वैद्यकीय संशोधक मागील अनेक काळापासून कमीत कमी दुष्परिणामांसह सुरक्षित वजन-कमी करणाऱ्या औषधाच्या शोधात होते. दरम्यान, अखेर त्यांच्या हाती एक आशेचा किरण लागल्याचं दिसत आहे. संशोधकांनी वजनी करणारं एक औषध विकसित केलं आहे, ज्याचे सकारात्मक परिणाम दिसले आहेत. 


COMMERCIAL BREAK
SCROLL TO CONTINUE READING

मॅसॅच्युसेट्स अॅमहर्स्ट विद्यापीठातील बायोमेडिकल इंजिनिअरने लठ्ठ उंदरांवर या औषधाचा प्रयोग केला. या उंदरांच्या यकृतापर्यंत औषध पोहोचवण्यासाठी नॅनोजेल-आधारित कॅरिअरचा वापर करण्यात आला, जो त्याच्या प्रयोगशाळेत तयार केला आहे. हे औषध दिलं असता आहाराच्या सवयींमुळे होणारे परिणाम उलट झाल्याचं दिसून आलं. 


रसायनशास्त्र आणि बायोमेडिकल इंजिनिअरचे प्राध्यापक एस थाई थायुमानवन यांनी सांगितलं आहे की, "औषध देण्यात आलेल्या लठ्ठ उंदरांचं वजन पूर्णपणे कमी झालं. याशिवाय आम्हाला कोणतेही दुष्परिणाम दिसले नाहीत. जवळपास 100 दशलक्ष अमेरिकन लोकांना लठ्ठपणा आणि संबंधित कार्डिओमेटाबॉलिक विकार आहेत. हे लक्षात घेता आम्ही या औषधाबद्दल फार उत्सुक आहोत". 


माणसांमध्येही हेच निष्कर्ष दिसावेत यासाठी सायटा थेरप्युटिक्स नावाच्या स्टार्ट-अप कंपनीद्वारे प्रयत्न केला जात आहे. या स्टार्टअपची स्थापना थायुमानवन प्रयोगशाळेतील नॅनोजेल तंत्रज्ञानावर आधारित UMass इन्स्टिट्यूट फॉर अप्लाइड लाइफ सायन्सेस (IALS) येथे झाली. सायटा थेरप्युटिक्सने बोस्टनमधील 16 व्या वार्षिक मॅसॅच्युसेट्स लाइफ सायन्सेस इनोव्हेशन डे (MALSI) येथे सर्वोत्कृष्ट स्टार्टअपसाठी जजेस चॉईस अवॉर्ड जिंकला होता. "हे एक मोठं यश आहे. हे एक औषध म्हणून तयार होईल याची आम्हाला आशा आहे," असं थायुमानवन यांनी म्हटलं आहे. 


IALS मधील सेंटर फॉर बायोएक्टिव्ह डिलिव्हरीचे संचालक, ज्येष्ठ लेखक थायुमानवन यांनी, नॅशनल ऍकॅडमी ऑफ सायन्सेस NEXUS च्या प्रोसिडिंग्ज ऑफ द प्रोसिडिंग्ज ऑफ द नॅशनल ऍकॅडमी ऑफ सायन्सेसमध्ये मंगळवार, 29 ऑगस्ट रोजी प्रकाशित केलेल्या पेपरमध्ये त्यांच्या टीमचे निष्कर्ष स्पष्ट केले आहेत. दरम्यान लहान आणि मोठ्या रेणूंसाठी नोव्हल डिलिव्हरी प्लॅटफॉर्म तयार करुन योग्य औषध शरिरात योग्य ठिकाणी पोहोचवणं हे केंद्राच्या प्राथमिक उद्दिष्टांपैकी एक आहे.


थायरोमिमेटिक्स, किंवा औषधे जी सिंथेटिक थायरॉईड संप्रेरकाची नक्कल करतात ती लठ्ठपणा, टाइप 2 मधुमेह, उच्च कोलेस्ट्रॉल, चयापचय बिघडलेले कार्य-संबंधित स्टीटोहेपेटायटीस (MASH) आणि इतर समस्या हाताळण्याचा संभाव्य मार्ग मानला जातो. त्यातही थेरपी महत्त्वाची आहे. 


"आम्हाला हे औषध निवडकपणे यकृतापर्यंत पोहोचवण्याची गरज आहे. जर हे औषध इतर ठिकाणी गेले तर गुंतागुंत होऊ शकते," असं त्यांनी सांगितलं आहे. दुष्परिणामासह औषध पद्धतशीरपणे घेतल्याने त्याची प्रभावीता कमी होण्याची अपेक्षा होती, ज्याची पुष्टी अभ्यासात झाली.