ललीत मोदी सोबत ब्रेकअपच्या बातम्या येत असताना सुष्मिता सेनचे नवे फोटो आले समोर

सुष्मिता सेन पुन्हा एकदा एक्स बॉयफ्रेंडसोबत दिसल्याने नव्या चर्चा रंगल्या आहेत.

मुंबई : सुष्मिता सेन आणि ललित मोदी यांच्यातील रिलेशनशीप काही काळापूर्वी बरीच चर्चेला आली होती आणि आता त्यांचं ब्रेकअप झाल्याच्या बातम्या येत आहेत. ब्रेकअपच्या या बातम्यांदरम्यान आता सुष्मिता सेनचे नवे फोटो समोर आले आहेत. सुष्मिताने तिची मुलगी रैनच्या वाढदिवसाच्या पार्टीचे काही फोटो सोशल मीडियावर शेअर केले आहेत. या फोटोंमध्ये ती तिचा एक्स बॉयफ्रेंड रोहमन शॉल आणि हृतिक भसीनसोबत दिसत आहे.

आपल्या मुलीच्या वाढदिवसाचे फोटो शेअर करत सुष्मिता सेनने लिहिले की, '4 सप्टेंबरला माझी मुलगी रैनने तिचा 23 वा वाढदिवस साजरा केला. कुटुंबासोबत डिनर केले आणि रेनीच्या मित्रांसोबत खूप डान्स केला.

काही महिन्यांपूर्वी ललित मोदींनी सोशल मीडियावर सुष्मिता सेनला आपला बेटर हाफ म्हणत आपल्या नात्याची घोषणा केली होती. ललित मोदींनी सुष्मितासोबतचे त्यांचे काही रोमँटिक फोटोही शेअर केले आहेत. पण आता ललित मोदींनी अचानकपणे त्यांच्या इंस्टाग्राम बायोमधून सुष्मिताचे नाव हटवले आहे. त्याचा प्रोफाईल फोटोही बदलला. तेव्हापासून या जोडीचे ब्रेकअप झाले की काय, अशा बातम्या येत आहेत.