शहनाज गिलच्या चाहत्यांसाठी गुडन्यूज; लवकरच `या` अभिनेत्यासोबत...
पंजाबच्या कतरिना कैफच्या नावाने प्रसिद्ध असलेल्या शहनाज गिलने इंडस्ट्रीत स्वतःची वेगळी ओळख निर्माण केली आहे.
मुंबई : पंजाबच्या कतरिना कैफच्या नावाने प्रसिद्ध असलेल्या शहनाज गिलने इंडस्ट्रीत स्वतःची वेगळी ओळख निर्माण केली आहे. बिग बॉसनंतर प्रकाशझोतात आलेली शहनाज गिल सध्या चर्चेचा केंद्रबिंदू आहे. अलीकडेच या अभिनेत्रीचा एक व्हिडिओ सोशल मीडियावर मोठ्या प्रमाणात व्हायरल होत आहे.
तिच्या लेटेस्ट व्हिडिओमध्ये शहनाज गिल गुलाबी रंगाच्या ड्रेसमध्ये दिसत आहे. पापाराझींसमोर अभिनेत्री पोझ देते की, शहनाजसह चाहत्यांसमोर एक धक्कादायक खुलासा करते. शहनाजने सांगितलं की, 'ती संजू बाबासोबत अमेरिकेला जाणार आहे.' तेव्हापासून ही अभिनेत्री लवकरच एका मोठ्या प्रोजेक्टमध्ये दिसणार असल्याची चर्चा आहे.
मात्र, शहनाज गिल संजय दत्तसोबत कोणत्या चित्रपटात दिसणार या वृत्ताला अधिकृत दुजोरा मिळालेला नाही. व्हिडिओमध्ये अभिनेत्रीने अमेरिकेला जाण्याव्यतिरिक्त इतर काहीही स्पष्ट केलं नाही. अशा परिस्थितीत अफवांचा बाजार तापला आहे की, सलमान खानच्या चित्रपटाव्यतिरिक्त आता तिच्या हातात आणखी एक मोठा प्रोजेक्ट आला आहे.
अभिनेत्रीच्या वर्क फ्रंटबद्दल बोलायचं झालं तर, लवकरच शहनाज गिल सलमान खानच्या 'कभी ईद कभी दिवाळी' या चित्रपटातून बॉलिवूडमध्ये पदार्पण करणार आहे. पंजाबी स्टारला मोठ्या पडद्यावर पाहण्यासाठी चाहते आतुरतेने वाट पाहत आहेत.