अल्लू अर्जुनवर चाहते संतापले; भडकलेले युजर्स म्हणाले, एवढा एटिट्यूड योग्य नाही
साऊथ सुपरस्टार अल्लू अर्जुनचा एक व्हिडिओ सोशल मीडियावर मोठ्या प्रमाणात व्हायरल होत आहे.
मुंबई : साऊथ सुपरस्टार अल्लू अर्जुनचा एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये अभिनेता मुंबईतील कुटुंबासह हॉटेलमधून बाहेर पडताना दिसत आहे. अशा परिस्थितीत त्याला पाहून चाहते खूप खूश झाले. त्याचबरोबर काही चाहत्यांना त्याच्यासोबत एक फोटो क्लिक करायचा होता. यामध्ये पापाराझींनीही अभिनेत्याला कॅमेऱ्यात कैद करण्यास सुरुवात केली. मात्र अल्लू कोणाकडेही न पाहता कारमध्ये बसला.
अल्लूवर चाहते संतापले
हा व्हिडीओ व्हायरल होताच एकीकडे लोकं अल्लूला पाहून आनंद व्यक्त करत आहेत, तर काही लोकं त्याची ही वागणूक पाहून नाराजी व्यक्त करत आहेत. चाहत्यांचं म्हणणं आहे की, अल्लूने अशी प्रतिक्रिया दिली आहे जे की बॉलीवूड स्टार देखील करत नाहीत. व्हिडिओच्या कमेंट सेक्शनमध्ये एका रागावलेल्या चाहत्याने लिहिलं की, 'अल्लू सर एवढा अ‍ॅटिट्यूड का आहे?' तर दुसऱ्याने टोमणे मारत लिहिलं, 'दक्षिणात्य स्टार्स अतिशय नम्र आहेत!'
अल्लूचं वाढतं वजनही एक विनोदच आहे
अल्लू अर्जुनला त्याच्या वाढत्या वजनामुळे खूप ट्रोल केलं जात आहे. रिपोर्ट्सनुसार, अभिनेत्याने 'पुष्पा 2'साठीच वजन वाढवलं होतं. अलीकडील फोटोमध्ये अल्लू आधीच खूप निरोगी दिसत आहे. यामुळे यूजर्सनी त्याला टार्गेट करायला सुरुवात केली आहे.