मुंबई : काळवीट शिकार प्रकरणी सलामान खानसह अन्य सात कलाकारांवर आज शिक्षा सुनावण्यात येणार आहे. याप्रकरणी सलमान खान प्रमुख आरोपी आहे तर सलमान खान सह तब्बू, नीलम, सैफ अली खान आणि सोनाली बेंद्रे यांच्याबाबतही शिक्षा सुनावण्यात येणार आहे. 


COMMERCIAL BREAK
SCROLL TO CONTINUE READING

सलमान खानच्या चाहत्यांसोबतच बॉलिवूडलाही आज सलमान खानला काय शिक्षा होणार ? याकडे लक्ष लागून राहिले आहे. 


सलमान खानमागे चाहते उभे  


सलमान खानची क्रेझ आबालवृद्धांमध्ये आहे. त्यामुळे आज सलमान खानला शिक्षा होण्यापूर्वीच ट्विटरवर #WeSupportSalmanKhan  हा हॅशटॅग ट्रेन्ड होत आहे.  तर काही जणांनी या प्रकरणावर गंमतीशीर प्रकारात आपल्या भावना व्यक्त केल्या आहेत.  अनेकांनी सलमान खान या प्रकरणातून सुटावा याकरिता प्रार्थानाही केल्या आहेत.  


 





 किती वर्षांची शिक्षा होण्याचा अंदाज ?


ऑक्टोबर १९९८ रोजी मध्यरात्री दोन काळवीटांची  शिकार केली, असा सलमानवर आरोप ठेवण्यात आलाय. सलमानवरील हा सिद्ध झाल्यास त्याला सहा वर्षांच्या कैदेची शिक्षा होऊ शकते.  सलमानवर वन्यजीव संरक्षण कायद्याच्या कलम ५१ खाली आरोप असून त्यासाठी कमाल ६ वर्षे कैदेच्या शिक्षेची तरतूद आहे.     


सलमान, सोनाली, तब्बू जोधपूरला


कनिष्ठ न्यायालयात अंतिम युक्तिवाद २८ मार्चला संपल्यानंतर मुख्य न्यायदंडाधिकारी देव कुमार खत्री यांनी निकाल ५ एप्रिलपर्यंत राखून ठेवला होता. सलमान मुंबईहून चार्टर्ड विमानातून येथे आला. त्यापूर्वी तो 'रेस ३'च्या चित्रीकरणासाठी अबू धाबी येथे होता. सोनाली, सैफ, तब्बू व नीलम हेही मुंबईहून जोधपूरला पोहोचले आहेत.