TMKOC च्या चाहत्यांसाठी खुशखबर, ही अभिनेत्री साकारणार दयाबेनची भूमिका
`तारक मेहता का उल्टा चष्मा`चे चाहते बऱ्याच दिवसांपासून शोमध्ये `दयाबेन` ला मिस करत आहेत.
मुंबई : 'तारक मेहता का उल्टा चष्मा'चे चाहते बऱ्याच दिवसांपासून शोमध्ये 'दयाबेन' ला मिस करत आहेत. यापूर्वी 'दयाबेन' ही व्यक्तिरेखा अभिनेत्री दिशा वाकानीने साकारली होती. मात्र, तिला हा शो सोडून जवळपास चार वर्षे झाली आहेत. दयाबेनची भूमिका साकारून दिशाने घराघरात आपली ओळख निर्माण केली होती.
मात्र इतक्या वर्षांनंतर आता दिशाला शोमध्ये परतायचं नसल्याचं दिसतं आहे. बरं, शोच्या निर्मात्यांनी पुढे जाण्याचा निर्णय घेतला आहे. नवीन 'दयाबेन'साठी काही काळ ऑडिशन्स घेतल्या जात आहेत. मीडिया रिपोर्ट्सनुसार, आता 'तारक मेहता का उल्टा चष्मा'च्या निर्मात्यांना नवीन 'दयाबेन' मिळाली आहे. या भूमिकेसाठी अभिनेत्री ऐश्वर्या सखुजा हिची निवड करण्यात आल्याचं वृत्त आहे.
ऐश्वर्या सखुजा बनणार दयाबेन
एका स्रोताने एका मुलाखतीत सांगितलं आहे की, ऐश्वर्या सखुजा ही त्या अभिनेत्रींपैकी एक होती ज्यांना दयाबेनच्या पात्रासाठी निवडण्यात आलं होतं. लूक टेस्टमध्येही तिने चांगली कामगिरी केली होती. सूत्राने सांगितलं की, शोचे निर्माते अशा अभिनेत्रीच्या शोधात होते जी दया ही व्यक्तिरेखा सहज स्वीकारू शकेल. 'तारक मेहता का उल्टा चष्मा' हा एक कल्ट शो आहे आणि चाहते अजूनही 'दयाबेन' ला मिस करतात. यासाठी ऐश्वर्या योग्य ठरू शकते. असं त्यांना वाटतं.
'तारक मेहता'ची भूमिका साकारणाऱ्या शैलेश लोढाने अलीकडेच 'तारक मेहता का उल्टा चष्मा' शो सोडला आहे. सुरुवातीपासूनच तो या शोचा एक भाग होता. मीडिया रिपोर्ट्सनुसार, शैलेश पुन्हा एकदा शोमध्ये परत येऊ शकतो. मात्र, अद्याप याविषयी निर्मात्यांकडून कोणतीही माहिती मिळालेली नाही. शैलेश व्यतिरिक्त राज अनकट देखील शोला अलविदा म्हणू शकतात. या मालिकेत तो 'टिपेंद्र जेठाला गडा' उर्फ 'टप्पू'ची भूमिका साकारत आहे.