मुंबई : चित्रपट आणि वेब सिरीजमध्ये आपली क्षमता सिद्ध करणारा नवाजुद्दीन सिद्दीकीचा व्हिडिओ सोशल मीडियावर सर्वांचं लक्ष वेधून घेत आहे. या व्हिडिओमध्ये नवाजुद्दीनच्या बॉडीगार्डने चाहत्यांसोबत अशी वागणूक केली आहे की, अभिनेत्याला ते अजिबात सहन झालं नाही. त्यानंतर जे काही घडलं त्याचा व्हिडिओ सोशल मीडियावर मोठ्या प्रमाणात व्हायरल होत आहे.
 
नवाजुद्दीन बाहेर पडल्यानंतर  फँन्स करु लागले असं काम
फोटोग्राफर विरल भयानीने सोशल मीडियावर एक व्हिडिओ शेअर केला आहे. या व्हिडिओमध्ये नवाजुद्दीन सिद्दीकी एका इमारतीतून बाहेर पडताना दिसत आहे. कलाकार बाहेर येताच चाहते त्याला पाहून सेल्फी घेण्याचा प्रयत्न करतात. मग अभिनेत्याचा बॉडीगार्ड असं काही करतो जे नवाजुद्दीनला अजिबात आवडत नाही.


 

 

 

 



 

 

 

 

 

 

 

 

 

 

 

 


बॉडीगार्डची चाहत्यांसोबत अशी वागणूक
चाहत्यांना नवाजुद्दीन सिद्दीकीच्या अगदी जवळ येताना पाहून लगेचच अभिनेत्याचा बॉडीगार्ड समोर येतो. यानंतर, तो त्याच्या फँन्सला बाजूला करु लागतो. एवढंच नाही तर तो धक्काबुक्की देखील करतो. नवाजुद्दीनला त्याच्या चाहत्यांशी अशी वागणूक बिलकूल आवडत नाही. अभिनेता लगेच बॉडीगार्डचा हात बाजूला झटकतो आणि म्हणतो की, चाहत्यांना थांबवू नका. नवाजुद्दीन हा व्हिडिओ सध्या सोशल मीडियावर धुमाकूळ घालत आहे.