Health News: वारंवार तोंड कोरडं पडतंय? असू शकतात गंभीर आजाराची लक्षणे

Dry Mouth Remedies: गरमीच्या वातावरणात सारखी तहान लागत असते. तर हिवाळ्यात कमी प्रमाणात तहान जाणवते. शरीरात पाण्याचे प्रमाण कमी झाले का तोंड आणि घसा दोन्ही कोरडे पडतात. पण ही सामान्य गोष्ट असली तरी एका गंभीर आजाराची लक्षण असू शकतात.

Dry mouth Symptoms and causes: उन्हाळ्याच्या तुलनेत हिवाळ्यात घशाला कोरड पडणं ही सर्वसाधारण समस्या आहे. कारण हिवाळ्यात घाम कमी येतो त्यामुळे तहानही कमी लागते. त्याचवेळी बाहेरील हवाही कोरडी असते. श्वसनातून गेलेल्या कोरड्या हवेमुळे घसाही कोरडा पडतो. उन्हाळ्यात तपमान अधिक असते आणि जास्त घाम आल्यामुळे घसा कोरडा पडतो. सतत पाणी प्यावेसे वाटते. जर वारंवार तोंड कोरडे पडत असेल आणि तहान लागत असेल तर यावेळी रक्तातील साखर वेळा वाढण्याची लक्षणे असू शकतात. अशा स्थितीत अनेक वेळा सतर्क राहण्याची गरज आहे. कारण उच्च रक्तातील साखरेला हायपरग्लाइसेमिया देखील म्हणतात. 

उच्च रक्तातील साखरेची अनेक लक्षणे आहेत. यामध्ये हायपरग्लाइसेमियाची लक्षणे म्हणजे उच्च रक्त शर्करा म्हणजे तोंड कोरडे पडणे आणि वारंवार तहान लागणे. तसेच लघवीलाही सारखे होणे. यात अनेक वेळा लक्षणे दिसतात जी अगदी सामान्य आणि किरकोळ वाटतात परंतु दीर्घकाळासाठी धोकादायक ठरू शकतात.

जेव्हा डॉक्टर मधुमेहावर उपचार करतात तेव्हा रक्तातील साखर नियंत्रित ठेवणे हाच त्यामागचा उद्देश असतो. पण अनेक वेळा रक्तातील साखरेचे प्रमाण सारखेच असते. अशावेळी हायपरग्लाइसेमिया योग्य त्यावेळी ओळखणे अधिक गरजेचे असते. काहीवेळा उच्च रक्तातील साखर हा फारसा चिंतेचा विषय नसतो, परंतु जेव्हा यामुळे तुमच्या शरीरात समस्या निर्माण होतात तेव्हा ते आरोग्यासाठी धोकादायक असते. रक्तातील साखरेचे प्रमाण वाढल्याने अनेकांचे तोंड कोरडे पडते. त्यामुळे काही लोकांना वारंवारं लघवीला होत असते. यासोबतच थकवा जाणवणे, वजन कमी, त्वचा संक्रमण, मूत्राशय संसर्ग असे अनेक आजार उदभवू शकतात.