Chicken: तुम्हीही नियमित चिकन खात असाल तर सावधान !
तुम्हीही ही चिकन लव्हर असाल तर ही बातमी तुमच्यासाठी महत्त्वाची.
मुंबई : जर तुम्हाला नॉनव्हेज आवडत असेल आणि तुम्ही रोज चिकनवर ताव मारत असाल तर तुम्हाला काळजी घेण्याची घरज आहे. अनेक लोक मांसाहार करणं आरोग्यदायी मानतात, तर काही लोक फक्त जिभेच्या चवीसाठी चिकनला अधिक प्राधान्य देतात. जर तुम्ही अधिक चिकन खात असाल तर तुम्हाला त्याचे फायदे आणि तोटे माहित असणे आवश्यक आहे. चिकन हा एक पोल्ट्री पदार्थ आहे जो प्रथिनांनी समृद्ध आहे आणि आपल्या शरीराला अनेक पोषक तत्वे प्रदान करतो.
पण चिकनच्या जास्त प्रमाणामुळे तुमच्या आरोग्यावर त्याचा वाईट परिणाम देखील होऊ शकतो. काही अभ्यासात असे पुढे आले की, दररोज चिकन खाल्ल्याने तुम्हाला काही आरोग्य-संबंधित दुष्परिणाम जाणवू शकतात. चिकन खरेदी करताना आणि शिजवताना काळजी घेणे आवश्यक आहे. चिकनमध्ये असलेल्या साल्मोनेला पोल्ट्री चिकनमध्ये आढळणाऱ्या बॅक्टेरियामुळे तुम्हाला अन्नातून विषबाधा होऊ शकते.
चिकन एलडीएल खराब कोलेस्टेरॉलची पातळी वाढवते. याचा थेट परिणाम तुमच्या हृदयवरही होऊ शकतो. अशा परिस्थितीत जर तुम्ही रोज चिकनचे सेवन करत असाल तर तुमच्या रक्तातील खराब कोलेस्ट्रॉलची पातळी वाढू शकते.
दररोज चिकन खाणे चांगले नाही कारण जेव्हा तुम्ही जास्त प्रथिने घेतात तेव्हा तुमचे शरीर अतिरिक्त प्रथिने साठवून ठेवते जे चरबी म्हणून जाळले जाते. ज्यामुळे तुमचे वजन वाढू लागते. एका अभ्यासानुसार, आहाराचा प्रकार आणि वजन यांचा संबंध आहे. अशा स्थितीत जे लोक मांसाहार करतात त्यांचे वजन शाकाहारी लोकांपेक्षा जास्त असते.
जर तुम्हाला किंवा तुमच्या कौटुंबिक इतिहासात उच्च रक्तदाबाची तक्रार असेल तर तुम्ही तुमचा आहार काळजीपूर्वक निवडावा. जर तुम्हाला उच्च रक्तदाब असेल तर तुम्ही सॅच्युरेटेड फॅट किंवा ट्रान्स फॅट जास्त असलेले पदार्थ टाळावेत असा सल्ला तज्ञ देतात.
चिकनच्या काही जाती मूत्रमार्गात संक्रमण किंवा यूटीआयशी देखील जोडल्या जाऊ शकतात. अमेरिकन सोसायटी फॉर मायक्रोबायोलॉजी जर्नल, mBio मध्ये प्रकाशित झालेल्या अभ्यासानुसार, चिकनमुळे UTIs सह विविध प्रकारचे संक्रमण होऊ शकते. अशा परिस्थितीत, ताजे चिकन खरेदी करणे आणि नियमित सेवन टाळणे हेच महत्त्वाचे ठरु शकते.
यूरिक ऍसिड हे तुमच्या शरीरातील प्रथिनांच्या चयापचयाचे उत्पादन आहे. अशा परिस्थितीत, कोणतेही प्रथिने विशेषत: प्राणी प्रथिने जसे की चिकन, मटण, अंड्याचा पांढरा भाग आणि मासे जे प्रथिनेयुक्त अन्न आहेत ते शरीरातील यूरिक ऍसिड वाढवू शकतात.