मुंबई : अभिनेत्री कतरिना कैफ आणि अभिनेता विकी कौशल सोशल मीडियावर लग्नाचे फोटो शेअर करत आहेत. लग्न आणि हळदीनंतर, या जोडप्याने आता त्यांच्या ऑफिशिल इंस्टाग्राम हँडलवर मेहंदी सोहळ्याचे जबरदस्त फोटो शेअर केले आहेत. विकी आणि कतरिना नंतर आता कतरिनाचे बहीण-भाऊही मेहंदीचे फोटो शेअर करून भावना व्यक्त करत आहेत. सध्या सर्वत्र फक्त आणि फक्त विकी-कतरिनाच्या लग्नाच्या फोटोंची चर्चा आहे. 


COMMERCIAL BREAK
SCROLL TO CONTINUE READING

बहिणीच्या लग्नानंतर भावना व्यक्त करण्यासाठी कतरिनाचा भाऊ देखील मागे राहिला नाही. कतरिनाची भावंडं लाइमलाइटपासून दूर असतात. पण बहिणीच्या लग्नादरम्यान त्यांची देखील चर्चा होत आहे.  कतरिनाचा भाऊ Sebastien Laurent Michel ने त्याच्या इन्स्टा हँडलवर बहिणीच्या मेंहदी समारंभाचा फोटो शेअर केला. 



पण त्याच्या पोस्टमध्ये लक्ष वेधत आहे, म्हणजे एक बॉलिवूड अभिनेत्री. कतरिनाचा भाऊ जणू काही तिच्यावर भाळला आहे. फोटोमध्ये कतरिना कैफ तिची बहीण इसाबेल आणि अभिनेत्री शर्वरी वाघसोबत दिसत आहे. हा फोटो आणि कतरिनाच्या भावाने लिहिलेलं कॅप्शन सध्या तुफान व्हायरल होत आहे.


फोटो शेअर करत कतरिनाच्या भावाने कॅप्शनमध्ये - 'माझं खरोखरच सुंदर कुटुंब आहे, जे बाहेरून आतून अधिक सुंदर आहे. मी गेल्या जन्मात काहीही पुण्य केले असेल, या जन्मात मी धन्य आहे. असं लिहित... शर्वरी खूप सुंदर आणि मस्त असल्याचं म्हटलं आहे. 


कोण आहे अभिनेत्री शर्वरी वाघ?
ज्येष्ठ शिवसेना नेते आणि महाराष्ट्राचे माजी मुख्यमंत्री मनोहर जोशी हे शर्वरीचे आजोबा. मनोहर जोशी यांची मुलगी नम्रता वाघ, यांचीच शर्वरी ही कन्या. तिच्या वडिलांचं नाव, शैलेश वाघ आहे. 


शर्वरी येत्या काळात 'बंटी और बब्ली २' या चित्रपटातून झळकणार आहे. ज्यामध्ये ती अभिनेता सिद्धार्थ चतुर्वेदी याच्यासोबत झळकणार आहे. यशराज फिल्मस या निर्मिती संस्थेअंतर्गत हा चित्रपट साकारला जाणार आहे.