सिद्धार्थ शुक्लाचा वाढदिवस, शहनाज गिलची पोस्ट पाहून तुमचे डोळे पाणावतील, पाहा नक्की काय म्हंटलंय पोस्टमध्ये

मुंबई : अभिनेता सिद्धार्थ शुक्ला आता या जगात नाही.  पण लोकांच्या हृदयात मात्र तो कायम आहे. आजही सिद्धार्थची आठवण प्रत्येकाला येते. हे त्याच्या जाण्याचं वय नव्हतं…वेळ नव्हती…पण देवाला जे मंजूर आहे तेच घडतं. आता अश्रू ढाळणं किंवा सिद्धार्थची आठवण काढण्याशिवाय आपल्या हाती काहीच नाही.

12 डिसेंबर हा सिद्धार्थ शुक्ला आणि त्याच्याशी संबंधित लोकांसाठी खूप खास दिवस आहे. 12 डिसेंबरला सिद्धार्थ शुक्लाचा वाढदिवस असून या दिवशी त्याचे चाहते तिची आठवण काढत आहेत. सिद्धार्थ त्याच्या वाढदिवशी आपल्यासोबत नसण्याची ही पहिलीच वेळ आहे. दरम्यान, शहनाज गिललाही सिद्धार्थला खूप मिस करत आहे.

शहनाजने सिद्धार्थचा फोटो शेअर केला आहे
शहनाज गिलदेखील सिद्धार्थला वाढदिवसादिवशी खूप मिस करत आहे. तिने सोशल मीडियावर सिद्धार्थ शुक्लाचा फोटो शेअर केला आहे. ज्या फोटोला तिने काहीच कॅप्शन दिलेलं नाही. या फोटोत सिद्धार्थला देवदूतासारखा दाखवण्यात आला असून त्यात त्याचं गोड हास्य सगळ्यांचे डोळे ओलावत आहे.

खरं तर शहनाजच्या आयुष्यात सिद्धार्थ देवदूतासारखा आला होता. बिग बॉस 13 पासून सुरू झालेला दोघांचा प्रवास शेवटच्या क्षणापर्यंत सुरू होता. आता शहनाज गिलचं आयुष्य सिद्धार्थ शुक्लाच्या आठवणींमध्ये रंगत आहे.