धक्कादायक : नवाब कुटूंबात जन्मलेल्या सारावर लहानपणी भिक मागयची वेळा का आली?

मुंबई : सारा अली खान, धनुष आणि अक्षय कुमार स्टारर अतरंगी रे सिनेमा लवकरचं प्रेक्षकांच्या भेटीला येणार आहे. याच सिनेमातील चकाचक  हे गाणंदेखील खूप चर्चेत आहे. श्रेया घोषालने आपल्या आवाजाच्या जादूने हे गाणं सजवलं आहे. तर दुसरीकडे सारा आणि धनुषची केमेस्ट्री फॅन्सला पसंतीस उतरत आहे. या सिनेमाच्या प्रमोशनमध्ये सारा अली खान सध्या व्यस्त आहे.

याच सिनेमाच्या प्रमोशन दरम्यान सारा अली खानने दिलेल्या एका मुलाखतीमध्ये एक मजेशीर किस्सा सांगितला आहे. जो ऐकून तुम्हाला आश्चर्य वाटेल, मुलाखतीमध्ये साराला तुझी अतरंगी थिंग काय असा प्रश्न विचारण्यात आला होता. यावंर सारा म्हणाली, ''एक अतरंगी थिंग आहे. जी मी लहानपणी केली होती. लहानपणी माझे आई-बाबा एका घड्याळाचा दुकानात गेले होते. आणि मी बाहेर डान्स करत होते. 

मला खूप मज्जा येत होती. माझा भाऊ खूप लहान होता. जवळपास १ वर्षाचा होता. मी डान्स करत होते. करत होते. आणि एका माणसाने मला पैसे दिले. त्याला वाटलं मी भिक मागणारी मुलगी आहे.  म्हणून मी डान्स करतेय. आणि मजेची गोष्ट म्हणजे ते पैसे मी माझ्याकडे ठेवले. डान्सतर केला होता. मग पैसे का परत करु म्हणून मी माझ्याकडे पैसे ठेवून घेतले.'' हा किस्सा ऐकल्यावर सगळेच हसू लागले.

सारा अली खान, धनुष आणि अक्षय कुमार यांचा आगामी चित्रपट अतरंगी रे बॉक्स ऑफिसवर टक्कर देणार नसून ओटीटीवर रिलीज होणार आहे. या चित्रपटाचे स्ट्रीमिंग डिस्ने प्लस हॉटस्टारवर 24 डिसेंबर 2021 रोजी होईल. या चित्रपटात सारा अली खान रिंकू सूर्यवंशीच्या भूमिकेत दिसणार आहे. दुसरीकडे, धनुष विष्णूच्या भूमिकेत दिसणार आहे. चित्रपटात अक्षय कुमार रिंग मास्टर आहे, ज्याचं नाव अनिल आहे.