शहनाज गिल रुमर्ड बॉयफ्रेंड राघव जुयालसोबत बद्रीनाथ धामच्या दर्शनाला, दोघांनी मिळून घेतला आशिर्वाद
Shehnaaz Gill Video Viral : शहनाज गिल सध्या ग्लॅमरच्या जगापासून दूर निसर्गाच्या सानिध्यात सुट्टीचा आनंद घेत आहे. सध्या ती उत्तराखंडमध्ये आहे. आता नुकतीच तिने बद्रीनाथ धामला भेट दिली. चर्चेत असलेल्या बॉयफ्रेंड राघव जुयालसोबत शहनाज गिल असल्याची चर्चा जोरदार रंगली. तिचा व्हिडिओ व्हायरल होत आहे, ज्यामध्ये ती राघवसोबत पाया पडताना दिसत आहे.
'बिग बॉस 13' फेम शहनाज गिल सध्या कामातून ब्रेकवर आहे. ती उत्तराखंडमध्ये असून निसर्गाचा खूप जवळून आनंद घेत आहे. नुकतीच शहनाजने बद्रीनाथला भेट दिली, ज्याचे फोटो सोशल मीडियावर शेअर करण्यात आले आहेत. आता तिचा एक व्हिडिओही व्हायरल होत आहे, ज्यामध्ये ती चर्चेत असलेला बॉयफ्रेंड राघव जुयालसोबत दिसत आहे. दोघांनीही बद्री
नाथ धामचे घेतले दर्शन
शहनाज गिल आणि राघव जुयाल यांची नावे बऱ्याच काळापासून एकमेकांशी जोडली गेली आहेत. पण डेटिंगच्या बातम्यांचे त्याने नेहमीच खंडन केले आहे. आता दोघे बद्रीनाथमध्ये एकत्र दिसले. जिथे दोघांनी एकत्र नतमस्तक होऊन आशीर्वाद घेतले.
शहनाज आणि राघवचा व्हिडीओ
शहनाजने शेअर केला फोटो
शहनाजने तिच्या बद्रीनाथ धाम भेटीचे फोटो इंस्टाग्रामवर शेअर केले आहेत. तिथं थंडी इतकी आहे की शहनाजने उबदार कपडे घातले आहेत. डोक्यावर टोपी, गळ्यात मफलर आणि निळे जॅकेट घातलेली शहनाज बिना मेकअप लूकमध्ये खूपच क्यूट दिसत असल्याचे चाहत्यांचे म्हणणे आहे.
सुट्ट्यांचा आनंद घेतेय शहनाज
याआधी शहनाजने एक व्हिडिओ शेअर केला होता, ज्यामध्ये ती उत्तराखंडमध्ये व्हेकेशन एन्जॉय करताना दिसत आहे. कधी ती चुलीवर स्वयंपाक करताना दिसते तर कधी पहाडी डान्स करताना दिसते.
शहनाजने बद्रीनाथ धामला गेल्याचे फोटो सोशल मीडियावर शेअर केले होते. त्याने फोटोसोबत हात जोडलेले, डोंगर आणि मंदिराचे इमोजी पोस्ट केले होते. शहनाजच्या या पोस्टवर अनेकांनी कमेंट केल्या होत्या. वर्क फ्रंटबद्दल बोलायचे झाले तर शहनाज शेवटची थँक यू फॉर कमिंग या चित्रपटात दिसली होती. या चित्रपटात त्याच्यासोबत भूमी पेडणेकर, शिबानी बेदी, कुशा कपिला आणि डॉली सिंग महत्त्वाच्या भूमिकेत दिसले होते.