शाही थाट असलेल्या अनुष्काची संपत्ती किती आहे, जाणून घ्या...

मुंबई : 'बाहुबली' या सिनेमात देवसेनेच्या रुपातील अनुष्कानं अनेकांना भूरळ पाडली... पण, तिची संपत्ती किती आहे हे ऐकल्यानंतर तुमचेही डोळे पांढरे फटक पडतील.

सध्या, वजन जास्त असल्याच्या कारणानं 'साहो'मध्ये अनुष्कानं पुन्हा एकदा 'बाहुबली'फेम अभिनेता प्रभाससोबत काम करण्याची संधी गमावल्याची चर्चा आहे. परंतु, एक सिनेमा गेल्यानं अनुष्काला फारसा पडणार नाही... कारण, अभिनेत्री अनुष्का शेट्टी तब्बल १४० करोडोंच्या संपत्तीची मालकीण आहे.  

'नेटवर्थियर'च्या एका रिपोर्टमध्ये हा दावा करण्यात आलाय. हैदराबादच्या जुबली हिल्स या पॉश भागातील वुडस अपार्टमेंटच्या सहाव्या मजल्यावर अनुष्काचं आलीशान - शानदार घर आहे. शिवाय, ती अनेक लग्जरी ब्रँन्डेड कार्सची मालकीण आहे. तिच्याकडे बीएमडब्ल्यू ६, ऑडी ए६, ऑडी क्यू५ आणि टोयोटा कोरोलासारख्या लग्जरी कार्सचा ताफाच आहे. 

एका सिनेमात काम करण्यासाठी अनुष्का ४ ते ५ करोड रुपये मानधन घेते. तसंच एमबीएस ज्वेलर्स, द चेन्नई सिल्क, इंटेक्स मोबाईल, कोलगेट अॅक्टिव्ह सॉल्ट, डाबर आवला यांसारख्या प्रोडक्टच्या जाहिरातीतही ती दिसते. 

३४ वर्षीय अनुष्कानं आपल्या ड्रायव्हरला १२ लाखांची गाडी गिफ्ट केल्याची कथाही सिनेवर्तुळात ऐकायला मिळते.