`या` आजारांनी त्रस्त असलेल्यांनी फ्लॉवर खाऊ नये, त्यामुळे तुमचा त्रास आणखी वाढू शकतो

मुंबई : काही भाज्या अशा असतात की त्या प्रत्येक ऋतूत तुम्हाला सहज मिळतील. पण त्यांच्या चवीबद्दल बोलायचे झाले तर हिवाळ्यातच या भाज्यांना चांगली चव येते. या भाज्यांमध्ये फुलकोबीचाही समावेश आहे, ज्याला आपण फ्लॉवरची भाजी म्हणून देखील ओळखतो. फ्लॉअर तुम्हाला प्रत्येक हंगामात बाजारात मिळेल पण मुख्यत: फ्लॉवर हि हिवाळ्यातील भाजी आहे. फ्लॉवरमध्ये कॅल्शियम, फॉस्फरस, प्रथिने, कार्बोहायड्रेट्स आणि लोह भरपूर प्रमाणात असते. यासोबतच व्हिटॅमिन ए, बी, सी आणि पोटॅशियम देखील असते.

कोबीचा दोन्ही ही प्रकार आरोग्यासाठी फायदेशीर आहे. पण काही लोकांनी फ्लॉअरचे सेवन करणे टाळावे. परंतु कोणत्या लोकांनी याचे सेवन करू नये. हे तुम्हाला माहित असणे गरचे आहे. तसेच जर या लोकांनी याचे सेवन केले तर त्यांचे कोणते नुकसान होऊ शकते हे देखील माहित करुन घ्या.

थायरॉईडच्या रुग्णांनी खाऊ नये

जर तुम्हाला थायरॉइडची समस्या असेल तर फ्लॉवरचे सेवन टाळा. याचे सेवन केल्याने तुमचे T3 आणि T4 हार्मोन्स वाढू शकतात.

स्टोनचा त्रास असलेल्या लोकांनी खाऊ नये

ज्या लोकांना पित्त मूत्राशय किंवा किडनी स्टोनची समस्या आहे, त्यांनी फ्लॉवरचे सेवन टाळावे. कोबीमध्ये कॅल्शियमचे प्रमाण जास्त असते. दुसरीकडे, तुमच्या युरिक अॅसिडचे प्रमाण जास्त असते ज्यामुळे फ्लॉवरचे सेवन करू नये.

अशा परिस्थितीत, याचे सेवन केल्याने मूत्रपिंड किंवा मूत्राशयातील मूत्रपिंडाची समस्या वेगाने वाढते. याव्यतिरिक्त, यूरिक ऍसिडची पातळी देखील वेगाने वाढू शकते.

ऍसिडिटीचा त्रास असलेल्यांनी खाऊ नये

ज्या लोकांना गॅसची समस्या आहे, त्यांनी फ्लॉवरचे सेवन टाळावे. कोबीमध्ये कर्बोदके असतात. त्यामुळे अॅसिडिटीची समस्या वाढू शकते.