PHOTO : `शाका लाका बूम बूम` फेम संजू अडकला लग्नबंधनात, कोण आहे त्याची बायको?
Shaka Laka Boom Boom Sanju AKA Kinshuk Vaidya Wedding : `शाका लाका बूम बूम` या मालिकेतील संजूची भूमिका साकारणारा किंशुक वैद्य अडकला लग्न बंधनात.
Shaka Laka Boom Boom Sanju AKA Kinshuk Vaidya Wedding : 'शाका लाका बूम बूम' या लोकप्रिय मालिकेतील संजूच्या पेन्सिलनं सगळ्यांना वेड लावलं होतं. सगळ्यांनी त्यांच्या बालपणी ही पेन्सिल नक्कीच वापरली आहे. संजूची भूमिका साकारणारा किंशुक वैद्य देखील आता मोठा झाला आहे. तो आता इतका मोठा आहे की आता तो लग्न बंधनात अडकला आहे. त्यानं त्याची गर्लफ्रेंड दीक्षा नागपालसोबत सप्तपदी घेतल्या आहेत. त्या दोघांच्या लग्नातील आणि हळदीच्या कार्यक्रमातील फोटो सोशल मीडियावर प्रचंड व्हायरल झाले आहेत.
किंशुक वैद्य आणि दीक्षा नागपाल यांचं लग्न अलिबागला झाल्याचे म्हटले जाते. त्या दोघांनी लग्नाची घोषणा केली नसली तरी देखील त्यांच्या मित्र-मैत्रिणींनी संगीत, हळद आणि लग्नातील फोटो आणि व्हिडीओ सोशल मीडियावर शेअर करत त्यांना शुभेच्छा दिल्या आहे. तर दीक्षानं तिच्या इन्स्टाग्राम अकाऊंटच्या स्टोरीवरून हे फोटो शेअर केले आहेत.
किंशुक आणि दीक्षाचा साखरपुडा हा ऑगस्ट महिन्यात झाला. तर त्यांच्या लव्ह स्टोरीविषयी त्यानं खुलासा केला होता आणि सांगितलं होतं की 2015 मध्ये कामाच्या निमित्तानं त्याची आणि कोरियोग्राफर असलेल्या दीक्षाची ओळख झाली. त्यानंतर त्यांची चांगली मैत्री झाली आणि हळूहळू मैत्रीचं रुपांतर प्रेमात झालं.
कोण आहे दीक्षा?
दीक्षाविषयी सांगताना किंशुकनं सांगितलं होतं की 'ती शांत स्वभावाची आहे. तिच्यासोबत तो जेव्हा असतो तेव्हा त्याच्या आयुष्यात शांतता असते असं सांगितलं. तर कायम तिला आयुष्यात काय करायचं आहे याविषयी तिचे विचार क्लियर असतात. किंशुक वैद्यनं सांगितलं की 'महत्त्वाची गोष्ट ही आहे की तिला या गोष्टीविषयी माहित आहे की मला शांत वाटावं किंवा मी शांत व्हाव यासाठी तिनं काय म्हणालायला हवं.'
हेही वाचा : कार घेणाऱ्यांसाठी शेवटची संधी; नवीन वर्षात वाढणार 'या' कंपनीच्या गाड्यांची किंमत
दरम्यान, 90 च्या दशकातील मुलांच्या बालपनाचा किंशुक हा महत्त्वाचा भाग ठरला आहे. 'शाका लाका बूम बूम' मध्ये संजूच्या भूमिकेसाठी ओळखला जाणारा किंशुकची मॅजिक पेन्सिल आजही त्या सगळ्या मुलांच्या लक्षात आहे. किंशुकनं आजवर 'एक रिश्ता साझेदारी का', 'जात ना पूछो प्रेम की' आणि 'वो तो है अलबेला' सारख्या मालिकांमध्ये काम केलं आहे.