मुंबई : 'KGF Chapter 2' (K.G.F: Chapter 2) या चित्रपटाने वर्षात सर्वाधिक कमाई केली आहे. या सिनेमाच्या दुसऱ्या भागाची लोकांमध्ये प्रचंड उत्सूकता होती. तीच उत्सूकता आता तिसऱ्या भागाबाबत ही दिसून येत आहे. या सिनेमामुळे 'KGF' स्टार यशची क्रेझ वाढली आहे. साऊथचा हिरो असून देखील त्याचे आता देशभरात चाहते आहेत. पण  यश मात्र बॉलिवूड अभिनेत्याचा चाहता आहे.


COMMERCIAL BREAK
SCROLL TO CONTINUE READING

यशला अभिनेता नवाजुद्दीन सिद्दीकीसोबत काम करण्याची इच्छा आहे. यशने अभिनेता नवाजुद्दीन सिद्दीकीचे कौतुक केले असून त्याच्यासोबत काम करायला आवडेल असे म्हटले आहे. नुकत्याच झालेल्या एका मुलाखतीत यशला विचारण्यात आले की त्याला कोणत्या बॉलिवूड अभिनेत्यासोबत काम करायला आवडेल. त्यावेळेस त्याने नवाजुद्दीन सिद्दीकी नाव घेतलं. त्याने म्हटलं की, मला वाटते की तो एक अप्रतिम अभिनेता आहे.


नवाजुद्दीनच्या कारकिर्दीबद्दल बोलायचे झाले तर त्याच्या नावावर अनेक सुपरहिट चित्रपट आहेत. तो 'गँग्स ऑफ वासेपूर' फ्रँचायझी, 'रमन राघव 2.0', 'मॉम', 'मंटो', 'सिरीयस मेन' यांसारख्या चित्रपटांमध्ये काम करण्यासाठी ओळखला जातो. त्याने 'मॅकमाफिया' आणि 'सेक्रेड गेम्स' सारख्या वेब-सिरीजही केल्या आहेत. नवाजकडे 'टिकू वेड्स शेरू', 'नूरानी चेहरा' आणि 'अदभूत' या चित्रपटांची एक मनोरंजक लाइनअप आहे.


यशबद्दल बोलायचे झाले तर त्याचे खरे नाव नवीन कुमार गौडा आहे. 'गुगली', कॉमेडी-ड्रामा 'राजा हुली', फॅन्टसी अॅक्शन 'गजकेसरी', रोमँटिक कॉमेडी 'मिस्टर अँड मिसेस रामाचारी' आणि अॅक्शन फिल्म 'मास्टरपीस' या चित्रपटांमध्ये त्याने कन्नड चित्रपटसृष्टीतील प्रमुख अभिनेता म्हणून काम केले आहे. अॅक्शन-रोमान्स 'संथू स्ट्रेट फॉरवर्ड'.' यासह इतर अनेक चित्रपटांमध्ये स्वत:ला सिद्ध केले आहे.


'KGF: Chapter 2' या वर्षाच्या सुरुवातीला प्रदर्शित झाला तेव्हा त्याची क्रेज दिसून आली. या चित्रपटाने देशांतर्गत बाजारात 900 कोटींहून अधिक कमाई केली. आंतरराष्ट्रीय स्तरावर अंदाजे $27 दशलक्ष कमवले.