरात तहलका माजवला आहे. आणि आतापर्यंत 1000 कोटींहून अधिक कमाई केली आहे. ट्रेड विश्लेषक तरण आदर्श यांच्या अहवालानुसार, राम चरण आणि जूनियर एनटीआर यांच्या 'आरआरआर' चित्रपटाने 2 आठवड्यात 200 कोटींची कमाई केली असून, हिंदी प्रेक्षकांमध्ये एक नवीन रेकॉर्ड बनवला आहे. हिंदी भाषेतील या चित्रपटाचे आतापर्यंत 203.50 कोटींचे कलेक्शन झाले आहे.



काश्मीर फाइल्स


त्याचवेळी 'द कश्मीर फाइल्स'बद्दल बोलायचे तर, 17 कोटींच्या बजेटमध्ये बनलेल्या या चित्रपटाने 1000 टक्के नफा कमावला आहे. हा चित्रपट आता 250 कोटींचा आकडा गाठण्याच्या अगदी जवळ आहे. TKF रिलीजच्या चौथ्या आठवड्यात सर्वकालीन ब्लॉकबस्टर चित्रपट बनला आहे. ट्रेड अॅनालिस्ट तरण आदर्श यांच्या मते, चित्रपटाचे आतापर्यंत एकूण कलेक्शन 248.23 कोटींहून अधिक झाले आहे.