मुंबई : बॉलीवूड स्टार संजय दत्त यांनी आपल्या करिअरमध्ये बॉलिवूड इंडस्ट्रीला खूप चांगले चित्रपट दिले असले तरी आता त्यांचा कल साऊथ इंडस्ट्रीकडे जास्त आहे. यश स्टारर साऊथचा चित्रपट 'KGF Chapter 2' मध्ये ते अधीराची भूमिका साकारताना दिसले होते. त्यांच्या चित्रपटातील ही भूमिका खूप महत्त्वाची होती जी लोकांना खूप आवडली. यानंतर आता ते साऊथ इंडस्ट्रीत अधिक काम करण्याबाबत उघडपणे बोलले आहेत.


COMMERCIAL BREAK
SCROLL TO CONTINUE READING

संजय दत्त यांना साऊथ इंडस्ट्रीत काम करायचं आहे
नुकतंच संजय दत्त यांच्या ध्रुव सर्जा स्टारर 'केडी द डेव्हिल' या सिनेमाचा टायटल टीझर रिलीज झाला आहे. प्रेम दिग्दर्शित चित्रपटाच्या टीमने गुरुवारी बेंगळुरूमध्ये चित्रपटाचा हिंदी टीझर लाँच केला. केडीमध्ये संजय दत्त यांनी त्यात महत्त्वाची भूमिकाही साकारली आहे. हिंदी टायटल टीझर लाँचच्या या कार्यक्रमात संजय दत्त यांनी साऊथ इंडस्ट्रीतील चित्रपटांमध्ये आणखी काम करण्याची इच्छा व्यक्त केली आहे.


साऊथ इंडस्ट्रीत अधिक जोश आणि ऊर्जा आहे, संजय दत्त
या कार्यक्रमात संजय दत्त यांनी 'केडी द डेव्हिल' चित्रपटाविषयी बोलताना सांगितलं की, 'केडीचा एक अप्रतिम टीझर आहे'. मला एक गोष्ट माहित आहे की मी KGF केला आहे आणि एसएस राजामौली सर माझे जवळचे मित्र आहेत. दाक्षिणात्य चित्रपटांमध्ये मला खूप उत्कटता, प्रेम, ऊर्जा आणि वीरता दिसते. मला वाटतं की हे आपण मुंबईत शिकलं पाहिजे. बॉलीवूडने आपली मुळे विसरता कामा नये.'' अभिनेत्याने बॉलीवूडवर निशाणा साधला असून साऊथ इंडस्ट्रीकडून काहीतरी शिकण्यास सांगितलं आहे.



संजय दत्तने साऊथ इंडस्ट्रीमध्ये येण्यास सुरुवात केली आहे
साऊथ इंडस्ट्रीमध्ये काम करण्याबद्दल बोलताना संजय दत्त म्हणाले की, 'मी केजीएफमध्ये काम केलें आणि आता मी दिग्दर्शक प्रेमसोबत केडी द डेव्हिलमध्ये काम करत आहे. मी यासाठी खूप उत्साहित आहे आणि मी टीमला शुभेच्छा देतो. मला असेही वाटते की मी साऊथ इंडस्ट्रीतील चित्रपटांमध्ये अधिक काम करणार आहे. संजय दत्त भविष्यात आणखी साऊथ चित्रपटांमध्ये दिसणार आहे.