Viral Video : जॉन सीना देखील निघाला शाहरूखचा जबरा फॅन, किंग खानसाठी गायलं सुपरहिट हिंदी गाणं!
John Cena Viral Video : बॉलिवूड सुपरस्टार शाहरुख खानचा (Shah Rukh Khan) मोठा चाहता असलेल्या जॉन सीनाने दिल तो पागल है हे गाणं गायलं. त्याचा व्हिडीओ सध्या सोशल मीडियावर तुफान व्हायरल होतोय.
John Cena Sing Shah Rukh Khan Song : अगदी शून्यातून विश्व उभं करत प्रसिद्धीच्या झोतात आलेल्या शाहरुखनं (Shah Rukh Khan) गेली अनेक दशकं प्रेक्षकांच्या मनावर अधिराज्य गाजवलंय. कधी प्रेक्षकांना खळखळून हसवलं. तर कधी प्रेक्षकांना आयुष्य जगण्याचा सल्ला दिला. एक कलाकार म्हणून शाहरूख जेवढा भारीये, तेवढाच तो माणूस म्हणून देखील ग्रेट आहे. शाहरूख गेल्या काही वर्षात मीडियापासून लांब असतो. मात्र, तो बिग स्क्रीनवरून कधी खाली उतरला नाही. त्यामुळे त्याच्या फॅन्सची संख्या दिवसेंदिवस वाढत आहे. आखाती देश असो वा पाकिस्तान, शाहरुखला प्रत्येक देशात प्रेम मिळालं. अशातच आता डब्ल्यूडब्ल्यूईचा सुपरस्टार जॉन सीना (John Cena) देखील शाहरूख खानचा जबरा फॅन असल्याचं पहायला मिळतंय. एवढंच नाही तर जॉन सीनाने शाहरूखसाठी खास गाणं देखील गायलंय.
सोशल मीडियावर एक व्हिडिओ व्हायरल (Viral Video) होत आहे ज्यामध्ये जॉन सीनाने शाहरुख खानच्या दिल तो पागल है या चित्रपटातील काही ओळी गात असल्याचं दिसत आहे. त्याचा व्हिडीओ सध्या सोशल मीडियावर व्हायरल झालाय. पहलवान गुरविंदर सिहरा याने सुपरस्टार जॉन सीनाचा एक व्हिडीओ शूट केला. त्यामध्ये जॉन सीनाची ओळख सिहराने शाहरुख खानचा फॅन अशी करून दिली आहे. त्यावेळी त्याने जॉन सीनाला बॉलिवूडमधील प्रसिद्ध गाणं 'भोली सी सूरत, आँखो मैं मस्ती..', हे गाणं गाताना दिसत आहे. गुरविंदर सिहराने शेअर केलेल्या या व्हिडीओवर अनेकांनी भन्नाट प्रतिक्रिया दिल्या आहेत. आम्हाला जॉन सीनाला हिंदी सिनेमामध्ये पहायचं आहे, असं काही नेटकऱ्यांनी म्हटलंय.
जॉनी लिव्हरने केलं किंग खानचं कौतूक
शाहरूख खान कामाच्या बाबतीत खूप मग्न असतो. तो पूर्ण फोकसने काम करतो. आम्ही मेहबूब स्टुडिओमध्ये 'बादशाह' चित्रपटाचे शूटिंग करत असताना आजूबाजूला अनेक सुंदर मुली होत्या. मुलींमध्ये शाहरूखची इतकी क्रेझ होती की शाहरुखला पाहून त्या वेड्या होतात. सेटवर एवढ्या मुली असूनही शाहरुखचे लक्ष कामावरुन दुसरीकडं वळलं नाही. तो आपलं काम करत राहिला, असा किस्सा जॉनी लिव्हर यांनी सांगितला होता.
दरम्यान, शाहरुख खान नुकताच डंकी या सिनेमात झळकला होता. तर त्याआधी जवान सिनेमाने अनेक रेकॉर्ड तोडले होते. आता भारतीय अंतराळवीर राकेश शर्मा यांच्या सॅल्यूट बायोपिकमध्ये शाहरुख खान देखील असल्याचे म्हटलं जातंय. तो राकेश शर्माची भूमिका साकारणार असल्याचे सांगण्यात येत आहे. तर संजय लीला भन्साळी Izhaar नावाचा चित्रपट बनवत आहेत. या चित्रपटात शाहरुख खान दिसणार असल्याचं बोललं जातंय. त्यामुळे आता शाहरुखची क्रेझ आणखी वाढणार असल्याचं स्पष्ट झालंय.