एक रात्र सेलिब्रेशनसाठी आलिया-रणबीरने मोजली इतकी मोठी रक्कम

मुंबई : रणबीर कपूरने नुकताच जोधपूरमध्ये आलिया भट्टसोबत वाढदिवस साजरा केला. या विशेष प्रसंगी, हे दोघे जोधपूरच्या सुजान जावई कॅम्पमध्ये गेले जेथे त्यांनी काही खासगी क्षण निसर्गाच्या जवळ राहून घालवले. सरोवराच्या सूर्यास्ताचा आनंद घेत आलियाने स्वत: आणि रणवीरचे फोटो शेअर करून अभिनेत्याला वाढदिवसाच्या शुभेच्छा दिल्या.

रणबीर आणि आलिया 26 सप्टेंबरला जोधपूरला पोहोचले. रणबीरने त्याच्या वाढदिवसासाठी खास ठिकाण निवडले होते. या जोडप्याने एक रिट्रीट बुक केले आहे ज्याचा खर्च दिवसाला 1 लाख रुपयांपेक्षा जास्त आहे.

या जोडप्याने निसर्गाच्या जवळ असे स्थान निवडले जेथे वन्यजीव जवळून पाहिले जाऊ शकतात. या ट्रीपमुळे स्थानिक परंपरा जवळून पाहण्याची संधी मिळते. या रिट्रीट ऑफर अंतर्गत तंबू आणि सुइट्स आहेत, ज्याची किंमत प्रति रात्र 70 हजार रुपयांपासून ते 1.65 लाख रुपये आहे.

रणबीर आणि आलियाचे काही इन्साईड फोटोही कॅम्पिंगमधून समोर आले आहेत. दोघेही लेकसाईड मॅटवर सूर्यास्ताचा आनंद घेताना दिसले. रणबीर आणि आलियाच्या आनंदाच्या क्षणाचा अंदाज त्यांच्या अस्पष्ट फोटोंवरूनही लावला जाऊ शकतो.

रणबीर आणि आलियाने कॅम्पमधील लोकांसोबत फोटो क्लिक केले आहेत, जे सोशल मीडियावर व्हायरल होत आहे. यामध्ये आलिया पांढरा शर्ट आणि निळा डेनिम परिधान करताना दिसली, तर रणबीर कॅम्पिंगसाठी योग्य कपड्यांमध्ये दिसला.