ऋषी कपूरच्या फॅन्ससाठी खुशखबर, `या` आजारावर केली मात

नवी दिल्ली : ज्येष्ठ अभिनेते ऋषी कपूर गेल्या अनेक महिन्यांपासून न्यूयॉर्कमध्ये उपचार घेत आहेत. परंतु, ऋषी कपूर यांना नेमकं काय झालंय? हा प्रश्न त्यांच्या फॅन्सना सतावत होता. ऋषी कपूर किंवा त्यांच्या कुटुंबीयांनीही कधी याबद्दल खुलासा केला नव्हता. आता मात्र ऋषी कपूर यांच्या फॅन्सला त्यांच्याच एका मित्रानं खुशखबर दिलीय. 

ऋषी कपूर हे गेल्या अनेक दिवसांपासून कर्करोगाशी झगडत होते. आता मात्र त्यांनी या जीवघेण्या आजारावर मात केलीय. ऋषी कपूर यांचा मित्र आणि सिनेनिर्माता राहुल रवैल यांनी आपल्या फेसबुक अकाऊंटवरून ही बातमी दिलीय.