लोकप्रिय कोरिओग्राफरचा रोमँटिक अंदाज, पत्नीसोबतचा `तो` व्हिडीओ शेअर
पुनीत आणि निधीचा अतिशय खासगी व्हिडीओ व्हायरल
मुंबई : पुनीत पाठक हा बॉलिवूडचा प्रसिद्ध कोरिओग्राफर मानला जातो. त्यांच्या नृत्यकौशल्यासमोर सगळेच स्तब्ध होतात. पण बऱ्याच दिवसांपासून तो त्याच्या वैयक्तिक आयुष्यामुळेही चर्चेत राहिला आहे. नुकताच त्यांचा एक खाजगी व्हिडिओ चांगलाच व्हायरल झाला होता. ज्याने सोशल मीडियावर खळबळ उडवून दिली होती. आता त्याचा आणखी एक व्हिडिओ सध्या सोशल मीडियावर आहे.
प्रसिद्ध कोरिओग्राफर पुनीत पाठक त्याच्या सोशल मीडिया हँडलवर पत्नी निधी मुनी सिंगसोबतचे फोटो आणि व्हिडिओ पोस्ट करत असतात. अलीकडेच, त्याने आणखी एक व्हिडिओ शेअर केला आहे, ज्यामध्ये पुनीत आणि निधी त्यांच्या बेडरूममध्ये दिसत आहेत. व्हिडिओ शेअर करताना कोरिओग्राफरने कॅप्शनमध्ये लिहिले की, 'ती खरंच झोपली आहे की जागी आहे'.
पुनीतने पत्नीला उठवलं
हा व्हिडिओ पुनीत पाठकने स्वतः बनवला आहे. तो व्हिडिओ बनवत असताना निधीने डोळे बंद केले. ती झोपली आहे असे दिसते. तेव्हा पुनीत तिला हाताने ढकलतो. यानंतर निधीने डोळे उघडले आणि पाहिले की पुनीत तिचा व्हिडिओ बनवत आहे. व्हिडिओच्या शेवटी, जोडपे एकमेकांना मिठी मारतात. चाहते या व्हिडिओवर चाहते कमेंट करत आहे.
गेल्यावर्षी झालं लग्न
पुनित पाठकने 2020 मध्ये निधी मुनी सिंहशी लग्न केले. पुनित-निधीच्या प्रेमकहाणीबद्दल बोलायचे झाले तर, दोघेही 'झलक दिखला जा'च्या सेटवर पहिल्यांदा भेटले होते. शो दरम्यानच, दोघेही मित्र झाले, नंतर प्रेमात पडले आणि 11 डिसेंबर 2020 रोजी दोघांनी एकत्र लग्न केले.
पुनीतचं करिअर
पुनीत पाठकच्या कारकिर्दीबद्दल बोलायचे झाले तर त्याला सुरुवातीला क्रिकेटर किंवा चित्रपट निर्माता बनायचे होते. महाविद्यालयीन काळात त्यांची आवड नृत्याकडे होती. 2009-10 मध्ये पुनीतने 'डान्स इंडिया डान्स 2' या डान्स रिऍलिटी शोमध्ये भाग घेतला आणि तो शोचा दुसरा उपविजेता ठरला.
त्यानंतर त्याने आपल्या करिअरमध्ये कधीच मागे वळून पाहिले नाही. त्याने अनेक डान्स रिऍलिटी शोमध्ये पाहुणे, कोरिओग्राफर आणि जज म्हणून भाग घेतला. 2019 मध्ये पुनित पाठकने 'खतरों के खिलाडी-9' मध्ये भाग घेतला आणि तो विजेता ठरला. त्याच वर्षी 'डान्स प्लस'च्या पाचव्या सीझनचा मेंटॉरही झाला.
पुनीतचे सिनेमे
पुनीत पाठकनेही अभिनयात नशीब आजमावले. 2013 मध्ये त्याने 'ABCD' चित्रपटाद्वारे बॉलिवूडमध्ये पदार्पण केले. 2015 मध्ये पुनीतने ABCD-2 मध्ये काम केले होते. यानंतर 2018 मध्ये तो 'नवाबजादे' चित्रपटात कॉमेडी करताना दिसला होता. 2010 मध्ये पुनीतने पुन्हा एकदा 'स्ट्रीट डान्सर' या नृत्यावर आधारित चित्रपटात महत्त्वाची भूमिका साकारली होती.