विराट अनुष्कासोबत विवाहबंधनात... दीपकच्या काळजाचा ठोका चुकला!

मुंबई : 'विरुष्का'च्या विवाहाच्या बातमीनं फॅन्सना एक सुखद धक्का दिला... पण, यामुळे अनेक हृदयं तुटलीत... अशाच एका विराटच्या फॅनचा व्हिडिओ सध्या सोशल मीडियावर वायरल होतोय. 

अनुष्का शर्मा आणि विराट कोहली यांनी इटलीमध्ये गुपचूपपणे पण मोठ्या धामधुमीत आपला विवाहसोहळा उरकून घेतला. दोघांनीही आपल्या विवाहाचे फोटो सोशल मीडियावरून शेअर केले... आणि या दोघांसाठी वेडे असलेल्या अनेकांच्या हृदयाचा ठोका चुकाला.

दीपक कलाल नावाचा एक व्यक्तीही यातलाच... एका मजेशीर व्हिडिओत दीपकनं विराट विषयीच्या आपल्या भावना व्यक्त केल्यात. यात त्यानं विराटनं आपल्याला फसवल्याचंही म्हटलंय. 

हा व्हिडिओ सोशल मीडियावर हास्याचे कारंजे फुलवतोय. अनुष्का आणि विराटनं आपल्या विवाहाच्या बातमीनंतर अशा काही प्रतिक्रिया येतील, याचा कधी स्वप्नातही विचार केला नसेल.