जान्हवी कपूरचं Extra Ordinary Talent, काढते `या` प्राण्याचा आवाज
जान्हवी कपूरच्या नव्या Talent ची सर्वत्र चर्चा... Video Viral
मुंबई : अभिनेत्री जान्हवी कपूरने फार कमी कालावधीत बॉलिवूडमध्ये आपलं वर्चस्व प्रस्थापित केलं. स्टार किड्सपैकी ती एक प्रसिद्ध अभिनेत्री आहे. चाहत्यांच्या मनात राज्य करणारी जान्हवी सोशल मीडियावर देखील राज्य करते. सोशल मीडियावर तिच्या चाहत्यांची संख्या फार मोठी आहे. जान्हवी सतत स्वतःचे फोटो सोशल मीडियावर फोटो पोस्ट करत असते. पण आता जान्हवीचा एक खास व्हिडीओ अभिनेता वरुण धवनने पोस्ट केला आहे. सध्या सर्वत्र तिच्या व्हिडीओची चर्चा आहे.
व्हिडीओमध्ये जान्हवी फार मजेशीर मूडमध्ये दिसत आहे. व्हिडीओमध्ये जान्हवी गाढवाचा आवाज काढताना दिसत आहे. व्हिडिओ वरुण धवनने त्याच्या इंस्टाग्राम स्टोरीवर शेअर केला आहे. काही चाहत्यांना जान्हवीची ही स्टाईल क्यूट वाटत आहे, तर काही जण तिला ट्रोलही करत आहेत.
व्हिडीओ शेअर करताना एका ट्विटर युजरने लिहिले की, "वरूण धवन ज्या प्रकारे आम्हाला नेहमीच कंटेंट देतो. देव त्याला आशीर्वाद देवो." सध्या सर्वत्र जान्हवीच्या नव्या Talent ची चर्चा आहे.
जान्हवीच्या आगामी सिनेमाबद्दल सांगायचं झालं तर, नितेश तिवारी आणि साजिद नाडियादवाला दिग्दर्शित सिनेमात वरुण आणि जान्हवी पहिल्यांदाच एकत्र दिसणार आहेत.
सिनेमाची रिलीज डेट आधीच जाहीर करण्यात आली आहे. 'बावल' सिनेमा 2023 मध्ये 7 एप्रिल रोजी मोठ्या पडद्यावर प्रदर्शित होणार आहे. चाहते देखील वरुण आणि जान्हवी यांच्या नव्या सिनेमाच्या प्रतीक्षेत आहेत.